Ջուզեպպե Աբբատի

Ջուզեպպե Աբբատի
իտալ.՝ Giuseppe Abbati
Ծնվել էհունվարի 13, 1836(1836-01-13)[1][2][3]
ԾննդավայրՆեապոլ, Իտալիա
Վախճանվել էփետրվարի 21, 1868(1868-02-21)[1][2] (32 տարեկան)
Մահվան վայրՖլորենցիա, Իտալիայի թագավորություն
Քաղաքացիություն Իտալիայի թագավորություն
ԿրթությունՎենետիկի գեղարվեստի ակադեմիա
Մասնագիտություննկարիչ և Garibaldino
ՈճՄաքիայոլի
ՄեկենասներDiego Martelli?
ՈւսուցիչGirolamo Michelangelo Grigoletti?[4]
ԱնդամակցությունՄաքիայոլի
ՀայրՎինչենցո Աբբաթի
 Giuseppe Abbati Վիքիպահեստում
«Կաթնավաճառը Պյատժենտինից» (1864), յուղաներկ, Կաստելի պետական թանգարան, Նեապոլ

Ջուզեպպե Աբբատի ( իտալ.՝ Giuseppe Abbati, հունվարի 13, 1836(1836-01-13)[1][2][3], Նեապոլ, Իտալիա - փետրվարի 21, 1868(1868-02-21)[1][2], Ֆլորենցիա, Իտալիայի թագավորություն), իտալացի գեղանկարիչ, պատկերել է նկարներ մաքիայոլի ոճով։ Եղել է Ռիսորջիմենտոյի մասնակից։

Կենսագրություն

[խմբագրել | խմբագրել կոդը]

Ջուզեպպե Աբբատին ծնվել է Նեապոլում, 1836 թվականի հունվարի 13-ին՝ նկարիչ Վինչենցո Աբբատիի և Ֆրանչեսկայի (ծննդով հռոմեացի) ընտանիքում[5]։ 1850-1853 թվականներին սովորել է Վենետիկի գեղարվեստի ակադեմիայում՝ Ջիրոլամո Միքելանջելո Գրիգոլետտի և Ֆրանչեսկո Բանիարի մոտ։ 1856 թվականին ուսանողական գործուղման ժամանակ ծանոթացել է նկարիչներ Տելեմակո Սինորինիի և Վիտո Անկոնայի հետ։ Այդ ժամանակ Նեապոլում հոր հետ բացել է արհեստանոց[6]։

Պայքարել է Իտալիայի միասնության համար, որի ժամանակ էլ զրկվել է աջ աչքից։ 1860 թվականին հաստատվել է Ֆլորենցիայում, որտեղ ծանոթացել է Սերաֆինո դե Տիվոլի հետ և անդամագրվել մաքիայոլի խմբին։

1861 թվականին Աբբատիի նկարները իտալական ցուցահանդեսում քննադատները բարձր են գնահատել։ 1860-ական թվականներին շատ էր նկարում պլեների ոճով ՝ մենաստաններում և Ֆլորենցիայի հարակից այգիներում։ Հաճախ էր այցելում և աշխատում Կաստիլոնչելոյում գտնվող Դիեգո Մարտելիի տանը։

Աբբատին ուներ հպարտ և անկախ բնավորություն։ 1868 թվականին նա հրաժարվեց նկարիչներին տրվող խրախուսանքներից, Ռիսորջիմենտոյի կրծքանշանից։ Հրաժարվեց նաև հաշմանդամներին տրվող թոշակից[5]։

1866 թվականին նա մասնակցել էր Իտալիայի անկախության համար մղվող Երրորդ պատերազմին, որի ժամանակ գերի էր ընկել։ Վերադառնալով գերությունից՝ հաստատվում է Կաստել դելլա Միզերիկորդիայում։ Մահացել է Ֆլորենցիայում 1868 թվականի փետրվարի 21-ին։ Ջուզեպպեն դարձել էր իր իսկ կատաղի շան հարձակման զոհը[6]։

Աբբատին եղել է պերգենտինյան դպրոցի հետևորդ, որի անդամները ուսումնասիրում էին գույնի և ձևի համադրությունը։ Դպրոցի հետևորդներից են եղել Սերաֆինո դե Տիվոլին, Նինո Կոստան, Ջովաննի Ֆատորին, Վինչեցո Կաբյանկան։ Նկարչական դպրոցը իր անունը ստացել է Ֆլորենցիայի Պերգենտինա այգու անունից, որտեղ նկարիչները սիրում էին աշխատել։ Այս դպրոցում են իրենց գործունեությունը ծավալել Սիլվերստրո Լեգան, Օդոարդո Բորրանին, Ռաֆֆայելո Սերնեզին, Տելեմակո Սինորինին։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 RKDartists (նիդերլ.)
  2. ↑ 2,0 2,1 2,2 2,3 2,4 Բրոքհաուզի հանրագիտարան (գերմ.)
  3. ↑ 3,0 3,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
  4. ↑ https://www.sapere.it/enciclopedia/Abbati%2C%2BGius%C3%A8ppe.html
  5. ↑ 5,0 5,1 Broude 1987, p. 80.
  6. ↑ 6,0 6,1 Steingräber & Matteucci 1984, p. 103.

Արտաքին հղումներ

[խմբագրել | խմբագրել կոդը]
  • Mezzetti A. — Dizionario Biografico degli Italiani — Volume 1 (1960)«Abbati, Giuseppe». www.treccani.it. Վերցված է 1.10.2018-ին.
Վիքիպահեստն ունի նյութեր, որոնք վերաբերում են «Ջուզեպպե Աբբատի» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ