Ռամիրո Բլակուտ

Ռամիրո Բլակուտ իսպ.՝ Ramiro Blacut
Քաղաքացիությունը	Բոլիվիա
Ծննդյան ամսաթիվ	հունվարի 3, 1944(1944-01-03)[1]
Ծննդավայր	Լա Պաս, Բոլիվիա
Մահվան ամսաթիվ	օգոստոսի 12, 2024(2024-08-12)[2] (80 տարեկան)
Մահվան վայր	Սանտա Կրուս դե լա Սիերրա, Բոլիվիա[3]
Դիրք	հարձակվող

Ռամիրո Բլակուտ (իսպ.՝ Ramiro Blacut Rodríguez, հունվարի 3, 1944(1944-01-03)^[1], Լա Պաս, Բոլիվիա - օգոստոսի 12, 2024(2024-08-12)^[2], Սանտա Կրուս դե լա Սիերրա, Բոլիվիա^[3]), բոլիվիացի ֆուտբոլիստ և մարզիչ, 1963 թվականի Ամերիկայի գավաթի հաղթող և մրցաշարի լավագույն ֆուտբոլիստ։

Ակումբային կարիերա

Ռամիրո Բլակուտի ֆուտբոլային կարիերան սկսվել է հայրենի Լա Պաս քաղաքում, որտեղ նա հաջողությամբ հանդես է եկել տեղական ակումբներում^[4]։ 19 տարեկանում ֆուտբոլիստը միացել արգենտինական «Ֆերոկարիլ Օեստե» ակումբին, որը հաջող հանդես է եկել Արգենտինայի երկրորդ լիգայում և գրավել առաջին տեղը։

1965 թվականի գարնանը Բլակուտին նկատել են Եվրոպայում, և նա տեղափոխվել է Մյունխենի «Բավարիա», որի կազմում նույն թվականին նվաճել է բրոնզե մեդալ, որից հետո Գերմանիայի գավաթի եզրափակչում ակումբը հաղթել է «Դույսբուրգին»։ Սակայն բոլիվիացի ֆուտբոլիստը նոր ակումբում այնքան էլ խաղային պրակտիկա չի ստացել և կարճ ժամանակ անց վերադարձել է Բոլիվիա, որտեղ խաղացել է մինչև 1972 թվականը։ Բլակուտին կարճ ժամանակահատվածում ելույթ է ունեցել պերուական «Մելգարում» և կրկին վերադարձել Լա Պաս։ Ռամիրո Բլակուտը ֆուտբոլիստի կարիերային հրաժեշտ է տվել 30 տարեկանում՝ Բոլիվիայի առաջնության բրոնզե մեդալակիր դառնալուց անմիջապես հետո։

Ազգային հավաքականում

1963 թվականին ֆուտբոլիստը հրավիրվել է Բոլիվիայի ֆուտբոլի ազգային հավաքական՝ 1963 թվականի Ամերիկայի գավաթի խաղերից անմիջապես առաջ։ Մրցաշարի հանդիպումների մեծ մասը տեղի են ունեցել ծովի մակարդակից 3600 մետր բարձրության վրա Էռնանդո Սայլես մարզադաշտում։ Երկրպագուների աջակցության և այլ թիմերի համար անսովոր կլիմայական պայմանների շնորհիվ մրցաշարի հյուրընկալող թիմը կարողացել է նվաճել պատմության մեջ առաջին և միակ տիտղոսը։ Բլակուտը դարձել է կարևոր գոլի հեղինակ^[5] և դարձել մրցաշարի լավագույն ֆուտբոլիստ։

Չորս տարի անց Ուրուգվայում տեղի ունեցած Ամերիկայի գավաթում Բոլիվիայի արդյունքը եղել է հակառակը․ թիմն առանց գոլ խփելու մրցաշարում զբաղեցրել է վերջին տեղը։

Ռամիրո Բլակուտը խաղացել է Աշխարհի գավաթի երկու որակավորման փուլերում՝ 1966 և 1970 թվականներին^[6], սակայն Բոլիվիայի հավաքականը երբեք չի կարողացել դուրս գալ եզրափակիչ փուլ։ Ընդհանուր առմամբ Բլակուտը ազգային հավաքականի կազմում անցկացրել է 23 խաղ և դաձել երեք գոլի հեղինակ^[7]։

Մարզչական կարիերա

Մարզչական ոլորտում Ռամիրո Բլակուտը մարզել է հարավամերիկյան մի քանի ակումբներ։ Նա երեք անգամ գլխավորել է ազգային հավաքականը՝ 1979-1981 թվականներին, 1991 և 2004 թվականներին, սակայն թիմի հետ մեծ հաջողությունների չի հասել։

Ռամիրո Բլակուտը մահացել է 2024 թվականի օգոստոսի 12-ին, 80 տարեկան հասակում^[8]։

Ձեռքբերումներ

Որպես ֆուտբոլիստ

• Ամերիկայի գավաթակիր՝ 1963 թ․
• Բոլիվիայի չեմպիոն (3)՝ 1968 թ․, 1969 թ․, 1974 թ․
• Գերմանիայի գավաթակիր՝ 1966 թ․
• Արգենտինայի երկրորդ լիգայի հաղթող՝ 1963 թ․

Որպես մարզիչ

• Բոլիվիայի չեմպիոն (2): 1983 թ․, 1988 թ․
• Էկվադորի փոխչեմպիոն՝ 2001 թ․

Ծանոթագրություններ

1. Transfermarkt.com(բազմ․) — 2000.
2. Fallece Ramiro Blacut, campeón de América en 1963 — Los Tiempos.
3. Fallece Blacut, exjugador de la selección boliviana — La Razón.
4. Benjamin Strack-Zimmermann. «Ramiro Blacut» (անգլերեն). www.national-football-teams.com. Արխիվացված է օրիգինալից 2019-06-23-ին. Վերցված է 2019-06-24-ին.
5. «Southamerican Championship 1963». www.rsssf.com. Արխիվացված է օրիգինալից 2021-07-13-ին. Վերցված է 2019-06-24-ին.
6. «FIFA Tournaments - Players & Coaches - BLACUT Ramiro» (անգլերեն). FIFA.com. Արխիվացված է օրիգինալից 2016-03-05-ին. Վերցված է 2019-06-24-ին.
7. «Bolivia - Record International Players». www.rsssf.com. Արխիվացված է օրիգինալից 2009-06-11-ին. Վերցված է 2019-06-24-ին.
8. «Fallece Ramiro Blacut, campeón de América en 1963». Los Tiempos. Վերցված է 12 August 2024-ին.

Արտաքին հղումներ

• Ramiro Blacut at National-Football-Teams.com