Ռեյնհարդ Գյոբել

Ռեյնհարդ Գյոբել
գերմ.՝ Reinhard Goebel
Դիմանկար
Ծնվել էհուլիսի 31, 1952(1952-07-31)[1] (72 տարեկան)
ԾննդավայրԶիգեն, Առնսբերգ, Հյուսիսային Հռենոս-Վեստֆալիա, Գերմանիայի Ֆեդերատիվ Հանրապետություն[2]
Քաղաքացիություն Գերմանիա
ԿրթությունՔյոլնի երաժշտական բարձրագույն դպրոց
Մասնագիտությունդիրիժոր, երաժշտագետ և ջութակահար
ԱշխատավայրՄոցարտեում
Պարգևներ և
մրցանակներ
Կայքreinhardgoebel.com
 Reinhard Goebel Վիքիպահեստում

Ռեյնհարդ Գյոբել (գերմ.՝ Reinhard Goebel, հուլիսի 31, 1952(1952-07-31)[1], Զիգեն, Առնսբերգ, Հյուսիսային Հռենոս-Վեստֆալիա, Գերմանիայի Ֆեդերատիվ Հանրապետություն[2]), գերմանացի ջութակահար և դիրիժոր, աուտենտիկ շարժման ներկայացուցիչ։

Գործունեություն

[խմբագրել | խմբագրել կոդը]

Ջութակ նվագել է սովորել Քյոլնի կոնսերվատորիայում Ֆրանց-Յոզեֆ Մայերի մոտ։ Վարպետացել է Ամստերդամում Էդուարդ Մելկուս և Մարիա Լեոնհարդտ ջութակահարների մոտ։ Երաժշտության պատմություն է ուսանել Քյոլնի համալսարանում։ 1973 թվականին Քյոլնում հիմնադրել է Musica Antiqua Köln համույթը` հիմնականում բարոկկոյի գործիքային երաժշտության աուտենտիկ կատարման նպատակ ունենալով (աուտենտիզմը ուղղություն է կատարողական արվեստում, որը նպատակ ունի հին երաժշտության հնչման ճիշտ վերարտադրում ժամանակակից օրիգինալ կատարմանը համապատասխան)։ Համույթին միջազգային ճանաչման է արժանացրել ելույթը Բախի միջազգային փառատոնում 1978 թվականին Լոնդոնում[4]։ Մինչև 2005 թվականը ակտիվորեն ելույթ է ունեցել հյուրախաղերով, ձայնագրվել է այդ նույն համույթով, մինչև 1990 թվականը` նաև որպես մենակատար ջութակահար[5]։ Գյոբելի ու նրա համույթի կատարումներն առանձնանում են յուրահատուկ կենդանությամբ, ակադեմիականի համեմատ ավելի մեծ արագությամբ, տեմպով, ինտոնացիայի ճշգրտությամբ` չնայած բնական հնչյունաշարով փողային գործիքների կատարողական տեխնիկայի դժվարությանը։ Ռեյնհարդ Գյոբելը դասավանդել է Զալցբուրգի Մոցարտեում կոնսերվատորիայում, Բեռլինի ֆիլհարմոնիկ նվագախմբի Նվագախմբային ակադեմիայի դասընթացներում։ Ներկայումս էլ հանդես է գալիս հյուրախաղերով` սովորաբար որպես հրավիրված դիրիժոր Եվրոպայում։ Նվագացանկի հիմքը կազմում են բարոկկո ոճի գերմանական երաժշտությունը և 18-րդ դարի վիեննական դասական արվեստը։ Զբաղվում է նաև խմբագրմամբ և քիչ հայտնի բարոկկո երաժշտության տպագրությամբ (այդ թվում` Դ. Հայնիխենի մի շարք ստեղծագործություններ)[6]։

Որոշ ձայնագրություններ (որպես մենակատար և Musica Antiqua խմբի կազմում)

[խմբագրել | խմբագրել կոդը]
  • Բրանդենբուրգյան համերգներ և Բախի նվագախմբային երաժշտություն
  • Գեորգ Ֆիլիպ Տելեման (այդ թվում` «Սեղանային երաժշտության» (գերմ.՝ Tafelmusik) լիարժեք հավաքածու)
  • Ֆրանսուա Կուպերեն
  • Ժան-Ֆերի Ռեբել «Տարերքներ»
  • Հենրիխ Բիբեր «Սոնատ-միստերիաներ ջութակի և թվայնացված բասի համար»
  • Բախի ողջ ստեղծագործությունը` գրված ջութակի համար

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Բրոքհաուզի հանրագիտարան (գերմ.)
  2. ↑ 2,0 2,1 2,2 Deutsche Nationalbibliothek Record #124203000 // Gemeinsame Normdatei (գերմ.) — 2012—2016.
  3. ↑ https://www.bachfestleipzig.de/de/bachfest/bach-medaille
  4. ↑ Anderson N. Reinhard Goebel // The New Grove Dictionary of Music and Musicians. L.; N.Y., 2001.
  5. ↑ Официально ансамбль Musica antiqua Köln был распущен в 2007 году.
  6. ↑ В издательстве A-R Editions.

Գիտական աշխատանքներ

[խմբագրել | խմբագրել կոդը]
  • Goebel R. Fragen der instrumentalen Solo- und Ensemblepraxis Bachs // Johann Sebastian Bachs Spätwerk und dessen Umfeld, hrsg. v. Ch. Wolff. Kassel, New York: Bärenreiter, 1988, S. 84 ff.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ռեյնհարդ Գյոբել» հոդվածին։
 ⛭ 
  Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ