Ռիչարդ Մ. Միլս Կրտսեր

Ռիչարդ Մ. Միլս կրտսեր Richard M. Mills, Jr.
2015
Նախորդող	Ջոն Հեֆֆերն
Կրթություն՝	Էդմունդ Ա. Վալշի անվան դիվանագիտական ծառայության դպրոց, Տեխասի համալսարանի իրավաբանական դպրոց[1] և Պաշտպանության ազգային համալսարան[2]
Գիտական աստիճան՝	իրավագիտության դոկտոր, Ազգային անվտանգության ռազմավարության մագիստրոս
Մասնագիտություն՝	Հայաստանում ԱՄՆ դեսպան
Ծննդյան օր	1959(1959)
Ծննդավայր	Լուիզիանա
Ամուսին	Լի Քարտեր
Պարգևներ	9-ը անգամ արժանացել է ԱՄՆ պետքարտուղարության բարձրագույն պարգևների։

Ռիչարդ Մ. Միլս կրտսեր (անգլ.՝ Richard M. Mills, Jr., փետրվարի 23, 1959(1959-02-23), Լուիզիանա, ԱՄՆ), դիվանագիտական կադրային ծառայող, Լիբանանում ԱՄՆ փոխդեսպան 2012-2014 թթ, Հայաստանում ԱՄՆ դեսպան 2015 թ^[3]։

Վաղ կյանքը և կրթություն

Ռիչարդ Մ. Միլս կրտսերը ծնվել է Լուիզիանա նահանգում և մեծացել է Միչիգանում։ Սովորել է Ջորջթաունի համալսարանում, Թեքսասի համալսարանում, Պաշտպանության ազգային համալսարանում։ Ունի բակալավրի, իրավագիտության դոկտորի, Ազգային անվտանգության ռազմավարության մագիստրոսի գիտական կոչում։

Կարիերա

1996-1998 թվականներին զբաղեցրել է ԱՄՆ-ի պետքարտուղարության գործադիր քարտուղարության ճյուղային վարչության տնօրենի պաշտոնը^[4]։ 1999-2001 թվականներին տնտեսագիտական հարցերով խորհրդատու է աշխատել Դուբլինի (Իռլանդիա) ԱՄՆ դեսպանությունում ^[5]: 2001-2003 թվականներին քաղաքական հարցերով պատասխանատու է եղել Միավորված ազգերի կազմակերպության ԱՄՆ առաքելությունում։ 2003 թվականին Իսլամաբադի (Պակիստան) ԱՄՆ դեսպանությունում նշանակվել է քաղաքական խորհրդատուի տեղակալ։ 2005-2006 թվականներին Ռիադի (Սաուդյան Արաբիա) ԱՄՆ դեսպանությունում աշխատել է էներգետիկ հարցերով կցորդ և միաժամանակ տնտեսագիտական հարցերով խորհրդատուի պաշտոնակատար։ Ռիչարդ Մ. Միլս կրտսերը Լոնդոնի (Միացյալ Թագավորություն) ԱՄՆ դեսպանությունում քաղաքական հարցերով խորհրդատու աշխատել է 2006-2009 թվականներին։ Դրանից հետո մեկ տարի ժողովրդավարության հարցերով ավագ խորհրդատու է աշխատել Բաղդադի (Իրաք) ԱՄՆ դեսպանությունում։ 2010-2012 թվականներին Վալետայի (Մալթա) ԱՄՆ դեսպանությունում աշխատել է փոխդեսպան և գործերի ժամանակավոր հավատարմատար։ 2012-2014 թվականներին եղել է Բեյրութի (Լիբանան) ԱՄՆ փոխդեսպանը։ 2015 թվականի փետրվարին Ռիչարդ Մ. Միլս կրտսերը նշանակվել է Հայաստանում Ամերիկայի Միացյալ Նահանգների արտակարգ և լիազոր դեսպան։ Երդմնակալության արարողությունը տեղի է ունեցել փետրվարի 6-ին Վաշինգտոնում^[6]։

Ծանոթագրություններ

1. https://obamawhitehouse.archives.gov/the-press-office/2014/07/10/president-obama-announces-more-key-administration-posts — 2014.
2. https://usun.usmission.gov/our-leaders/deputy-perm-rep-richard-m-mills/
3. U.S. Ambassador to Armenia Term of Appointment: 02/23/2015 to present
4. Mills, Jr., Richard M. - Republic of Armenia - July 2014
5. Obama Nominates Richard Mills for Ambassadorship to Armenia
6. ԱՄՆ դեսպան․ Հայաստանի մասով մեր քաղաքականության նպատակը հստակ է

Աղբյուրներ

• Հայաստանում ԱՄՆ դեսպանատան պաշտոնական կայք

Տես նաև

• ՀՀ-ում ԱՄՆ դեսպանը խոսում է հայերեն