Ռոդոլֆ Ժյուլիան

Ռոդոլֆ Ժյուլիան
Rodolphe Julian
Ռոդոլֆ Ժյուլիան
Ծնվել էհունիսի 13, 1839(1839-06-13)[1][2][3][…]
ԾննդավայրԼապալյու[1]
Վախճանվել էփետրվարի 11, 1907(1907-02-11)[4] (67 տարեկան)
Մահվան վայրՓարիզ
Քաղաքացիություն Ֆրանսիա
Մասնագիտություննկարիչ, օֆորտանկարիչ և ուսուցիչ
ՈւսուցիչԼեոն Կոնիե և Ալեքսանդր Կաբանել
ԱշակերտներGeorges Dutriac? և Իդա ֆոն Շուլցենհայմ
Պարգևներ
ԱմուսինԱմելի Բորի-Սորել[6]
 Rodolphe Julian Վիքիպահեստում

Ռոդոլֆ Ժյուլիան (ֆր.՝ Rodolphe Julian, հունիսի 13, 1839(1839-06-13)[1][2][3][…], Լապալյու[1] - փետրվարի 11, 1907(1907-02-11)[4], Փարիզ), ֆրանսիացի նկարիչ և մանկավարժ։

Ժյուլիանի ակադեմիայի հիմնադիր։

Կենսագրություն

[խմբագրել | խմբագրել կոդը]

Ռոդոլֆ Ժյուլիանը ծնվել է 1839 թվականի հունիսի 13-ին Վոկլյուզ նահանգի Լապալյու կոմունայում Պիեռ Լուի Ժյուլիանի (ֆր.՝ Pierre Louis Julian) և Սոֆի Ֆավիեի (ֆր.՝ Sophie Favier) ընտանիքում։

Ուսում

[խմբագրել | խմբագրել կոդը]

Ռոդոլֆի վաղ տարիների մասին քիչ տեղեկություններ են պահպանվել, հայտնի է միայն, որ նկարչական ձիրքը վաղ է արտահայտվել։ Գավառից տեղափոխվել է Փարիզ, որտեղ սկզբում դժվար կյանք է ունեցել։ Եղել է Գեղեցիկ արվեստների ազգային դպրոցում Ալեքսանդր Կաբանելի և Լեոն Կոնիեի արտադասարանային աշակերտը։

Ստեղծագործական գործունեությունը սկսել է 1863 թվականից։ Նույն թվականին նրա որոշ նկարներ ներկայացվել են Փարիզի սալոնում։ Նույն սալոնում ցուցադրվել է նաև 1865 թվականին։ Որոշ գումար վաստակելով 1866 թվականին Փարիզում տուն է վարձել։

Ժյուլիանի ակադեմիա

[խմբագրել | խմբագրել կոդը]

Որոշել է բացել սեփական նկարչական դպրոց, որը հետագայում կոչվել է նրա անունով՝ Ժյուլիանի ակադեմիա։ Ակադեմիայի տասը տարվա գործունեությունից հետո Ժյուլիենը թողել է նկարելը և իրեն նվիրել մանկավարժությանը։ 1901 թվականից նա ակդեմիայի թերթ է հրատարակել՝ L’Academie Julian, որը շարունակել է թողարկվել նրա մահից հետո ընդհուպ Առաջին համաշխարհային պատերազմը։

Անձնական կյանք

[խմբագրել | խմբագրել կոդը]

1895 թվականի հունվարի 9-ին Ժյուլիենը ամուսնանում է Ամելի Բորի Սորելի հետ, որը ազնվական տոհմից էր։ Ամելին նույնպես նկարչուհի էր և սովորել էր Տոնի Ռոբեր Ֆլյորնի մոտ և ցուցադրվում էր Փարիզի սալոնում։ Ակսդեմիայում նա ղեկավարում էր կանացի մասը։ Նրանք ապրել են Փարիզի Ամբուազ փողոցում։

Ռոդոլֆ Ժյուլիանը մահացել է Փարիզում 1907 թվականի փետրվարի 12-ին, ըստ այլ վարկածի փետրվարի 2-ին։ Նա իր մահվանից մեկ տարի առաջ կտակ է գրել, որով իր զարմիկ Լուի Մարիուս Գարոտին նշանակել է իր տան և հողամասի կառավարիչ, իսկ կնոջը կտակել է Ակադեմիայից ստացվող եկամուտը։ Ժյուլիանը թաղվել է Լապալյուի գերեզմանատանը, մոր կողքին[7]։

Գրականություն

[խմբագրել | խմբագրել կոդը]
  • Martine Hérold, L’Académie Julian à cents ans, 1968. Brochure commémorative des cent années de l'Académie Julian.
  • Catherine Fehrer, « New Light on the Académie Julian and its founder (Rodolphe Julian) » in La Gazette des Beaux-Arts, mai-juin 1984.
  • Samuel Montiège, "L'Académie Julian et ses élèves canadiens. Paris, 1880-1900", 2011.["http://hdl.handle.net/1866/5900"] in "Papyrus, Université de Montréal"

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ 2,0 2,1 Base Léonore (ֆր.) — ministère de la Culture.
  3. ↑ 3,0 3,1 Benezit Dictionary of Artists — OUP, 2006. — ISBN 978-0-19-977378-7
  4. ↑ 4,0 4,1 4,2 https://archives.paris.fr/arkotheque/visionneuse/visionneuse.php?arko=YTo2OntzOjQ6ImRhdGUiO3M6MTA6IjIwMjItMDctMTMiO3M6MTA6InR5cGVfZm9uZHMiO3M6MTE6ImFya29fc2VyaWVsIjtzOjQ6InJlZjEiO2k6NDtzOjQ6InJlZjIiO2k6MzAwNjI1O3M6MTY6InZpc2lvbm5ldXNlX2h0bWwiO2I6MTtzOjIxOiJ2aXNpb25uZXVzZV9odG1sX21vZGUiO3M6NDoicHJvZCI7fQ==#uielem_move=-139%2C-645&uielem_rotate=F&uielem_islocked=0&uielem_zoom=124
  5. ↑ https://www.leonore.archives-nationales.culture.gouv.fr/ui/notice/198813
  6. ↑ Union List of Artist Names — 2019.
  7. ↑ Rodolphe Julian sur le site de Lapalud Արխիվացված 2013-12-19 Wayback Machine (ֆր.)

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Ռոդոլֆ Ժյուլիան» հոդվածին։
 ⛭