Ռոջեր Կլեմենս

Ռոջեր Կլեմենս
Անձնական տեղեկություն
Սեռ՝	արական
Մասնագիտացում՝	բեյսբոլիստ
Երկիր՝	ԱՄՆ
Ծննդյան ամսաթիվ՝	օգոստոսի 4, 1962(1962-08-04)[1] (62 տարեկան)
Ծննդավայր՝	Դեյթոն, Օհայո, ԱՄՆ
Ակումբ՝	Բոստոն Ռեդ Սոքս, Toronto Blue Jays?, Նյու Յորք Յանկիս, Houston Astros?, Trenton Thunder? և Texas Longhorns baseball?
Հասակ՝	193 սանտիմետր
Քաշ՝	107 կիլոգրամ
Պարգևներ Major League Baseball Most Valuable Player Award? [2] և Բոստոն Ռեդ Սոքսի փառքի սրահ

Ուիլյամ Ռոջեր Կլեմենս (անգլ.՝ William Roger Clemens, օգոստոսի 4, 1962(1962-08-04)^[1], Դեյթոն, Օհայո, ԱՄՆ), ամերիկացի պրոֆեսիոնալ բեյսբոլիստ, աջլիկ գնդակ նետող (Pitcher):

Բեյսբոլի խաղեր

Ռոջեր Կլեմենսը 1984-2007 թվականներին հանդես է եկել Բեյսբոլի գլխավոր լիգայի «Բոստոն Ռեդ Սոքս», «Տորոնտո Բլյու Ջեյս», «Նյու Յորք Յանկիս» և «Հյուստոն Աստրոս» թիմերում։ Կլեմենսը յոթ անգամ շահել է Սայ Յանգի ամենամյա մրցանակ, որը շնորհվում է լիգայի լավագույն գնդակ նետողին։ 1986 թվականին ընտրվել է Ամերիկայի լիգայի ամենաարժեքավոր խաղացողը։ Նյու Յորք Յանկիսի կազմում Կլեմենսը երկու անգամ (1999 և 2000 թվականներին) հաղթել է Համաշխարհային սերիան^[3]։

2007 թվականին ԱՄՆ-ի նախկին սենատոր Ջորջ Ջոն Միտչելը, ով հետաքննում էր բեյսբոլում դոպինգ օգտագործելու դեպքերը, Կլեմենսին մեղադրել է իր կարիերայի ավարտին անաբոլիկ անդրոգենային ստերոիդներ օգտագործելու մեջ։ Ինքը `Կլեմենսը, ԱՄՆ Կոնգրեսի առաջ երդվել է և հերքել անթույլատրելի թմրանյութերի օգտագործուման փաստը^[4]։

Վաղ տարիներ

Ռոջեր Կլեմենս 1996 թվական

Կլեմենսը ծնվել է Օհայո նահանգի Դեյթոն քաղաքում՝ Բիլ և Բես Կլեմենսների ընտանիքում։ Նա եղել է ընտանիքի հինգ երեխաներից ամենակրտսերը^[5]։ Նրա պապը՝ Ջոզեֆ Կլեմենսը, 1880-ականներին ներգաղթել է Գերմանիայից^[6]։ Երբ Ռոջերը դեռ նորածին էր, նրա ծնողները բաժանվել են, և նա շարունակել է ապրել իր մոր հետ, ով շուտով ամուսնացել է Վուդի Բուխերի հետ, որին էլ Կլեմենսը համարում է իր հայրը։ Ռոջերը ինը տարեկան է եղել, երբ Բուխերը մահացել է։ Կլեմենսի խոսքերով, դա միակ դեպքն էր, որ ինքը նախանձով է նայել մյուս խաղացողներին, երբ նրանց տեսել է ակումբի հանդերձարանում իրենց ծնողների հետ։

Մինչև 1977 թվականը նա ապրել է Օհայո նահանգի Վանդալիա քաղաքում և ավագ դպրոց է հաճախել Տեխաս նահանգի Հյուսթոն քաղաքում։ Նա Սպրինգ-Վուդս դպրոցում բեյսբոլ է խաղացել մարզիչ Չարլզ Մայորանի գլխավորությամբ^[7]։ Նա խաղացել է նաև ամերիկյան ֆուտբոլ և բասկետբոլ։ Ավագ դպրոցի վերջին տարում նրան նկատել են «Ֆիլադելֆիա Ֆիլիեսի» և «Մինեսոտա Թվինս» պրոֆեսիոնալ ակումբների սկաուտները և առաջարկել են պայմանագիր կնքել, բայց Ռոջերը որոշել է գնալ համալսարանում սովորելու^[8]։

Ծանոթագրություններ

1. Verdi R. Encyclopædia Britannica
2. MLB.com
3. «St. Petersburg Times - Поиск в архиве Google Новостей». news.google.com. Վերցված է 2021 թ․ հունվարի 26-ին.
4. «Roger Clemens - BR Bullpen». www.baseball-reference.com. Վերցված է 2021 թ․ հունվարի 26-ին.
5. «MLB News, Scores, Fantasy Games and Highlights 2021». sports.yahoo.com (ամերիկյան անգլերեն). Վերցված է 2021 թ․ հունվարի 19-ին. {{cite web}}: Text "Yahoo Sports" ignored (օգնություն)
6. «FamilySearch: Ошибка запроса Oauth2». ident.familysearch.org. Վերցված է 2021 թ․ հունվարի 19-ին.
7. «Legalsportsbettingstates.com and karlyoungbaseball.com». www.legalsportsbettingstates.com. Վերցված է 2021 թ․ հունվարի 19-ին.
8. rogerclemensonline.com https://rogerclemensonline.com/. Վերցված է 2021 թ․ հունվարի 19-ին. {{cite web}}: Missing or empty |title= (օգնություն)

Արտաքին հղումներ

• «Roger Clemens Stats, Fantasy & News». MLB.com (անգլերեն). Վերցված է 2021 թ․ հունվարի 26-ին.
• «The Roger Clemens Foundation». web.archive.org. 2008 թ․ հուլիսի 8. Արխիվացված է օրիգինալից 2008 թ․ հուլիսի 8-ին. Վերցված է 2021 թ․ հունվարի 26-ին.

Վիքիպահեստն ունի նյութեր, որոնք վերաբերում են «Ռոջեր Կլեմենս» հոդվածին։