Ռոսիտա Մելո

Ռոսիտա Մելո իսպ.՝ Rosa Clotilde Mele Luciano
Ծնվել է	հուլիսի 9, 1897(1897-07-09)[1][2]
Ծննդավայր	Մոնտեվիդեո, Ուրուգվայ
Մահացել է	օգոստոսի 12, 1981(1981-08-12)[1][2] (84 տարեկան)
Մահվան վայր	Բուենոս Այրես, Արգենտինա
Գերեզման	Լա Չակարիտա գերեզմանատուն
Քաղաքացիություն	Արգենտինա և  Ուրուգվայ
Մասնագիտություն	գրող, կոմպոզիտոր և բանաստեղծուհի

Ռոսիտա Մելո (իրական անունը և ազգանունը՝ Կլոտիլդա Մելե Ռոսա Լուչանո, իսպ.՝ Rosita Melo, հուլիսի 9, 1897(1897-07-09)^[1][2], Մոնտեվիդեո, Ուրուգվայ - օգոստոսի 12, 1981(1981-08-12)^[1][2], Բուենոս Այրես, Արգենտինա), արգենտինաուրուգվայցի երաժիշտ, դաշնակահարուհի, երգահան և բանաստեղծուհի։

Ամենահայտնի տանգո-վալսերից մեկի՝ «Desde el alma»-ի (1911) հեղինակն է։ Նա նաև հայտնի է որպես աշխարհում առաջին լայնորեն ճանաչված լատինաամերիկացի կին երգահանը և բանաստեղծուհին։

Կենսագրություն

Ռոսիտա Մելոն ծնվել է 1897 թվականի հուլիսի 9-ին Ուրուգվայի Մոնտեվիդեո քաղաքում՝ իտալացի ներգաղթյալների ընտանիքում^[3]։ 1900 թվականին ծնողների հետ տեղափոխվել է Արգենտինայի Բուենոս Այրես քաղաք։

Մանկուց նա ունեցել է երաժշտական մեծ տաղանդ։ 4 տարեկանում կարողանում էր դաշնամուր նվագել։ Դպրոցն ավարտելուց հետո սովորել է երաժշտություն։ Հետագայում նա Բուենոս Այրեսում դաշնամուր նվագել է սովորել։ Ժամանակի ընթացքում նա դարձել է երաժշտության ուսուցչուհի, դաշնամուրի պրոֆեսոր։

Արգենտինայի հեղինակավոր դահլիճներում և կոնսերվատորիաներում հանդես է եկել դասական և հանրաճանաչ երաժշտության համերգներով, արժանացել է բազմաթիվ մրցանակների։

Անձնական կյանք

1922 թվականին ամուսնացել է բանաստեղծ և գրող Վիկտոր Պյում Վելեսի հետ^[4][5]։

Ստեղծագործություն

Հեղինակ է տանգո երաժշտության, տանգո-վալսի, դասական և կրեոլական վալսի, պասադոբլի, պոլկաների և մարշերի։ Դրանցից են՝ «Oración», «Tatita» և «Aquel entonces», ինչպես նաև «Yo te adoro», «Por el camino», «Una lágrima para papá», «Cuando de ti ya lejos» և «Aquellos catorce años»^[6]։

Ռոսիտա Մելոյի բանաստեղծությունները տպագրվել են թերթերում և ամսագրերում։ Նրա մի շարք բանաստեղծություններ ներառվել են «Antología de poetas jóvenes»-ում («Երիտասարդ բանաստեղծների անթոլոգիա») այնպիսի հեղինակների կողքին, ինչպես, օրինակ՝ Ալֆոնսիսա Ստորնին և այլ ժամանակակից բանաստեղծներ։

Ռոսիտա Մելոն 14 տարեկանում ստեղծել է կրեոլական երաժշտության ոճով ամենահայտնի տանգո-վալսներից մեկը՝ «Desde el alma» (Բոստոնյան վալս, 1911 թվական)։

Մահ

Ռոսիտա Մելոն մահացել է 1981 թվականի օգոստոսի 12-ին։ Թաղված է Բուենոս Այրեսի Լա Չակարիտա գերեզմանատանը։

Ծանոթագրություններ

1. todotango.com (իսպ.)
2. Authority file of the National Library of Uruguay (իսպ.)
3. «Rosita Melo - Personalidades del barrio de Flores - El Portal del barrio de Flores -». barriodeflores.com.ar. Վերցված է 2016 թ․ հունվարի 3-ին.
4. Mario Rubén Alvarez Las voces de la memoria: historias de canciones populares paraguayas. — M.R. Alvarez y Julián Navarro Vera, 2004. — 180 с.
5. Meri Lao Todo Tango: Cronache di una lunga convivenza. — Giunti, 2014-02-18. — 282 с. — ISBN 978-88-587-5974-5
6. http://danzadetango.com/articulos-03.html (չաշխատող հղում)

Արտաքին հղումներ

• «Desde el Alma»(իսպ.)
• Rosita Melo(անգլ.)