Սեխով բուլկի

Սեխով բուլկի
Ենթատեսակ	Բուլկի
Առաջացման երկիր	Ճապոնիա
Հիմնական	խմոր
Melonpan Վիքիպահեստում

Սեխով բուլկի (ճապ.՝ メロンパン, ինչպես նաև սեխով հաց կամ մելոն պան), քաղցր բուլկիների տեսակ Ճապոնիայում, որը նաև շատ հայտնի է Թայվանում, Չինաստանում և Լատինական Ամերիկայում։ Ստեղծվել է Առաջին համաշխարհային պատերազմից հետո հայ հացթուխից՚ Հովհանես Ղեվենյան (Իվան Սագոյան) Տոկիոում^[1]։

Անվանում

Անվանման ստուգաբանությունը հիմնվում է երկու լեզուների վրա. melon («սեխ») բառը փոխառնվել է անգլերենից, իսկ pan (հաց) բառը՝ պորտուգալերենից^[2]։

Պատրաստում

Սեխով բուլկիներ շոկոլադի կտորներով

Սեխով բուլկիները պատրաստում են սովորական խմորից, որը վերևից պատված է թխվածքաբլիթի փխրուն խմորի բարակ շերտով։ Նրանց արտաքին տեսքը հիշեցնում է կանտալուպ սեխը։ Սովորաբար նրանք սեխի համ չեն ունենում^[3], սակայն վերջին ժամանակներս արտադրողների շրջանում մեծ տարածում է ստացել բուլկիներին սեխ ավելացնելը։ Գոյություն ունեն շոկոլադով, կարամելով, թխկու օշարակով, երբեմն էլ հարած սերուցքով կամ կրեմով պատրաստած տարբերակները։

Ընդհանուր տեղեկություններ

Կինկի, Տյուգոկու և Սիկոկու շրջանների որոշ մասերում արևի ճառագայթների տեսքով պատրաստած բուլկիները կոչվում են «արևածագ»^[4]։

Սեխի բուլկիները շատ նման են Հոնկոնգի՝ արքայախնձորից պատրաստված բուլկիներին։ Սակայն ճապոնական արտադրանքը ավելի թեթև է քաշով և համով, առավել չոր է և ունի ամուր արտաքին շերտ (տոպինգ), որն ավելի դժվար է կոտրել, քան հոնկոնգյան տարբերակը, որտեղ բուլկին պետք է զգույշ բռնել, քանի որ վերևի շերտը սովորաբար շերտազատվում է և փշրվում։ Հոնկոնգյան տարբերակը նաև ավելի խոնավ է և, ներսից և դրսից սովորաբար փափուկ է, ունի սերուցքային կարագի ավելի ուժեղ համ։

Տես նաև

• Ան-պան
• Տայակի

Ծանոթագրություններ

1. Bakhchinyan, Artsvi (2019 թ․ հոկտեմբերի 3). «The Armenian Who Invented the Japanese Sweet Bun». The Armenian Mirror-Spectator. Վերցված է 2021 թ․ հունիսի 10-ին.
2. See Infoseek Japanese-English dictionary for pan/パン Արխիվացված 2008-12-16 Wayback Machine
3. Kazuko, Emi: Japanese Food and Cooking
4. «経済、株価、ビジネス、政治のニュース:日経電子版» (ճապոներեն). weekend.nikkei.co.jp. Արխիվացված է օրիգինալից 2007 թ․ հոկտեմբերի 12-ին. Վերցված է 2018 թ․ ապրիլի 28-ին.

Արտաքին հղումներ

• Рецепт дынных булочек
• 『メロンパンの真実』 東嶋和子著 2004年 講談社 ISBN 4-06-212278-2

Վիքիպահեստն ունի նյութեր, որոնք վերաբերում են «Սեխով բուլկի» հոդվածին։