Սեմպրե Վիվաս ազգային պարկ
 Parque Nacional das Sempre-Vivas | |
|---|---|
 | |
| Տեսակ | ազգային պարկ |
| Կազմված է | Սեռադո |
| Երկիր |  Բրազիլիա |
| Վարչատարածք | Մինաս Ժերաիս |
| Հիմնվել է | դեկտեմբերի 13, 2002 |
| Մակերես | 1241 կմ² և 124 155 հեկտար |
| Կառավարում | Բրազիլիայի դաշնային կառավարություն |
  | |
Սեմպրե Վիվաս ազգային պարկ (պորտ.՝ Parque Nacional das Sempre-Vivas), ազգային պարկ Մինաս Ժերայս նահանգում, Բրազիլիա։
Տեղագրություն
[խմբագրել | խմբագրել կոդը]Պարկը գտնվում է Սերրադո բիոմում։ Ընդգրկում է 124154 հա տարածք։ Ստեղծվել է 2002 թվականի դեկտեմբերի 13-ին և կառավարվում է Չիկո Մենդեսի Կենսաբազմազանության պահպանության ինստիտուտի կողմից[1]։ Ազգային պարկը ներառում է որոշ հատվածներ հետևյալ մունիցիպալիտետներից` Բոկայուվա, Բուենոպոլիս, Դիամանտինա, Օլյուս դ’Ագուա` Մինաս Ժերայս նահանգում։ Պարկը դարձել է Էսպինյասու Մոզաիկի մի մասը, որը ստեղծվել է 2010 թվականին[2]։
Շրջակա միջավայր
[խմբագրել | խմբագրել կոդը]Պարկի բարձրությունը ծովի մակադակից 650-1525 մետր է։ Պարկում կան շուրջ 600 աղբուրներ, որոնք ձևավորում են գեղատեսիլ ջրվեժներ։ Սեմպրե Վիվասը Ժեկիտինհոնյա և Սան Ֆրանցիսկու գետերի ջրբաժանի մի մասն է։ Տարեկան տեղումների միջին քանակ կազմում է 1200 մմ։ Ջերմաստիճանը տատանվում է 5-ից մինչև 32 °C, իսկ միջինը՝ 20 °C։
Պարկն ընդգրկում է լավ պահպանված բույսերի բազմազան տեսակներ, ներառյալ՝ սերրադո անտառային հողեր և դաշտեր, սեզոնային մշտադալար անտառներ, ճահճոտ անտառ, վտակներ, ծովածոցեր և գետեզերյա բուսականություն։ Պարկում կա երկկենցաղների 4 էնդեմիկ տեսակ՝ Bokermannohyla saxicola, Lanceback Treefrog, Pseudopaludicola mineira ու Thoropa megatympanum, իսկ թռչունների 2 էնդեմիկ տեսակ՝ Augastes scutatus և Polystictus superciliaris։
Պահպանություն
[խմբագրել | խմբագրել կոդը]Պարկը դասվում է Բնության պահպանության միջազգային միության II կատեգորիային (ազգային պարկ)։ Ստեղծման նպատակն է՝ պահպանել բնական էկոհամակարգերը և նպաստել գիտական հետազոտությունների զարգացմանը, բնապահպանական կրթական գործունեության բարելավմանը, ինչպես նաև ապահովել բացօթյա հանգիստ և էկոտուրիզմ։ Պարկի պահպանվող կենդանատեսակներից են բաշավոր գայլը (Chrysocyon brachyurus), պուման (Puma concolor), օցելոտը (Leopardus pardalis), մեծ ջրասամույրն (Myrmecophaga tridactyla) ու հսկա զրահակիրը (Priodontes maximus)[1]։
Պատկերասրահ
[խմբագրել | խմբագրել կոդը]
Ծանոթագրություններ
[խմբագրել | խմբագրել կոդը]- ↑ 1,0 1,1 «Parque Nacional das Sempre-Vivas – Chico Mendes». Արխիվացված է օրիգինալից 2017 թ․ մարտի 2-ին. Վերցված է 2019 թ․ ապրիլի 14-ին.
- ↑ «Teixeira 2010» (PDF). Արխիվացված է օրիգինալից (PDF) 2017 թ․ փետրվարի 2-ին. Վերցված է 2019 թ․ ապրիլի 14-ին.
Աղբյուրներ
[խմբագրել | խմբագրել կոդը]- Parque Nacional das Sempre-Vivas (Portuguese), Chico Mendes Institute for Biodiversity Conservation, Արխիվացված է օրիգինալից 2017-03-02-ին, Վերցված է 2016-05-02-ին
{{citation}}: CS1 սպաս․ չճանաչված լեզու (link) - Teixeira, Izabella (26 November 2010), Portaria no- 444, de 26 de Novembro de 2010 (PDF) (պորտուգալերեն), Արխիվացված է օրիգինալից (PDF) 2017-02-02-ին, Վերցված է 2017-01-19-ին
- Unidade de Conservação: Parque Nacional das Sempre-Vivas (Portuguese), MMA: Ministério do Meio Ambiente, Վերցված է 2016-05-02-ին
{{citation}}: CS1 սպաս․ չճանաչված լեզու (link)
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Սեմպրե Վիվաս ազգային պարկ կատեգորիայում։ |