Սիչուանի գոգավորություն

Սիչուանի գոգավորություն
九寨沟风景名胜区
Սիչուանի գոգավորություն
Տեսակ	low spot?
Երկիր	Չինաստան
Աշխարհագրական տեղադրություն	Չինաստան
Երկարություն	500 կմ

Սիչուանի գոգավորություն, (չինարեն՝ 九寨沟风景名胜区՝ Կարմիր ավազան), միջլեռնային իջվածք Չինաստանում, Յանցզի գետի միջին հոսանքի և նրա վտակներ Մինցզյանի ու Ցզյալինցզյանի ավազանում։ Շրջապատված է Սինո-Տիբեթական լեռներով, Ցինլին և Դաբաշան լեռնաշղթաներով ու Գույչժոու սարահարթով։

Տարածությունը 200 հազար քառ. կմ է։ Կազմված է կարմրավուն (այստեղից էլ՝ Կարմիր ավազան անունը) ավազաքարերից։ Ունի դեպի հարավ ուղղված ամֆիթատրոնի ձև։ Բարձրությունը 400–500 մ է, ծայրամասերում՝ մինչև 1000 մ։ Տիրապետում են բլուրները (50-100 մ բարձրությամբ)։ Տարածված են արհեստական սարավանդները։ Կլիման մերձարևադարձային է, մուսսոնային։ Տարեկան տեղումները 800-1750 մմ են, վեգետացիոն շրջանը՝ գրեթե շուրջ տարի։

Գետերը օգտագործվում են ոռոգման համար։ Լեռների ստորին գոտում կաղնուտներ են, 2000 մ-ից բարձր՝ ասեղնատերև լայնատերև և եղևինների անտառներ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 397)։

Վիքիպահեստն ունի նյութեր, որոնք վերաբերում են «Սիչուանի գոգավորություն» հոդվածին։