Սյուզան Իկինս

Սյուզան Իկինս;
Ծնվել է	սեպտեմբերի 21, 1851
Ծննդավայր	Ֆիլադելֆիա, Փենսիլվանիա, ԱՄՆ
Մահացել է	դեկտեմբերի 27, 1938 (87 տարեկան)
Մահվան վայր	Ֆիլադելֆիա, Փենսիլվանիա, ԱՄՆ
Գերեզման	The Woodlands
Քաղաքացիություն	ԱՄՆ
Կրթություն	Պենսիլվանիայի գեղարվեստի ակադեմիա
Մասնագիտություն	նկարչուհի, լուսանկարիչ և արվեստագետ
Ամուսին	Թոմաս Իկինս
Պարգևներ և ; մրցանակներ	Mary Smith Prize?
	Susan Macdowell Eakins Վիքիպահեստում

Սյուզան Իկինս (անգլ.՝ Susan Eakins, լրիվ անուն՝ Susan Hannah Macdowell Eakins, սեպտեմբերի 21, 1851(1851-09-21)^[1], Ֆիլադելֆիա, Փենսիլվանիա, ԱՄՆ - դեկտեմբերի 27, 1938(1938-12-27)^[2], Ֆիլադելֆիա, Փենսիլվանիա, ԱՄՆ), ամերիկացի նկարիչ և լուսանկարիչ։

Առաջին նկարչուհին, որը 1879 թվականին արժանացել է Մերի Սմիթի մրցանակի։

Կենսագրություն

Ծնվել է 1851 թվականի սեպտեմբերի 21-ին Ֆիլադելֆիայում, եղել է ֆիլադելֆիացի փորագրող և լուսանկարիչ Վիլյամ Մակդաուելի ութ երեխաներից հինգերորդը, որը նաև հմուտ նկարիչ էր։ Նա իր երեք որդիներին և հինգ աղջիկներին փոխանցել է Թոմաս Փեյնի գաղափարների նկատմաբ հետաքրքրությունը^[3]։ Սյուզանը և նրա քույրը՝ Էլիզաբեթը, վաղ են ցուցաբերել հետաքրքրություն արվեստի նկատմամբ և նրանց հայրը աշխատելու համար նրանց է տրամադրել ձեղնահարկ-ստուդիան։ Արտիստիկ տաղանդներ ունենալուց բացի, աղջիկը եղել է նաև հմուտ դաշնակահարուհի^[4]։

Սյուզանը 25 տարեկան էր, երբ ծանոթացել է Թոմաս Իկինսի հետ Hazeltine Gallery պատկերասրահում, որտեղ 1876 թվականին ցուցադրվում էր նրա «Գոսի կլինիկա» նկարը։ Ի տարբերություն շատերի՝ նա տպավորված էր վիճարկելի նկարով և որոշում է սովորել Իկինսի մոտ՝ Փենսիլվանիայի գեղարվեստի ակադեմիայում, ուր հաճախել է 6 տարի։ Այդ ժամանակներում Փենսիլվանիայի ակադեմիան համարվում էր ԱՄՆ լավագույն դպրոցը։ Սակայն նախքան Իկինսի մոտ սովորելը, սովորել է Քրիստինա Շուսելեի մոտ։ Նրա քույրը՝ Էլիզաբետը, ևս սովորել է ակադեմիայում 1876 թվականին։ Այլ նակարիչ աշակերտներից էինՄերի Կեսսետը, Սեսիլյա Բոն, էմիլի Սարտենը և Էլիս Սթիվենսը․ նրանք բոլորը ստացել են լավ գեղարվեստական կրթություն։

1884 թվականին Սյուզանը ամուսնացել է Թոմաս Իկինսի հետ, որը այդ պահին Փենսիլվանիայի գեղարվեստի ակադեմիայի տնօրենն էր։ Նկարչուհին իր ժամանակի մեծ մասն անցկացնում էր ամուսնու կարիերային աջակցելով, հյուրերի և ուսանողների ընդունելով, նվիրվածորեն աջակցելով նրան իր դժվարին ժամանակներում, այն դեպքում երբ նույնիսկ Իկինսի ընտանիքի որոշ անդամներ էլ էին հանդես գալիս վերջինիս դեմ։ Երեխաներ չեն ունեցել։

Սյուզան Իկինսը նկարել է ընտանեկան կյանքից դիմանկարներ և տեսարաններ։ 1876-1882 թվականնների միջև ընկած ժամանակահատվածում իր աշխատանքները ցուցադրել է Փենսիլվանիայի գեղարվեստի ակադեմիայում։ Նա և ամուսինը տանը ունեցել են առանձին ստուդիաներ։ Նա նաև ամուսնու հետ կիսել է լուսանկարների նկատմամբ սերը, որը կիրառել է որպես արվեստի գործիք։ 1898 թվականին Սյուզանը դարձել է Philadelphia Photographic Salon ցուցահանդեսի մասնակից։ 1905 թվականին ցուցադրվել է Փենսիլվանիայի գեղարվեստի ակադեմիայում։ 1916 թվականին Թոմաս Իկինսի մահից հետո Սյուզանը վերադարձել է գեղանկարչությանը՝ աշխատելով գրեթե ամեն օր։ 1936 թվականին նրա, ամուսնու և քրոջ՝ Էլիզաբեթի աշխատանքները ցուցադրվել են Ֆիլադելֆիայի գեղարվեստի ակումբում (Philadelphia Art Club)։

Մահացել է 1938 թվականի դեկտեմբերի 27-ին։ Թաղված է Woodlands Cemetery գերեզմանատանը՝ ամուսնու կողքին^[5]։

Նրա մահից 35 տարի անց 1973 թվականին կազմակերպվել է Սյուզան Իկինսի աշխատանքների անհատական ցուցահանդեսը Փենսիլվանայի գեղարվեստի ակադեմիայում։ 1976 թվականին նրա աշխատանքները ներառվել են Nineteenth Century Women Artists ցուցահանդեսում՝ Ամերիկյան արվեստի Ուիթնի թանգարանում^[6]։ 1977 թվականի սեպտեմբեր-հոկտեմբեր ամիսներին Ռոանոկայում (Վիրջինիա նահանգ), North Cross School դպրոցում անցկացվել է Սյուզանի, նրա ամուսնու և քրոջ՝ Էլիզաբեթի կտավների և լուսանկարների ցուցահանդեսը^[7]։

Ծանոթագրություններ

↑ ^1,0 ^1,1 SNAC — 2010.
↑ ^2,0 ^2,1 ^2,2 RKDartists (նիդերլ.)
↑ University of Rochester. Memorial Art Gallery. Seeing America: Painting and Sculpture from the Collection of the Memorial Art Gallery of the University of Rochester. University Rochester Press; 1 January 2006. 978-1-58046-246-4. p. 141.
↑ Carol Kort; Liz Sonneborn. A to Z of American Women in the Visual Arts. Infobase Publishing; 1 January 2002. 978-1-4381-0791-2. p. 58.
↑ «Cartoons magazine. v.9no.3 1916». HathiTrust (անգլերեն). Վերցված է 2020 թ․ հունվարի 25-ին.
↑ «Romeo and Juliet — In Clay!» − Film Fun, November 2, 1917, p. 434.
↑ North Cross School. Thomas Eakins, Susan Macdowell Eakins, Elizabeth Macdowell Kenton: an exhibition of paintings, photographs, and artifacts, Slack Hall, North Cross School, Roanoke, Virginia, 18 September-2 October 1977. Published for the North Cross School Living Gallery Exhibitions Program by Progress Press; 1977.

Արտաքին հղումներ

Վիքիպահեստն ունի նյութեր, որոնք վերաբերում են «Սյուզան Իկինս» հոդվածին։

[_160e7c986bbb5af2-1] 1,0 ^1,1 SNAC — 2010.

[_5ad4ed68bbcec657-2] 2,0 ^2,1 ^2,2 RKDartists (նիդերլ.)

[Gallery_p._141-3] University of Rochester. Memorial Art Gallery. Seeing America: Painting and Sculpture from the Collection of the Memorial Art Gallery of the University of Rochester. University Rochester Press; 1 January 2006. 978-1-58046-246-4. p. 141.

[Kort_p._58-4] Carol Kort; Liz Sonneborn. A to Z of American Women in the Visual Arts. Infobase Publishing; 1 January 2002. 978-1-4381-0791-2. p. 58.

[5] «Cartoons magazine. v.9no.3 1916». HathiTrust (անգլերեն). Վերցված է 2020 թ․ հունվարի 25-ին.

[6] «Romeo and Juliet — In Clay!» − Film Fun, November 2, 1917, p. 434.

[7] North Cross School. Thomas Eakins, Susan Macdowell Eakins, Elizabeth Macdowell Kenton: an exhibition of paintings, photographs, and artifacts, Slack Hall, North Cross School, Roanoke, Virginia, 18 September-2 October 1977. Published for the North Cross School Living Gallery Exhibitions Program by Progress Press; 1977.

[1]

[2]

[3]

[4]

[5]

[6]

[7]

Սյուզան Իկինս

Ծնվել է	սեպտեմբերի 21, 1851(1851-09-21)^[1]
Ծննդավայր	Ֆիլադելֆիա, Փենսիլվանիա, ԱՄՆ
Մահացել է	դեկտեմբերի 27, 1938(1938-12-27)^[2] (87 տարեկան)
Մահվան վայր	Ֆիլադելֆիա, Փենսիլվանիա, ԱՄՆ
Գերեզման	The Woodlands
Քաղաքացիություն	ԱՄՆ
Կրթություն	Պենսիլվանիայի գեղարվեստի ակադեմիա
Մասնագիտություն	նկարչուհի, լուսանկարիչ և արվեստագետ
Ամուսին	Թոմաս Իկինս
Պարգևներ և մրցանակներ	Mary Smith Prize?
Susan Macdowell Eakins Վիքիպահեստում