Սուդարաթ Կեյուրաֆան

Սուդարաթ Կեյուրաֆան
Կուսակցություն՝	Palang Dharma Party?, Thai Rak Thai Party? և Pheu Thai Party?
Կրթություն՝	Չուլալոնգքորնի համալսարան և Sasin Graduate Institute of Business Administration of Chulalongkorn University?
Մասնագիտություն՝	քաղաքական գործիչ
Ծննդյան օր	մայիսի 1, 1961(1961-05-01) (63 տարեկան)
Ծննդավայր	Բանգկոկ, Թաիլանդ
Քաղաքացիություն	Թաիլանդ
Պարգևներ	և

Սուդարաթ Կեյուրաֆան (թաի.՝ สุดารัตน์ เกยุราพันธุ์, մայիսի 1, 1961(1961-05-01), Բանգկոկ, Թաիլանդ), թաիլանդացի պետական և քաղաքական գործիչ, Պհիա Տհայի կուսակցության առաջնորդներից մեկը։ Նա տարբեր պաշտոններ Է զբաղեցրել Թաիլանդի նախարարների կաբինետում և աշխատել է մի քանի ժամկետում որպես խորհրդարանի անդամ^[1]։ 2019 թվականի խորհրդարանական ընտրություններում հանդիսանում էր իր կուսակցությունից առաջադրված վարչապետի թեկնածու։

Վաղ տարիներ

Սուդարաթը ծնվել է Բանգկոկում, Նակհոնրաթչասիմ նահանգի խորհրդարանի նախկին անդամ Սոմպոն Կեյուրաֆանի և նրա կնոջ՝ Ռենա Կեյուրաֆանի ընտանիքում։ Ավարտել է Բանգկոկի Սուրբ Հովսեփի վանքի միջնակարգ դպրոցը և Չուլալոնգկորնի համալսարանում ստացել է առևտրի և հաշվապահության բակալավրի աստիճան և Սասինան Չուլալոնգկորնի բիզնեսի կառավարման համալսարանում մագիստրոսի աստիճան բուդդայական հետազոտությունների հիման վրա։

Քաղաքական գործունեություն

Սուդարաթն իր քաղաքական գործունեությունը սկսել է 1991 թվականին, երբ ընտրվել Է Բանգկոկի 12-րդ օկրուգի խորհրդարանի անդամ։ 1992 թվականի ընտրություններում Սուդարաթը վերընտրվել է որպես խորհրդարանի անդամ և նշանակվել Չուան Լիկպայի կառավարության պաշտոնական ներկայացուցչի տեղակալ։

1994 թվականին Սուդարաթը նշանակվել է «Պալանգ Դհարմա» կուսակցության գլխավոր քարտուղար։ Նա նաև նշանակվել է Լիկպայի կառավարությունում տրանսպորտի նախարարի տեղակալ։

1995 թվականի ընտրություններում Սուդարաթը վերընտրվել է Բանգկոկի խորհրդարանի անդամի պաշտոնում և նշանակվել Բանհարնա Սիլպա Արչի կառավարությունում ներքին գործերի նախարարի տեղակալ։ Նրա աշխատանքի ընթացքում «Bang Na Expressway» նախագիծը կասեցվել է 11 ամսով։ Դա մեծ սկանդալ Էր Թաիլանդում, քանի որ Թաիլանդի կառավարությունը ստիպված էր վճարել փոխհատուցում մի քանի հազար միլիոն բատ^[2]։

1996 թվականին Սուդարաթը կրկին ընտրվել է որպես խորհրդարանի անդամ և եղել է «Պալանգ Դհարմա» կուսակցությունից ընտրված միակ անդամը։

Երկու տարի անց 1998 թվականին Սուդարաթը դարձել է «Թայ ռակ թայ» կուսակցության (հետագայում ՝ «Ժողովրդական իշխանության կուսակցություն», ապա ՝ «Պհիա Տհայ») համահիմնադիր Թաքսին Չինավատայի և 21 այլ հիմնադիր անդամների՝ ՝ Սոմկիդ Ջատուսրիպիտակի, Տանոնգ Բիդայայի, Պուրաչայ Պիումսոմբունի, Թհամմարակ Իսարագուրայի ՝ Այութայայի եւ Պրոմմին Լերցուրիդեյի հետ միասին։ Սուդարաթը նշանակվել է «Թայ ռակ թայ» կուսակցության փոխնախագահ։ Կուսակցությունը 2006 թվականի ընտրություններում հաջող է հանդես եկել՝ ստանալով ձայների 61 տոկոսը և դարձել է խոշորագույն քաղաքական ուժ։

2001 թվականի ընտրություններում Սուդարաթն ընտրվել է խորհրդարանի անդամ և նշանակվել Չինավատայի կառավարությանն առընթեր առողջապահության նախարար։ 2006 թվականին Սուդարաթը նշանակվել է գյուղատնտեսության և կոոպերատիվների նախարար, սակայն կորցրել է իր պաշտոնը 2006 թվականի սեպտեմբերին տեղի ունեցած հեղաշրջման պատճառով։

Որպես կուսակցության 111 գործադիր անդամներից մեկը, նրան արգելել են քաղաքական գործունեությամբ զբաղվել 2006 թվականի հեղաշրջումից հետո հինգ տարի ժամկետով^[3]։

Անձնական կյանք

Սուդարատն ամուսնացած է Սոմիոս Լիլապունյալերտեի հետ, ով անշարժ գույքի ոլորտում գործարար է։ Նրանք ունեն երեք երեխա, որոնց անուններն են՝ Պհումպհատ, Պիրապչատ և Յոսուդ։

Ծանոթագրություններ

1. «Mrs. Sudarat Keyuraphan». Արխիվացված է օրիգինալից 2018 թ․ հունվարի 26-ին. Վերցված է 2019 թ․ օգոստոսի 6-ին.
2. นักการเมือง ขาดวุฒิภาวะ ความสามารถ ประสบการณ์ จะมีผลอย่างไร กับ ประเทศไทย
3. «การกลับมาของบ้านเลขที่ 111 ไม่มีอะไรเปลี่ยนแปลงที่ "หลังฉาก"». Արխիվացված է օրիգինալից 2019 թ․ մարտի 25-ին. Վերցված է 2019 թ․ օգոստոսի 6-ին.

Վիքիպահեստն ունի նյութեր, որոնք վերաբերում են «Սուդարաթ Կեյուրաֆան» հոդվածին։