Սուրբծննդյան լավագույն նվերը
 անգլ.՝ The Ultimate Christmas Present | |
|---|---|
| Տեսակ | հեռուստաֆիլմ |
| Ժանր | ֆիլմ անչափահասների համար և սուրբծննդյան ֆիլմ |
| Ռեժիսոր | Գրեգ ԲԻման |
| Սցենարիստ | Մայքլ Հիչքոք |
| Պրոդյուսեր | Harvey Frand? |
| Երաժշտություն | Ֆիլ Մարշալ |
| Երկիր |  ԱՄՆ |
| Լեզու | անգլերեն |
| Ընկերություն | Walt Disney Pictures |
| Դիստրիբյուտոր | Disney-ABC Domestic Television և Դիսնեյ+ |
| Տևողություն | 85 րոպե |
| Թվական | դեկտեմբերի 1, 2000 |
Սուրբծննդյան լավագույն նվերը (երբեմն նաև Փրկել Ամանորը) (անգլ.՝ The Ultimate Christmas Present), 2000 թվականի կանադաամերիկյան մանկական հեռուստաֆիլմ։ Disney Channelի օրգինալ ֆիլմերից։
Սյուժե
[խմբագրել | խմբագրել կոդը]Սուրբ ծննդից երեք օր առաջ, Կալիֆոռնիա։ Երկու տասներեքամյա աղջիկներ՝ Էլին և Սամանտան, երազում են ավելի վաղ սկսել Սուրբծննդյան արձակուրդները։ Անտառով տուն վերադառնալիս նրանք ամայության մեջ հայտնաբերում են անծանոթ տուն, որտեղ տնօրինում էր ինչ-որ ծեր-գյուտարար։ Տան մոտ գտնվող փոքրիկ աղբամանում նրանք գտնում են անհասկանալի մի սարք և այն տանում են տուն։ Պարզվում է՝ դա «եղանակի մեքենա» է, և Էլիի գլխում մի միտք է ծագում․ ողջ շրջանը ծածկել ձյունով՝ որպեսզի չեղյալ համարվեն դպրոցական պարապմունքները։
Սանտան (այն նույն ծերուկը) զանգում է կնոջը Հյուսիսային բևեռ և դժգոհում կորստից, կինն էլ օգնության է ուղարկում երկու էլֆ։ Ժամանելով նրանք հայտնաբերում են կոշիկի հետքեր, գուշակում են գողության մասին, իսկ Սանտան իր տվյալների բազայի օգնությամբ կասկածյալների շրջանը նեղացնում է մինչև մի քանի աղջիկ։ Այդ ընթացքում իսկապես սկսվում է առատ ձյուն տեղալ, և տեղացի օդերևութաբան-անհաջողակ Էդվին Հեբլին որոշում է հասկանալ այդ եղանակային անոմալիայի առաջացման պատճառը։
Իսկ ձյունը կյանքում լուրջ խնդիրներ է առաջացնում. գործուղման գնացած հայրը չի կարողանում վերադառնալ, հարազատները չեն կարող գալ Սուրբ ծննդին, քաղաքում անջատվում է էլեկտրականությունը։ Էլին և Սամանտան որոշում են թաքցնել սարքը կապարե արկղում որպեսզի այն դադարի աշխատել, նրա հետևից գնում են ավտոտնակ և այնտեղ հայտնաբերում Սանտային օգնականների հետ։ Աղջիկները խոստովանում են նրանց գողությունը, բայց հիմա եղանակի մեքենան հեշտ չէ վերադարձնել, քանի որ սկզբում այն գտել և վերցրել է Էլիի եղբայրը՝ Ջոուին, ապա նրանից խլել է Էդվինը, որը որոշել էր դառնալ «եղանակի արքա»։ Սանտան, Էլֆերը և աղջիկներն ընկնում են օթերևութաբանի հետևից և նրանից հետ վերցնում սարքը։ Սանտան վերանորոգում է մեքենան և Կալիֆոռնիայում կրկին դառնում է տաք և արևոտ։
Դերերում
[խմբագրել | խմբագրել կոդը]- Հելի Հիրշ — Էլիսոն Ռեյչել Թոմսոն[1]
- Բրենդա Սոնգ — Սամանտա Էլիզաբեթ Կուան՝ Էլիսոնի ընկերուհին
- Սփենսեր Բրեսլին — Ջոուի Թոմսոն՝ Էլիսոնի կրտսեր եղբայրը
- Հելի Թոդ — Միշել Թոմսոն՝ Էլիսոնի և Ջոուի մայրը
- Գրեգ Կին — Սթիվ Թոմսոն՝ Էլիսոնի և Ջոուի հայրը
- Ջոն Սելի — Կրամպետ՝ էլֆ
- Բիլ Ֆագերբակ — Սպարկի՝ էլֆ
- Փիթեր Սկօլարի — Էդվին Հեբլի` օդերևութաբան
- Ջոն Լոու — Սանտա Կլաուս