Վալիդ ալ-Շահրի

Վալիդ ալ-Շահրի
արաբ․՝ وليد الشهري‎‎
Դիմանկար
Ծնվել էդեկտեմբերի 20, 1978(1978-12-20)[1][2][3]
Ծննդավայր'Asir Province, Սաուդյան Արաբիա[4][5][3]
Մահացել էսեպտեմբերի 11, 2001(2001-09-11)[6][7][3] (22 տարեկան)
Մահվան վայրԱռևտրի համաշխարհային կենտրոն, Նյու Յորք շրջան, Նյու Յորք, Նյու Յորք, ԱՄՆ
Քաղաքացիություն Սաուդյան Արաբիա
Մայրենի լեզուարաբերեն
Կրոնիսլամ
ԿրթությունEmbry–Riddle Aeronautical University?
Մասնագիտությունահաբեկիչ
 Waleed al-Shehri Վիքիպահեստում

Վալիդ Մուհամեդ ալ-Շահրի (արաբ․՝ وليد الشهري‎‎, դեկտեմբերի 20, 1978(1978-12-20)[1][2][3], 'Asir Province, Սաուդյան Արաբիա[4][5][3] - սեպտեմբերի 11, 2001(2001-09-11)[6][7][3], Առևտրի համաշխարհային կենտրոն, Նյու Յորք շրջան, Նյու Յորք, Նյու Յորք, ԱՄՆ), Սաուդյան ահաբեկիչ, օդային առևանգող, 2001 թվականի սեպտեմբերի 11-ին ահաբեկչություն իրականացրած 19 մահապարտներից մեկը: American Airlines ավիաընկերության 11 չվերթի հինգ առևանգողներից մեկը, որն ընկել է Համաշխարհային առևտրի կենտրոնի Հյուսիսային աշտարակի մեջ՝ համակարգված գրոհների շրջանակներում:

Սաուդյան Արաբիայում ծնված ալ-Շահրին եղել է ուսանող՝ մինչև Մեդինա մեկնելը, որտեղ ուղեկցել է իր հոգեկան հիվանդ եղբորը: Ավելի ուշ նրանք հայտնվել են Աֆղանստանում։

Վաղ կենսագրություն և կրթություն

[խմբագրել | խմբագրել կոդը]

Վալիդ ալ-Շահրին ծնվել է Ասիր թաղամասում՝ Սաուդյան Արաբիայի հարավ-արևմուտքում՝ Եմենի հետ սահմանին գտնվող աղքատ տարածաշրջանում[8]: Շահրիի ընտանիքը հավատարիմ է եղել իսլամի վահաբական աղանդին, նրանք չեն ունեցել արբանյակային հեռուստատեսություն կամ ինտերնետ, Վալիդին արգելված է եղել նվագել երաժշտական գործիքներ կամ շփվել աղջիկների հետ, մինչև նա հասներ ամուսնության համար անհրաժեշտ տարիքին[9]:

Ավելի վաղ ԶԼՄ-ները հայտնել են, որ Վալիդը օդաչուի վկայական է ստացել Էմբրի Ռիդլ ավիացիոն համալսարանում 1997 թվականին[10]։  Սակայն կարճ հետաքննությունից հետո պարզվել է, որ Էմբրի-Ռիդլը որևէ մասնակցություն չի ունեցել ահաբեկիչների թռիչքային պատրաստությանը։ Այս համալսարանի ուսանողներից մեկը նույնպես ունեցել է Վալիդ ալ-Շահրի անունը, բայց նա կապ չի ունեցել Ալ-Կաիդայի հետ[11][12][13]։

Նախապատրաստվելով հարձակման

[խմբագրել | խմբագրել կոդը]

2000 թվական

[խմբագրել | խմբագրել կոդը]

Վալիդը թողել է իր ուսումը, որպեսզի ուղեկցի իր եղբորը՝ Վաիլին, որը հոգեկան հիվանդության պատճառով արձակուրդ է ուղարկվել Մեդինա: Վալիդը հորն ասել է, որ մտադիր է օգնություն խնդրել Մեդինայում գտնվող կրոնական բուժողից:

Մեդինա այցելելուց հետո եղբայրները ժամանել են Աֆղանստանի Ալ-Ֆարուք ուսումնական ճամբար, որտեղ նրանք հանդիպել են Ահմեդ ալ Նամիի և Սայիդ ալ-Ղամդիի հետ: Դեռևս Ալ-Ֆարուք ժամանելուց առաջ այս քառյակը, իբր, պարտավորվել է Ջիհադ վարել 2000 թվականի գարնանը մի արարողության ժամանակ, որը ղեկավարում էր Վաիլը, որը իրեն անվանել է Աբու Մուսաեբ Ալ-Ջանուբի՝ ի պատիվ Մուհամեդի ուղեկիցներից մեկի[14]:

Վալիդը հետագայում ծառայել է Քանդահարի միջազգային օդանավակայանում անվտանգության ուժերում ՝ Սաիդ Ալ-Համդիի հետ: Այն բանից հետո, երբ նա ընտրվել է ահաբեկչական հարձակումներ իրականացնելու համար, մարզվել է այլ ապագա առևանգողների հետ Ալ-Մաթար համալիրում ՝ Աբու Թուրաբ Ալ-Ուրդունիի ղեկավարությամբ:

Վալիդը եղբոր հետ վերադարձել է Սաուդյան Արաբիա 2000 թվականի աշնանը, որպեսզի նրանք կարողանան ստանալ մաքուր ԱՄՆ անձնագրեր և վիզաներ, ինչը նրանք արել են համապատասխանաբար 2000 թվականի հոկտեմբերի 3-ին և հոկտեմբերի 24-ին[15]:

Տեղի բնակիչները հայտնել են, որ նա և իր եղբայրը անհետացել են Սաուդյան Արաբիայի հարավ-արևմուտքում գտնվող Խամիս Մուշեյթ քաղաքից 2000 թվականի դեկտեմբերին[16]:

9/11 հանձնաժողովի տվյալներով՝ 2000 թվականի նոյեմբերի կեսերին երեք ապագա առևանգողներ (Վայիլ ալ-Շեհրի, Վալիդ ալ-Շեհրի և Ահմեդ ալ-Նամի), ովքեր արդեն ստացել էին ամերիկյան վիզաներ հոկտեմբերի վերջին, Սաուդյան Արաբիայից խմբով մեկնել են Բեյրութ, այնուհետև Իրան, և այնտեղից նրանք կարողացել են տեղափոխվել Աֆղանստան և ճանապարհորդել այնտեղ։

2001 թվական

[խմբագրել | խմբագրել կոդը]

Ուսուցումն ավարտելուց հետո Վալիդը տեղափոխվել է Կարաչի (Պակիստան) ապահով տուն, այնուհետև ժամանել է ԱՄԷ: ԱՄԷ-ից հավանական առևանգողները Միացյալ Նահանգներ են ժամանել 2001 թվականի ապրիլ-հունիս ամիսներին: Վալիդը, հավանաբար, ժամանել է Միացյալ Նահանգներ 2001 թվականի ապրիլի 23-ին։ Որոշ աղբյուրներ հայտնում են, որ ալ-Շեհրին 1998 թվականից մինչև 2001 թվականը ժամանակավորապես մնացել է Մոհամմեդ Ատտայի բնակարանում Համբուրգում[17]: Մյուսները ենթադրում են, որ նա հանդիպել է Զաքարիա Մուսաուիի հետ Լոնդոնում։

2001 թվականի մայիսի 4-ին դիմել և ստացել է Ֆլորիդայի վարորդական իրավունքի վկայական։ Մայիսի 19-ին Վալիդը և Սատամ ալ-Սուկամին թռել են Ֆորտ Լոդերդեյլից Ֆրիպորտ, որտեղ նրանք ամրագրումներ ունեին Princess Resort- ում: Այնտեղ նրանք չեն ունեցել անհրաժեշտ փաստաթղթեր, և նրանց հետ են ուղարկել Ֆլորիդա։ Այնտեղ կարմիր Kia Rio են վարձել Avis Rent-A-Car-ից[18]։ Սեպտեմբեր 11-ի հանձնաժողովը կարծել է, որ նրանք, ամենայն հավանականությամբ, իրականացրել են այս մանևրը, որպեսզի թարմացնեն ալ-Սուկամիի ներգաղթի կարգավիճակը, քանի որ նրա օրինական մնալը Միացյալ Նահանգներում ավարտվել է 2001 թվականի մայիսի 21-ին:

Սուկամին ինը առևանգողներից մեկն էր, որը 2001 թվականի հունիսին SunTrust-ում ավանդային բանկային հաշիվ է բացել: Ապրելով Բոյնթոն Բիչում՝ Վալիդը հարևանների խոսքերով հայտնի է եղել որպես «Մայամի Մարլինս» բեյսբոլի ակումբի մոլի երկրպագու[19]։

2001 թվականի հուլիսի 16-ին Վաիլը և Վալիդը հանգրվանել են Իսպանիայի Սալու քաղաքում գտնվող հյուրանոցում, որտեղ նրանց այցելել է Մուհամեդ Ատտան[20]: Հուլիսի 30-ին Վալիդ ալ-Շահրին Ֆորտ Լոդերդեյլից միայնակ մեկնել է Բոստոն: Հաջորդ օրը թռել է Սան Ֆրանցիսկո, որտեղ մնել է մեկ գիշեր, նախքան Լաս Վեգասով Ֆլորիդա վերադառնալը:

2001 թվականի սեպտեմբերի 5-ին Ուեյլը և Վալիդ ալ-Շահրին ժամանել են Բոստոն Ֆորտ Լոդերդեյլ քաղաք : Նրանք նույն օրը մնացել են Մասաչուսեթս նահանգի Չեսթնաթ Հիլ քաղաքում գտնվող Park Inn-ում՝ վարձելով սենյակ 432-ը[21]:

Սեպտեմբերի 11-ի հարձակումներ

[խմբագրել | խմբագրել կոդը]

Եղբայրներ ալ-Շահրին և Աբդուլազիզ ալ-Օմարին միասին ժամանել են Լոգանի օդանավակայան 2001 թվականի սեպտեմբերի 11-ի առավոտյան ժամը 06:45-ին՝ վարձակալած Ford Focus-ը թողնելով օդանավակայանի կայանատեղիում[22]: Օդանավակայանի զննման ժամանակ Վալիդը ընտրվել է CAPPS համակարգչային համակարգի միջոցով[23], որը պահանջում էր լրացուցիչ ստուգել նրա ուղեբեռը պայթուցիկ նյութերի համար[24]։

Առավոտյան ժամը 7:40-ին, բոլոր հինգ առևանգողները գտնվել են ինքնաթիռում, որը առավոտյան ժամը 7: 45-ին պետք է սկսեր թռիչքը: Վաիլն ու Վալիդ աշ-Շեհրին միասին նստել են առաջին դասում համապատասխանաբար 2А և 2B տեղերում[25]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 http://www.911myths.com/index.php/Waleed_M_al-Shehri
  2. ↑ 2,0 2,1 http://www.911myths.com/index.php/Waleed_al-Shehri
  3. ↑ 3,0 3,1 3,2 3,3 3,4 3,5 3,6 3,7 http://www.globalsecurity.org/security/profiles/waleed_al-shehri.htm
  4. ↑ 4,0 4,1 4,2 https://www.facebook.com/pages/Asir-Region/112580735419863?nr
  5. ↑ 5,0 5,1 5,2 https://www.facebook.com/pages/Asir/110641215622872?nr
  6. ↑ 6,0 6,1 6,2 http://www.justice.gov/sites/default/files/opa/legacy/2011/04/05/ksm-indictment.pdf
  7. ↑ 7,0 7,1 7,2 http://www.justice.gov/ag/indictment-zacarias-moussaoui
  8. ↑ Chapter 7.3–The Attack Looms, Assembling the Teams // 9/11 Commission Report. — National Commission on Terrorist Attacks Upon the United States. — С. 231—240.
  9. ↑ Sennott, Charles M. (2002-03-03). «Before oath to jihad, drifting and boredom». The Boston Globe. Արխիվացված է օրիգինալից 2008-10-10-ին.
  10. ↑ Hijack plotters used S. Florida as a cradle for conspiracy at the Wayback Machine (archived October 19, 2001), Miami Herald, BY ANDRES VIGLUCCI AND MANNY GARCIA, Published Saturday, September 15, 2001
  11. ↑ Viglucci, Andres; Garcia, Manny (September 15, 2001).
  12. ↑ Ebbs, George (October 8, 2001).
  13. ↑ «Reflections of Sept. 11» Արխիվացված 2016-03-09 Wayback Machine.
  14. ↑ Before oath to jihad, drifting and boredom Արխիվացված 2008-08-30 Wayback Machine, Boston Globe, By Charles M. Sennott, Globe Staff, 3 марта 2002
  15. ↑ Federal Bureau of Investigation (2008-02-04). «Hijackers' Timeline» (PDF). NEFA Foundation. էջեր 93, 93. Արխիվացված է օրիգինալից (PDF) 2008-10-12-ին. Վերցված է 2016-11-21-ին.
  16. ↑ Khashoggi, Jamal (2001-10-01). «Hijacker list raises more questions» (PDF). Արխիվացված է օրիգինալից (PDF) 2012-07-07-ին. Վերցված է 2016-11-21-ին.
  17. ↑ Four Planes, Four Coordinated Teams Արխիվացված 2011-02-24 Wayback Machine, Washington Post
  18. ↑ «911 Commission Report, section 7.4 'Final Strategies and Tactics', page 241». Արխիվացված է օրիգինալից 2009-07-01-ին. Վերցված է 2016-11-20-ին.
  19. ↑ The FBI’s Hijacker List Արխիվացված 2013-01-29 Wayback Machine, CBS News, 27 September 2001
  20. ↑ FBI Willing To 'Work' With Detainees With Terror Plot Info at the Wayback Machine (archived April 15, 2003) , Newark-AP, September 27, 2001
  21. ↑ Hijackers Remain Mysterious, A Window Into Their Daily Lives Leaves Dark Questions Archive copy Wayback Machine-ի միջոցով:, CBS News, 2002
  22. ↑ Chapter 1.1 - "We Have Some Planes", Inside the Four Flights // 9/11 Commission Report. — National Commission on Terrorist Attacks Upon the United States, 2004.
  23. ↑ «9/11 Commission Report (Chapter 1)». 2004-07. Արխիվացված է օրիգինալից 2015-04-20-ին. Վերցված է 2016-11-20-ին.
  24. ↑ «The Aviation Security System and the 9/11 Attacks - Staff Statement No. 3» (PDF). 9/11 Commission. Արխիվացված է օրիգինալից (PDF) 2008-05-28-ին. Վերցված է 2016-11-20-ին.
  25. ↑ Chapter 1.1 - "We Have Some Planes", Inside the Four Flights // 9/11 Commission Report. — National Commission on Terrorist Attacks Upon the United States, 2004.
Վիքիպահեստն ունի նյութեր, որոնք վերաբերում են «Վալիդ ալ-Շահրի» հոդվածին։
 ⛭ 
  Թեմատիկ կայքեր
Սեպտեմբերի 11-ի ահաբեկչության ահաբեկիչները
Չվերթ 11 American Airlines
Չվերթ 175 United Airlines
Չվերթ 77 American Airlines
Չվերթ 93 United Airlines