Վարդան Պողոսյան

Վարդան Պողոսյան
Անձնական տվյալներ
Քաղաքացիությունը	Հայաստան
Ծննդյան ամսաթիվ	մարտի 8, 1992(1992-03-08)[1][2] (33 տարեկան)
Ծննդավայր	Երևան, Հայաստան
Հասակ	179 սանտիմետր
Դիրք	հարձակվող
Ակումբային տեղեկություններ
Ներկա ակումբ	Բանանց
Պատանեկան կարիերա
?−2006 Բուրեվեստնիկ 2006-2008 Սպարտակ-2
Մասնագիտական կարիերա*
Տարի	Ակումբ	Խաղ	(Գոլ)
?—2015 Մուրսիա 2014-2015 →  Սան Սեբաստիան դե լոս Ռեյես 2015 Տոսնո 0 (0) 2015 Կուբան 0 (0) 2015 →  Փյունիկ 14 (8) 2016 Դաչիա 0 (0) 2016-2017 Փյունիկ 30 (7) 2017 Ռաբոտնիչկի 11 (0) 2018 Գանձասար (Կապան) 27 (0) 2019— Բանանց 0 (0)
Ազգային հավաքական
2014 Հայաստան (երիտ․) 2 (0) 2015-2016 Հայաստան 3 (0)
* Մասնագիտական կարիերայում ընդգրկված են միայն առաջնության խաղերը և գոլերը  ըստ 20 հունվարի, 2019:

Վարդան Գրիգորիի Պողոսյան (մարտի 8, 1992(1992-03-08)^[1][2], Երևան, Հայաստան), հայ ֆուտբոլիստ, «Բանանց» ակումբի հարձակվող։ Հանդես է եկել Հայաստանի ազգային հավաքականում։

Կարիերա

Վարդան Պողոսյանը սովորել է «Սպարտակի» երկրորդ թիմի մարզական դպրոցում։ Տասնվեց տարեկանում եղել է Մոսկվայի առաջնության լավագույն ռմբարկուների թվում^[3]։ Դրանից հետո որոշել է ընդունել Իսպանիայից ստացած առաջարկը։ Մինչև 19 տարեկանը խաղացել է երիտասարդական թիմերում, ինչից հետո պայմանագիր է կնքել «Մուրսիայի» հետ, բայց գրեթե չի ստացել խաղային պրակտիկա ակումբի հիմնակա կազմում՝ հանդես գալով երկրորդ թիմում կամ վարձավճարով^[3]։

2014 թվականին Վիկտոր Գոնչարենկոն Վարդան Պողոսյանին հրավիրել է «Կուբան», բայց «Մուրսիայի» ղեկավարությունը նրան ստիպել է մնալ ևս կես տարի՝ մինչև պայմանագրի ավարտը։ 2015 թվականի փետրվարի 22-ին մասնակցել է մեկ խաղի «Տոսնոյի» կազմում՝ խաղադաշտ դուրս գալով Ֆուտբոլի ազգային լիգայի գավաթի խաղարկության՝ 15-րդ տեղի համար անցկացված խաղին ընդդեմ «Սոկոլի» (1:1, 4:5 11 մետրանոցներով)^[4]։ Երբ Պողոսյանը տեղափոխվել է Կրասնոդարի ակումբ, այն արդեն գլխավորում էր նոր մարզիչ՝ Լեոնիդ Կուչուկը։ Հիմնական թիմի հետ հավաքների մասնակցելուց հետո մարզիչը Պողոսյանին ուղարկել է երիտասարդական կազմ^[3]։ Այդ թիմի կազմում Պողոսյանն անցկացրել է ինը խաղ և խփել վեց գոլ^[5]՝ այդ թվում ձևակերպելով դուբլ «Կրասնոդարի» իրենց հասակակիցների դեմ խաղում^[6]։

2015 թվականի ամռանը «դեղնականաչներն» Անթալիայում անցկացրած հավաքների ժամանակ խաղացել են «Փյունիկի» դեմ․ Պողոսյանը խաղի ընթացքում եղել է պահեստայինների նստարանին, սակայն հայկական ակումբի ղեկավարությունը որոշել է նրան հրավիրել իրենց թիմ։ Տասներկու խաղերում Պողոսյանը խփել է ութ գոլ և հրավիրվել Հայաստանի ազգային հավաքական^[3]։

2016 թվականի հունվարին հավաքականի մարզչական շտաբի երաշխավորությամբ Վարդան Պողոսյանը տեղափոխվել է մոլդովական «Դաչիա»^[7], որի հետ կնքել է երկամյա պայմանագիր։ Սակայն Իսպանիայում անցկացվող ձմեռային հավաքների ժամանակ Պողոսյանը կոտրել է ոտքը, և ակումբի չի ցանկացել սպասել ֆուտբոլիստի ապաքինմանը՝ խզելով նրա հետ կնքված պայմանագիրը^[3]։ Պողոսյանը վերադարձել է «Փյունիկ»։ 2016/17 մրցաշրջանում եղել է թիմի ավագ։ 2017 թվականի ամռանը հեռացել է ակումբից և ազատ գործակալի կարգավիճակով տեղափոխվել մակեդոնական «Ռաբոտնիչկի»^[8]։

Ձեռքբերումներ

«Փյունիկ»

• Հայաստանի Սուպերգավաթի դափնեկիր (1) – 2015
• Հայաստանի գավաթի խաղարկության եզրափակչի մասնակից (1) – 2017

Վիճակագրություն

Խաղերը հավաքականում
№	Ամսաթիվ	Հակառակորդ	Հաշիվ	Պողոսյանի գոլերը	Մրցություն
1	8 հոկտեմբերի, 2015	Ֆրանսիա	4:0	-	Ընկերական խաղ
2	11 հոկտեմբերի, 2015	Ալբանիա	0:3	-	ԵԱ-2016 նախընտրական խաղեր
3	8 հոկտեմբերի, 2016	Ռումինիա	0:5	-	ԵԱ-2018 նախընտրական խաղեր

Ընդհանուր՝ 3 խաղ / 0 գոլ, 3 պարտություն

Ծանոթագրություններ

1. Transfermarkt.com(բազմ․) — 2000.
2. FBref.com(բազմ․)
3. «В Испании не видел света в конце тоннеля» // Лента.ру
4. Погосян Вардан - Нападающий
5. «Статистика на сайте РФПЛ». Արխիվացված է օրիգինալից 2016-04-26-ին. Վերցված է 2019-02-21-ին.
6. «Кубань» победила «Краснодар» в матче молодежных команд // Спорт-Экспресс
7. Վարդան Պողոսյան. Հայաստանի հավաքականի մարզիչները խորհուրդ տվեցին տեղափոխվել «Դաչիա»
8. «Վարդան Պողոսյանը հեռացել է Փյունիկից և հնարավոր է կարիերան շարունակի Մակեդոնիայում». Արմենպրես. 2017 թ․ օգոստոսի 2.