Վլադիմիր Կոբեկին (ռուս.՝ Влади́мир Алекса́ндрович Кобе́кин, հուլիսի 22, 1947(1947-07-22), Բերեզնիկի, Պերմի շրջան, ՌԽՖՍՀ, ԽՍՀՄ), ռուս կոմպոզիտոր, օպերաների, բալետների և ֆիլմերի երաժշտության հեղինակ։ ՌԽՖՍՀ արվեստի վաստակավոր գործիչ (1987 թվական), ԽՍՀՄ Պետական մրցանակի դափնեկիր (1987 թվական), Դմիտրի Շոստակովիչի անվան մրցանակի դափնեկիր, Սերգեյ Պրոկոֆևի անվան միջազգային մրցանակաբաշխության դափնեկիր[1]։
Ավարտել է Լենինգրադի կոնսերվատորիան (1971 թվական), եղել է Սերգեյ Սլոնիմսկու աշակերտը։ Երկար տարիների ընթացքում կոմպոզիցիա է դասավանդել Ուրալի պետական կոնսերվատորիայում։
- «Համլետ (դանիական) (ռուսական) կոմեդիա» Մոսկվայի Ստանիսլավսկու և Նեմիրովիչ-Դանչենկոյի անվան երաժշտական ակադեմիական թատրոնում, պրեմիերան եղել է 2008 թվականի նոյեմբերի 14-ին։ Բեմադրող դիրիժոր` Ֆելիքս Կորոբով։ Բեմադրող ռեժիսոր` Ալեքսանդր Տիտել։ Բեմադրող նկարիչ` Էրնստ Գեյդեբրեխտ։ Տևողությունը` 2 ժամ 50 րոպե[2]։ Այդ ներկայացման համար Վլադիմիր Կոբեկինը «Կոմպոզիտորի լավագույն աշխատանք» անվանակարգում ստացել է «Ոսկե դիմակ» մրցանակը[3], իսկ Ալեքսանդր Տիտելը ստացել է «Լավագույն ռեժիսորի աշխատանք» անվանակարգում (2010 թվական)
- «Մարգարիտա», Սարատովի օպերայի և բալետի ակադեմիական թատրոնի բեմադրություն (2007 թվական, դիրիժոր` Յուրի Կոչնև, ռեժիսոր` Դ. Իսաիչև), Վլադիմիր Կոբեկինը «Կոմպոզիտորի լավագույն աշխատանք» անվանակարգում ստացել է «Ոսկե դիմակ» մրցանակը (2008 թվական)[3]
- «Խելագարի օրագիրը» (ըստ Լու Սինի վիպակի)
- «Երջանիկ արքայազնը» (Ալեքսեյ Պարինի լիբրետոն ըստ Օսկար Ուայլդի հեքիաթի)
- «Ծաղրածուն և արքան» (կոմպոզիտորի լիբրետոն ըստ Միշել դե Գելդերոդի պիեսի)
- «Երիտասարդ Դավիթը»` Նովոսիբիրսկի օպերայի և բալետի ակադեմիական թատրոնի բեմադրություն (1998 թվական, ռեժիսոր` Ալեքսեյ Չերնյակով, դիրիժոր` Անատոլի Լյուդմիլին, «Ոսկե դիմակ» մրցանակ 2000 թվականի համար)[3]
- «Մարգարե»` տրիպտիխ ըստ Պուշկինի ստեղծագործությունների. «Դոն Գուան», «Խնջույք ժանտախտի ժամանակ» և «Բանաստեղծի կորուստը»։ Առաջին բեմադրությունը եղել է 1984 թվականին Սվերդլովսկու օպերայի և բալետի ակադեմիական թատրոնում։ Ռեժիսոր` Ալեքսանդր Տիտել, բեմադրող դիրիժոր` Եվգենի Բրաժնիկ, բեմադրող նկարիչներ` Յուրի Ուստինով, Էրնստ Գեյդեբրեխտ։ 1987 թվականին գաստրոլներից հետո Մոսկվայում ներկայացումը ստացել է ԽՍՀՄ Պետական մրցանակ։ Նրա դափնեկիրները եղել են Վլադիմիր Կոբեկինը, Ալեքսանդր Տիտելը, Եվգենի Բրաժնիկը, դերերի կատարողները եղել են Տատյանա Բոբրովիցկայան և Վալերի Տյումենցևը։
- «Ֆրանսիայի ազգային գրադարան» (ըստ Ֆեոդոր Դոստոևսկու «Ապուշը» վեպի)
- «Կարապի երգը» (ըստ Անտոն Չեխովի)
- «Պուգաչով» (ըստ Սերգեյ Եսենինի)
- «Խաղ Մաքս-Եմելյանի մասին»
- «Կոշիկներ» (ըստ Վասիլի Շուկշինի)
- «Հոլստոմեր» (ըստ Լև Տոլստոյի)
- «Սպիտակ գվարդիա» (ըստ Միխայիլ Բուլգակովի) (երաժշտական դրամա) Եկատերինբուրգի երաժշտական կոմեդիայի թատրոն, պրեմիերան եղել է 2012 թվականի նոյեմբերի 30-ին։ Բեմադրող ռեժիսոր` Կիրիլ Ստրեժնև,
- «Գարնանային ջրեր» (կոմպոզիտոր` Վլադիմիր Կոբեկին, լիբրետո` Վլադիմիր Կոբեկին և Կիրիլ Սիմոնով) Սարատովի օպերայի և բալետի ակադեմիական թատրոն (խորեոգրաֆ` Կիրիլ Սիմոնով, բեմադրող դիրիժոր` Յուրի Կոչնև, նկարիչներ` Եկատերինա Զլայա և Ալեքսանդր Բարմենկով, պրեմիերան կայացել է 2018 թվականի մայիսի 23-ին 31-րդ Սաբինովսկյան փառատոնի շրջանակներում)
- «Մումի դոլ» մուլտիպլիկացիոն եռերգության երաժշտությունը («Սվերդլովսկտելեֆիլմ», 1981-1983 թվականներին)։
- «Առակ երիցուկների մասին» մուլտֆիլմի երաժշտությունը («Սվերդլովսկտելեֆիլմ» 1975 թվական)։
Ռուսաստան
Vladimir Kobekin Վիքիպահեստում
