Վլադիմիր Մամինով

Վլադիմիր Մամինով
Անձնական տվյալներ
Քաղաքացիությունը	Ռուսաստան և  Ուզբեկստան
Ծննդյան ամսաթիվ	սեպտեմբերի 4, 1974(1974-09-04)[1] (50 տարեկան)
Ծննդավայր	Մոսկվա, ԽՍՀՄ
Հասակ	178 սանտիմետր
Քաշ	74 կիլոգրամ
Դիրք	կիսապաշտպան
Պատանեկան կարիերա
ՖՇՄ Լոկոմոտիվ (Մոսկվա)
Մասնագիտական կարիերա*
Տարի	Ակումբ	Խաղ	(Գոլ)
1991 Սպարտակ (Միտիշչի) ? (?) 1992-2008 Լոկոմոտիվ (Մոսկվա) 290 (31) 1992-2000 →  Լոկոմոտիվ-դ 95 (10)
Ազգային հավաքական
2001-2005 Ուզբեկստան 12 (3)
Մարզչական կարիերա
2009 Լոկոմոտիվ (Մոսկվա) и. о. 2009—2011 Լոկոմոտիվ (Մոսկվա) մարզիչ 2011 Լոկոմոտիվ (Մոսկվա) и. о. 2011—2013 Լոկոմոտիվ-ե (Մոսկվա) 2014 Ռուբին 2014—2015 Խիմկի 2016—2017 Սոլյարիս 2017—2018 Տյումեն
* Մասնագիտական կարիերայում ընդգրկված են միայն առաջնության խաղերը և գոլերը:

Վլադիմիր Ալեքսանդրովիչ Մամինով (ռուս.՝ Владимир Александрович Маминов, սեպտեմբերի 4, 1974(1974-09-04)^[1], Մոսկվա, ԽՍՀՄ), ռուս և ուզբեկ ֆուտբոլիստ (կիսապաշտպան), հետագայում՝ մարզիչ։ Հայտնի է Մոսկվայի «Լոկոմոտիվում» և Ուզբեկստանի հավաքականում անցկացրած խաղերով։

Խաղացողի կարիերա

Վլադիմիր Մամինովը 2006 թվականին՝ «Լոկոմոտիվի» կազմում մարզման ժամանակ

Ակումբային

Մոսկվայի «Լոկոմոտիվի» ֆուտբոլային դպրոցի սան է, իր ամբողջ կարիերան անցկացրել է մեկ ակումբում։ Ակումբի կազմում անցկացրել է 16 մրցաշրջան՝ խաղացողի կարիերայի ընթացքոմ մասնակցելով 400 պաշտոնական խաղի, որտեղ աչքի է ընկել 41 գոլով։ Համաձայն IMScouting-ի հրատարակած ցուցակի՝ Մամինովն ընդգրկվել է Եվրոպայի այն 20 լավագույն ֆուտբոլիստների ցանկում, որոնք ամենից երկարն են խաղացել նույն թիմում^[2]։ «Լոկոմոտիվում» հանդես է եկել 8-րդ համարի մարզաշապիկով, իսկ նրանից հետո 8-րդ համարը հատկացվել է «Լոկոմոտիվի» երկրորդ կազմի մեկ այլ սանի՝ Դենիս Գլուշակովին։ 2008 թվականի դեկտեմբերին հայտարարել է խաղացողի կարիերան ավարտելու և մարզչական կարիերա սկսելու մասին։

Հավաքականում

2011 թվականին Վլադիմիր Մամինովը և իր թիմակիցներ Օլեգ Պաշինինը և Ալեքսեյ Պոլյակովը Վլադիմիր Սալկովից հրավեր ստանալուց հետո ստացել են Ուզբեկստանի քաղաքացիություն և հանդես են եկել Ուզբեկստանի հավաքականի կազմում՝ մասնակցելով 2002 թվականին Ճապոնիայում և Հարավային Կորեայում անցկացված աշխարհի առաջնության որակավորման փուլին։ Ընդհանուր առմամբ Ուզբեկստանի հավաքականի կազմում Վլադիմիր Մամինովը 2001-2005 թվականներին անցկացրել է 12 խաղ և խփել 3 գոլ։

Մարզչական կարիերա

«Լոկոմոտիվ»

2009 թվականի ապրիլի 28-ից մինչև 2009 թվականի հունիսի 1-ը գլխավորել է «Լոկոմոտիվը»՝ կատարելով գլխավոր մարզչի պարտականությունները։ Նրա գլխավորությամբ անցկացրած 5 խաղերում «Լոկոմոտիվը» վաստակել է 10 միավոր։ 2009 թվականի հունիսի 1-ից աշխատել է «Լոկոմոտիվի» մարզչական շտաբում որպես Յուրի Սյոմինի, ապա Յուրի Կրասնոժանի օգնական։ 2010 մրցաշրջանի խաղերից մեկում փոխարինել է որակազրկված Սյոմինին։ 2011 թվականի հունիսի 7-ից նորից եղել է թիմի գլխավոր մարզիչ։ Այդ պաշտոնն զբաղեցրել է մինչև Ժոզե Կոուսեյրույի գալը։

«Ռուբին»

2014 թվականի հունվարին ընդգրկվել է «Ռուբինի» վարչական շտաբի կազմում, որտեղ եղել է ակումբի գլխավոր մարզիչ մինչև Ռինատ Բիլյալետդինովի՝ «Pro» արտոնագիր ստանալը^[3]։ 2014 թվականի մայիսի վերջին հեռացել է Կազանի թիմից^[4] մարզչական գործընթացում Բիլյաետդինովի հետ հայացքների անհամապատասխանության պատճառով^[5]։

«Խիմկի»

2014 թվականի հունիսի 19-ին գլխավորել է «Խիմկի» ակումբը^[6] նպատակ դնելով դուրս գալ ՖԱԼ^[7]։ Մամինովի գլխավորությամբ կարմրասևերը երկրորդ դիվիզիոնում զբաղել են չորրորդ հորիզոնականը, և մարզիչը հեռացել է թիմից 2015 թվականի հունիսին^[8]։

«Սոլյարիս»

2016 թվականի հուլիսին գլխավորել է Մոսկվայի «Սոլյարիս» ակումբը^[9]։ 2017 թվականի մայիսի 2-ին հեռացել է թիմից^[10]։

«Տյումեն»

2017 թվականի օգոստոսի 29-ին նշանակվել է ՖԱԼ առաջնության «Տյումեն» ակումբի գլխավոր մարզիչ^[11]։ Պայմանագիրը կնքվել է մինչև մրցաշրջանի վերջը, որի ավարտից հետո կողմերն այն չեն երկարաձգել^[12]։

Ձեռքբերումներ

Թիմային

Լոկոմոտիվ (Մոսկվա)

• Ռուսաստանի առաջնության հաղթող (2) – 2002, 2004

Ռուսաստանի առաջնության արծաթե մեդալակիր (4) – 1995, 1999, 2000, 2001

Ռուսաստանի առաջնության բրոնզե մեդալակիր (4) – 1994, 1998, 2005, 2006

• Ռուսաստանի գավաթի դափնեկիր (5) – 1996, 1997, 2000, 2001, 2007
• Ռուսաստանի Սուպերգավաթի դափնեկիր (2) – 2003, 2005
• Համագործակցության գավաթի դափնեկիր – 2005

Անձնական

• Ընգրկվել է Ռուսաստանի առաջնության 33 լավագույն ֆուտբոլիստների ցանկում (3) – № 1 (2004), № 2 (2002, 2003)

Արդյունքներն ըստ մրցաշրջանի

Մրցաշրջան	Ակումբ	Խաղերի թիվ	Գոլերի թիվ
1993	«Լոկոմոտիվ» Մոսկվա	2	0
1994		11	1
1995		11	1
1996		31	3
1997		31	6
1998		19	3
1999		22	3
2000		17	2
2001		25	5
2002		29	4
2003		24	2
2004		18	1
2005		20	0
2006		5	0
2007		9	0
2008		17	0

Վիճակագրությունը որպես գլխավոր մարզիչ

2018 թվականի մայիսի 20-ի տվյալներով

Ակումբ	Երկիր	Աշխատանքի սկիզբ	Աշխատանքի ավարտ	Արդյունք
				Խ	Հ	Ո	Պ	%
«Լոկոմոտիվ» (Մոսկվա)		Ապրիլի 28, 2009	Մայիսի 31, 2009	5	3	1	1	60,00
«Լոկոմոտիվ» (Մոսկվա)		Հունիսի 7, 2011	Հունիսի 30, 2011	5	1	1	3	20,00
«Ռուբին»		Հունվարի 10, 2014	Մայիսի 30, 2014	13	4	3	6	30,77
«Խիմկի»		Հունիսի 19, 2014	Հունիսի 15, 2015	31	15	9	7	48,39
«Սոլյարիս»		Հուլիսի 6, 2016	Մայիսի 2, 2017	23	10	7	6	43,48
«Տյումեն»		Օգոստոսի 27, 2017	Մայիսի 18, 2018	28	8	8	12	28,57
Ընդհանուր				105	41	29	35	39,05

Անձնական կյանք

Ամուսնացած է և ունի երկու երեխա՝ Վլադիսլավ և Մարիա^[13]։

Ծանոթագրություններ

1. Transfermarkt.com(բազմ․) — 2000.
2. «UA-Футбол. Маминов провёл 400-й матч за «Локомотив»». Արխիվացված է օրիգինալից 2014-01-10-ին. Վերցված է 2019-09-19-ին.
3. «Андрей Лексаков: У Билялетдинова нет лицензии категории «Pro»». Արխիվացված է օրիգինալից 2014 թ․ հունվարի 11-ին. Վերցված է 2014 թ․ հունվարի 11-ին.
4. Владимир Маминов: «Я покинул «Рубин»
5. Ринат Билялетдинов: «У нас с Маминовым разный взгляд на тренировочный процесс»
6. Маминов возглавил «Химки»
7. Владимир Маминов: «Задача „Химок“ — выход в ФНЛ»
8. Маминов покинул пост главного тренера «Химок»
9. Маминов возглавил «Солярис»
10. Маминов покинул «Солярис»
11. Владимир Маминов возглавил «Тюмень»
12. «Директор «Тюмени»: У нас есть желание выступать в ФНЛ, если будет такая возможность». Արխիվացված է օրիգինալից 2018 թ․ մայիսի 20-ին. Վերցված է 2019 թ․ սեպտեմբերի 19-ին.
13. Владимир Маминов: история преданности «Локомотиву»

Արտաքին հղումներ

• Ֆուտբոլիստի էջը FootballFacts.ru կայքում
• Պրոֆիլը transfermarkt.com կայքում(անգլ.)

Վիքիպահեստն ունի նյութեր, որոնք վերաբերում են «Վլադիմիր Մամինով» հոդվածին։