Տաբեռնասի ամրոց

Տաբեռնասի ամրոց
Castillo de Tabernas
Նկարագրություն
Տեսակհուշարձան, գերեզման, գյուղ և դղյակ
Վարչական միավորՏաբեռնաս
Երկիր Իսպանիա[1][2][3]
Կառուցված11-րդ դար
Ընթացիկ վիճակավերակներ
Քարտեզ
Քարտեզ
 Castle of Tabernas Վիքիպահեստում

Տաբեռնասի ամրոց (իսպ.՝ Castillo de Tabernas), ավերված ամրոց ամրոց Իսպանիայի Անդալուզիա ինքնավար համայնքի Ալմերիա պրովինցիայի Տաբեռնաս մունիցիպալիտետում։ Կառուցվել է 11-րդ դարում՝ Արաբական տիրապետության շրջանում։ Կառույցն ունի մավրիտանական ոճ և տեղակայված է բարձրադիր բլրի վրա։ Կանգուն ժաման այն զբաղեցրել է ամբողջ բլուրը, սակայն այժմ պահպանվել է նրա միայն մի մասը։

Պատմություն

[խմբագրել | խմբագրել կոդը]

Այն եղել է Ալմերիայի շրջակայքի երկրորդ կարևոր միջնաբերդը և Գրանադայի ամիրայության հետ բազմաթիվ ընդհարումների պատճառ է դարձել։ Ամրոցը պատկանել է Գրանադայի ամիրա Մուհամադ XIII ազ-Զագալին։

Ամրոցը քրիստոնյաներին է հանձնվել 1489 թվականին։ Ալմերիայի պաշարման ժամանակ Կաստիլիայի, Արագոնի, Սիցիլիայի և Նեապոլի թագավորությունների տիրակալներ, ամուսիններ Ֆերդինանդը և Իզաբելան հանգրվանել են Տաբեռնասի ամրոցում[4]։

1522 թվականին արդեն ամրոցը գտնվում էր լքված ու կիսաքանդ վիճակում։ Ըստ որոշ տվյալների Տաբեռնասի ամրոցը հանդիսացել է իսպանական Ալբայի հերցոգների ամառային նստավայրը[5]։

1933 թվականի հունիսի 22-ին ամրոցը գրանցվել է Իսպանիայի Պատմական Ժառանգության հուշարձանների ցուցակում։ Այսօր ամրոցի մուտքն ազատ է այցելուների համար։

Տաբեռնասի ամրոցին հարում է Տաբեռնասի անապատը, որը հանդիսանում է «սպագետի-վեսթերն» ժանրի բազմաթիվ ֆիլմերի նկարահանման վայր[6][7]։

Ծանոթագրություններ

[խմբագրել | խմբագրել կոդը]
  1. ↑ Wiki Loves Monuments monuments database — 2017.
  2. ↑ Անդալուսիայի մշակութային ժառանգության թվային ուղեցույց (իսպ.)
  3. ↑ GeoNames — 2005.
  4. ↑ Garvey, Geoff; Ellingham, Mark (2003). The Rough Guide to Andalucia. Rough Guides. էջ 608. ISBN 978-1-84353-068-8.
  5. ↑ Путеводитель по городам и странам для путешественников: Замок Табернас
  6. ↑ Пустыня Табернас - «Дикий Запад» Испании
  7. ↑ Дикий Запад Серджио Леоне

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Տաբեռնասի ամրոց» հոդվածին։
 ⛭ 
  Թեմատիկ կայքեր
Չափորոշչային վերահսկողություն