Տաբու (ֆիլմ, 1931)
 անգլ.՝ Tabu | |
|---|---|
_Lobby_Card.jpg) | |
| Երկիր | ԱՄՆ |
| Ժանր | դրամա, ռոմանտիկ ֆիլմ և համր կինո |
| Թվական | 1931, մարտի 18, 1931[1], օգոստոսի 1, 1931[1] և սեպտեմբերի 3, 1931[1] |
| Լեզու | անգլերեն |
| Ռեժիսոր | Ֆրիդրիխ Վիլհելմ Մուրնաու[2] |
| Պրոդյուսեր | Robert J. Flaherty? |
| Սցենարի հեղինակ | Robert J. Flaherty?, Edgar G. Ulmer? և Ֆրիդրիխ Վիլհելմ Մուրնաու |
| Դերակատարներ | Anne Chevalier? |
| Օպերատոր | Ֆլոյդ Քրոսբի |
| Երաժշտություն | Ուգո Ռիզենֆելդ |
| Պատմվածքի վայր | Օվկիանիա |
| Նկարահանման վայր | Տահիտի |
| Կինոընկերություն | 20th Century Studios |
| Տևողություն | 81 րոպե |
| Բյուջե | 150 000 $ |
| Շահույթ | 472 000 $ |
 Tabu (film) Վիքիպահեստում | |
«Տաբու» (անգլ.՝ Tabu)՝ Ֆրիդրիխ Վիլհելմ Մուրնայի վերջին ֆիլմը։
Սյուժե
[խմբագրել | խմբագրել կոդը]Ծերացած դեսպան Հիթուն կարևոր հանձնարարությամբ գալիս է Խաղաղ օվկիանոսի հարավային մասում գտնվող Բորա-Բորա կղզի։ Նա Բորա-Բորայի առաջնորդին է փոխանցում Ֆանումա կղզու առաջնորդի ուղերձը. մահացել է նրա ցեղի սուրբ կույսը, և Բորա-Բորա կղզուց մի աղջկա՝ Ռերի անունով, տրված է նրա տեղը զբաղեցնելու մեծ պատիվը։ Այս րոպեից ոչ մի տղամարդ իրավունք չունի կպչել նրան կամ նրա վրա ուղղել տենչական հայացք, այսինքն նրա վրա տաբու է դրվում։ Մատախին` Ռերիի սիրեցյալը, ի վիճակի չէ տանել դա։ Հենց այդ գիշեր նա դեսպանի նավից առևանգում է Ռերիին, և նրանք կանոեով փախչում են կղզուց։
Կիսամեռ վիճակում նրանք հասնում են ֆրանսիական գաղութին։ Երկուսն էլ առողջանում են, և Մետախին դառնում է շրջանի լավագույն մարգարիտ որսացողը։ Նրանք ուրախ են, սակայն Մետախին չգիտի գումարի մասին և չի հասկանում, որ բոլորին խմիչք հյուրասիրելով ստորագրում է հաշվի տակ։
Տեղական ոստիկանությունը՝ զույգի համար գումար խոստացած ֆրանսիական կառավարությունից ծանուցում է ստանում, սակայն Մետախին նրանց որպես կաշառք տալիս է իր վերջին մարգարիտը։ Կղզի է գալիս Հիթուն։ Նա հանդիպում է Ռերիին և հայտնում, որ եթե երեք օրից նա չհանձնվի, Մատախին կմեռնի։ Ռերին` առանց Հիթուի հետ հանդիպման մասին հայտնելու Մատախիին համոզում է փախչել։ Սակայն երբ Մատախին երկկայմմ առագաստանավի տոմսեր է գնում, առևտրականները նրանից գումար են վերցնում` պարտքերը վճարելու։
Գիշերը Հիթուն վերադառնում է ոստիկանական տեսուչի հետ։ Ռերին իր մարմնով ծածկում է քնած Մատախիին, այնուհետև համաձայնում է վերադառնալ Բորա-Բորա, որ փրկի նրա կյանքը։ Երբ Մատախին արթնանում է, Ռերին քնած է ձևանում։ Մատախին որոշում է գումար հավաքել լագունայի՝ շնաձկան պաշտպանության տակ գտնվող գաղտնի հատվածում, որտեղ արդեն մեկ որսորդ զոհվել էր։ Նրա գնալուց հետո Ռերին գրում է հրաժեշտի երկտող և գնում է Հիթուի մոտ։ Մատախին փորձում է հեռանալ շնաձկից և մարգարիտ որսալ, սակայն տուն հասնելով գտնում է երկտողը։ Նա լողալով անցնում է Հիթուի նավի տակ և բռնվում է նրա տակ կախված պարանից, բայց Հիթուն կտրում է այն։ Շարունակելով լողալ նավի հետևից, Մատախին հյուծվում է և խեղդվում։
Ճանաչում
[խմբագրել | խմբագրել կոդը]- Ֆլոյդ Քրոսբին ֆիլմի համար ստացել է «Օսկար» մրցանակ «Լավագույն օպերատորական աշխատանք» անվանակարգում[3]
- 1994 թվականին կինոնկարը մտել է Ֆիլմերի միջազգային ռեգիստրի կազմի մեջ
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Internet Movie Database — 1990.
- ↑ filmportal.de — 2005.
- ↑ «The 4th Academy Awards (1931) Nominees and Winners». Oscars.org (Academy of Motion Picture Arts and Sciences). Արխիվացված օրիգինալից 2019 թ․ մայիսի 21-ին. Վերցված է 2019 թ․ մայիսի 21-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Տաբու (ֆիլմ, 1931)» հոդվածին։ |
| ||||||||||
