Տանյա Ստուպար-Տրիֆունովիչ

Տանյա Ստուպար-Տրիֆունովիչ
սերբ.՝ Тања Ступар Трифуновић
Ծնվել էօգոստոսի 20, 1977(1977-08-20)[1] (47 տարեկան)
ԾննդավայրԶադար, Խորվաթիայի Սոցիալիստական Հանրապետություն, ՀՍՖՀ
Քաղաքացիություն Բոսնիա և Հերցեգովինա
ԿրթությունԲանյա Լուկայի համալսարան
Մասնագիտությունգրող, արձակագիր և բանաստեղծուհի
Պարգևներ և
մրցանակներ

Տանյա Ստուպար-Տրիֆունովիչ (սերբ.՝ Тања Ступар Трифуновић, օգոստոսի 20, 1977(1977-08-20)[1], Զադար, Խորվաթիայի Սոցիալիստական Հանրապետություն, ՀՍՖՀ), սերբ գրող, որը հրատարակել է բանաստեղծությունների չորս գիրք և մեկ առակների գիրք։ Բոսնիական մի քանի մրցանակների դափնեկիր պոեզիայի և արձակի բնագավառում։

Կենսագրություն

[խմբագրել | խմբագրել կոդը]

Տանյա Ստուպար-Տրիֆունովիչը ծնվել է 1977 թվականին Զադարում։ Ավարտել է Բանյա Լուկայի համալսարանի փիլիսոփայության, սերբական լեզվի և գրականության բաժինը։ Պատերազմի հետ կապված նա տեղափոխվեց Բանյա Լուկա[2]։ Նա հրապարակել է բանաստեղծությունների չորս գիրք և առակների մեկ գիրք, բանաստեղծությունները թարգմանվել են անգլերեն, գերմաներեն, լեհերեն, սլովեներեն, մակեդոներեն, հունգարերեն, դանիերեն, ֆրանսերեն և ռուսերեն (թարգմանիչ՝ Դմիտրի Վոլժանին)։ «Ինչի մասին են մտածում բարբարոսները նախաճաշի շուրջ» գիրքը, որպես Բոսնիա և Հերցեգովինայում 2007-2008 թվականների լավագույն գիրք, ներկայացվել է CEE Literature Award մրցանակին (Արևելյան և Հարավ-արևելյան Եվրոպայի գրական մրցանակ), ընկել լավագույնների մեջ, որի համար Ստուպար-Տրիֆունովիչը որպես նվեր ստացել է տուն Վիեննայում։ 2009 թվականին «Գլխավոր հերոսը՝ մարդ, որն անհաջող սիրահարվեց» գիրքն արժանացավ «Fra Grgo Martic» մրցանակին, որպես լավագույն բանաստեղծությունների գիրք, մտել է մի քանի բոսնիական և օտար բանաստեղծությունների ժողովածուների մեջ։ Ստուպար-Տրիֆունովիչը նաև հանդիսանում է «Պուտեվի» գրական ամսագրի խմբագիրը։ Ներկայացվել է EU Prize for Literature 2016-ին (Եվրամիության գրականության մրցանակ 2016)[3]։

Մատենագրություն

[խմբագրել | խմբագրել կոդը]
  • Ինչի մասին են մտածում բարբարոսները նախաճաշի շուրջ (սերբ.՝ О чему мисле варвари док доручкују)
  • Գլխավոր հերոսը՝ մարդ, որն անհաջող սիրահարվեց (սերբ.՝ Главни јунак је човјек који се заљубљује у несрећу)
  • Ժամացույց մայրիկի սենյակում (սերբ.՝ Сатови у мајчиној соби)

Տես նաև

[խմբագրել | խմբագրել կոդը]

Ծանոթագրություններ

[խմբագրել | խմբագրել կոդը]
  1. ↑ 1,0 1,1 https://penbih.ba/clanovi/tanja-stupar-trifunovic/
  2. ↑ Международный фестиваль поэзии в Боснии (ռուս.)
  3. ↑ Финская писательница получила литературную премию ЕС Արխիվացված 2017-04-27 Wayback Machine (ռուս.)

Գրականություն

[խմբագրել | խմբագրել կոդը]
  • Тања Ступар Трифуновић: Сатови у мајчиној соби, Завод за уџбенике и наставна средства, Источно Сарајево, 2014.