Տիհոմիր Ստանիչ

Տիհոմիր Ստանիչ
Ծնվել է	նոյեմբերի 17, 1960(1960-11-17)[1] (64 տարեկան)
Ծննդավայր	Šeškovci, Լակտաշի (համայնք), Սերբական Հանրապետություն, Բոսնիա և Հերցեգովինա, ՀՍՖՀ
Քաղաքացիություն	Սերբիա,  Սերբիա և Չեռնոգորիա և  ՀՍՖՀ
Մասնագիտություն	դերասան, պրոդյուսեր, հեռուստատեսային դերասան և սցենարիստ
Աշխատավայր	Atelje 212?

Տիհոմիր Ստանիչ (սերբերեն` Tihomir Stanić, նոյեմբերի 17, 1960(1960-11-17)^[1], Šeškovci, Լակտաշի (համայնք), Սերբական Հանրապետություն, Բոսնիա և Հերցեգովինա, ՀՍՖՀ), թատրոնի, կինոյի, հեռուստատեսության սերբ դերասան^[2] և կինոպրոդյուսեր։ Ստեղծագործական իր գործունեությունն սկսելով 1981 թվականին՝ թատրոնում արդեն մարմնավորել է հարյուրից ավելի կերպար, նկարահանվել է 80-ից ավելի ֆիլմերում։

Կենսագրություն

Ծնվել է Շեշկովցի քաղաքում, մանկությունն ու պատանեկությունն անցկացրել Կոզարսկա Դուբիցայում, որտեղ հայրն աշխատում էր որպես ուսուցիչ^[3]։ Դպրոցն ավարտելուց հետո ընդունվել է Նովի Սադ քաղաքի դրամատիկական արվեստների ակադեմիան, ուսանել պրոֆեսոր Դեյան Միյաչի դասարանում։

Սկզբնական շրջանում խաղացել է Նովի Սադի սերբական ազգային թատրոնում, 1887 թվականից անդամագրվել Բելգրադի Atelje 212 թատերախմբին։ Բացի այդ, հանդես գալով «Նովի Սադ» և «Բելգրադ» հեռուստաալիքների դրամատիկական ծրագրերում՝ մարմնավորել է Սերբիայի պատմության ու գրականության բազմաթիվ նշանավոր դեմքերի (Դոսիտեյ Օբրադովիչ, Սավա Մրկալ, Բրանկո Ռադիչևիչ, Միլոշ Ցրնյանսկի, Ստևեն Սրեմեց, Իվո Անդրիչ, արքա Ալեքսանդր Օբրենովիչ...):

1998-2000 և 2005-2007 թվականներին ղեկավարել է Սերբական Հանրապետության մայրաքաղաքի՝ Բանյա Լուկայի ազգային թատրոնը։ Հիմնադրել է «Բալկանֆիլմ» և «Դրինա-ֆիլմ» պրոդյուսերական ընկերությունները, որոնցից առաջինի կենտրոնական գրասենյակը Սերբական Հանրապետությունում է, երկրորդինը՝ Բելգրադում, և 2007 թվականից գեղարվեստական կինոնկարների արտադրություն է կազմակերպում։

Ընտրյալ ֆիլմագրություն

Կինո

Տարին	Վերնագիրը	Դերը	Նշումներ
2018	Երբեք չավարտվող անցյալ
2014	Փոքրիկ Բուդդոն	Կրեստո
2012	Doktor Rej i đavoli	Իվիցա
2011	Zlatna levica, priča o Radivoju Koraću	Իվո Անդրիչ
	Թշնամին
2008	Շրջագայություն	Ստանիսլավ

Հեռուստատեսություն

Տարին	Վերնագիրը	Դերը	Նշումներ
2021	Ալեքսանդր Հարավսլավացի	Մեհմեդ Սպահո
1995	Օբրենովիչների արքայատոհմի վախճանը	Ալեքսանդր Օբրենովիչ արքա
1987−1988	Վուկ Կարաջիչ (հեռուստասերիալ)	Յովան Պոպովիչ

Ծանոթագրություններ

1. ČSFD (չեխերեն) — 2001.
2. «Puls - Tihomir Stanić». www.pulsonline.rs. Արխիվացված է օրիգինալից 2012 թ․ նոյեմբերի 2-ին.
3. «Пресинг: Република Српска: Првих 20 година (16,40 мин)» (ср). Радио-телевизија Републике Српске. 16. 1. 2012. Վերցված է 17. 1. 2012-ին.

Արտաքին հղումներ

• Տիհոմիր Ստանիչ Internet Movie Database կայքում