Ցանցակիր կրկնապատկված
| Ցանցակիր կրկնապատկված | ||||||
|---|---|---|---|---|---|---|
 | ||||||
| Գիտական դասակարգում | ||||||
|
||||||
| Լատիներեն անվանում | ||||||
| Dictyophora duplicata
|
Ցանցակիր կրկնապատկված (լատին․՝ Dictyophora duplicata), Phallaceae ընտանիքին պատկանող սունկ։ Գրանցված է Հայաստանի Կարմիր գրքում։
Նկարագրություն
[խմբագրել | խմբագրել կոդը]Սուր տհաճ հոտով ուտելի սունկ է։ 4-5 սմ տրամագծով, սպիտակ, դեղնավուն, հետո՝ բաց շագանակագույն, երիտասարդ փակ պտղամարմինները գնդաձև կամ ձվաձև են, երբեմն՝ գլանաձև, հարթ, հիմքում սպիտակ միցելիումով։ 3-5 սմ բարձրությամբ գլխարկը կոնաձև է, մուգ կանաչ, ձիթապտղագույն և լորձնային գլեբայով։ Գլխարկի տակից թափվում է սպիտակ, զանգակաձև ցանց։ 10-17 x 2-3 սմ երկարությամբ գլանաձև ոտիկից կազմված ռեցեպտակուլը կեղտոտ սպիտակ գույնի է, սնամեջ, հիմքային մասում պատված սպիտակավուն կամ բաց շականակագույն պատյանով (վոլվա)։ Սպորափոշին սպիտակավուն է։ Անգույն, էլիպսաձև, հարթ սպորները 3,5-4,5 x 1,2-2 մկմ են[1]։
Տարածվածություն
[խմբագրել | խմբագրել կոդը]Ընդհանուր արեալը ընգրկում է Եվրոպան, Ասիան, Հյուսիսային Ամերիկան, Հարավային Կովկասը (Հայաստան)։ Հայաստանում հանդիպում է հազվադեպ, եզակի առանձնյակներով։ Հայտնաբերված է Իջևանի ֆլորիստիկական շրջանում՝ «Դիլիջան» ազգային պարկ, Պապանինոյի շրջակայք[1]։
Էկոլոգիա
[խմբագրել | խմբագրել կոդը]Հանդիպում է 1400-1600 մ բարձրություններում, հողի վրա, լայնատերև անտառում, սեպտեմբեր ամսին։ Հումուսային սապրոտրոֆ է։ Օգտագործվում է ժողովրդական բժշկության մեջ[1]։
Պահպանություն
[խմբագրել | խմբագրել կոդը]Հայաստանում պահպանվում է «Դիլիջան» ազգային պարկի համապատասխան էկոհամակարգերի կազմում[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիպահեստն ունի նյութեր, որոնք վերաբերում են «Ցանցակիր կրկնապատկված» հոդվածին։ |
| ||||||
