Քաան Ուրգանջըօղլուն ծնվել է 1981 թվականի մայիսի 8-ին Իզմիրում[4]։ Սովորել է թուրքական տարրական մասնավոր դպրոցում։ Ավագ դպրոց հաճախել է Իզմիրի ամերիկյան քոլեջը[5]։ Ավարտելով ավագ դպրոցը՝ 2000 թվականին տեղափոխվել է Ստամբուլ և սովորել Մարմարա համալսարանի կապիտալ շուկայի և ֆոնդային բորսաների բաժնում[5]։ Քաան Ուրգանջըօղլուն սկսել է սովորել դերասան գործ դեռևս համալսարանական տարիներին[6]։ Դերասանական կրթությունը խանգարել է նրան ժամանակին ավարտել համալսարանը, այդ իսկ պատճառով նա բարձրագույն կրթությունը ավարտել է միայն 7 տարի անց[6]։ 2002 թվականին, երբ սովորում էր համալսարանում, իր դերասանական առաջին քայլերը իրականացրել է Դեմեթ Աքբաղի օգնությամբ, ով ընտանիքի ընկերն էր[6]։ Իր առաջին գլխավոր դերը Քաան Ուրգանջըօղլուն ստացել է «Քարաօղլան» հեռուստասերիալում, որը ցուցադրվել է թուրքական Kanal D հեռուստաընկերության եթերում[6]։ 2008 թվականին մեկնել է Ամերիկայի Միացյալ Նահանգներ, որտեղ չորս ամիս սովորել է դերասանական արվեստ[6]։ Ներկայումս նկարահանվում է թուրքական Սև սեր հեռուստասերիալում, որը ցուցադրվում է Star TV-ով։ Նրա խաղընկերներն են Բուրակ Օզչիվիտը և Նեսլիհան Աթագյուլը։