Ֆեռնանդո Ատցորի

Ֆեռնանդո Ատցորի
Անձնական տեղեկություն
Սեռ՝	արական
Բնօրինակ անուն՝	իտալ.՝ Fernando Atzori
Մասնագիտացում՝	բռնցքամարտիկ
Երկիր՝	Իտալիա
Ծննդյան ամսաթիվ՝	հունիսի 1, 1942(1942-06-01)
Ծննդավայր՝	Ալես, Իտալիա
Մահվան ամսաթիվ՝	նոյեմբերի 9, 2020(2020-11-09)[1] (78 տարեկան)
Մահվան վայր՝	Ֆլորենցիա, Իտալիա
Հասակ՝	158 սանտիմետր
Քաշ՝	51 կիլոգրամ
Պարգևներ և

Ֆեռնանդո Ատցորի (իտալ.՝ Fernando Atzori, հունիսի 1, 1942(1942-06-01), Ալես, Իտալիա - նոյեմբերի 9, 2020(2020-11-09)^[1], Ֆլորենցիա, Իտալիա), թեթև քաշային կարգում հանդես եկող իտալացի բռնցքամարտիկ, որը 1960-ական թվականներին հանդես է եկել Իտալիայի բռնցքամարտի հավաքականում։ Տոկիոյում անցկացվող ամառային Օլիմպիական խաղերի հաղթող, ազգային մրցանակաբաշխությունների բազմակի հաղթող և մրցանակակիր։ Իտալիայի հավաքականում իր կարիերան ավարտելուց հետո՝ 1965-1975 թվականներին հաջող հանդես է եկել պրոֆեսիոնալ աստիճանակարգում, որից հետո վաստակել է Եվրոպայի չեմպիոնի գոտին։

Կենսագրություն

Ֆեռնանդո Ատցորին ծնվել է 1942 թվականի հունիսի 1-ին Սարդինիա կղզում Ալես քաղաքում։ Նրա առաջին հաջողությունը եղել է 1963 թվականին, երբ վերջինս գրավել է Իտալիայի չեմպիոնի տիտղոսը։ Մեկ տարի անց նա կրկնել է այդ հաջողությունը և ազգային մրցույթներում տոնած հաջողությունների շնորհիվ, նրան հաջողվել է ներկայացնել Իտալիան 1964 թվականին անցկացվող Տոկիոյի ամառային օլիմպիական խաղերում։ Այնտեղ նա հաղթել է իր բոլոր հակառակորդներին՝ արժանանալով օլիմպիական ոսկի մեդալի։

Հետագայում նա որոշել է հեռանալ հավաքականից և դառնալ պրոֆեսիոնալ մակարդակի բռնցքամարտիկ։ Նա իր ամբողջ սիրողական գործունեության ընթացքում ունեցել է 43 մենամարտ, որից 37-ը ավարտվել է հաղթանակով, երեքը՝ պարտությամբ, իսկ ևս երեքը՝ ոչ ոքիով։

1965 թվականին Ֆեռնանդոն դարձել է պրոֆեսիոնալ բռնցքամարտիկ, որից հետո 17 հաղթանակների շարք է սկսվել նրա գործունեությունում։ 1967 թվականին նա հաղթել է Եվրոպայի չեմպիոնի գոտին, որը հետագայում հաղթել է 9 անգամ։ 1972 թվականին Ֆեռնանդոն կորցրել է իր տիտղոսը, իսկ մեկ տարի անց վերականգնել է այն։ Այդ իրադարձություններից հետո նա հանդես է եկել փոփոխական հաջողություններով։ 1975 թվականին, ի վերջո, թողել է բռնցքամարտը։ Պրոֆեսիոնալ ռինգում Ատցորին անցկացրել է 52 մենամարտ, որից 44-ը հաղթել է (13-ը նոկաուտով), 6-ը պարտվել է (2-ը նոկաուտով) և երկու անգամ մարտը վերջացրել է ոչ ոքիով։

Ծանոթագրություններ

1. Muore a Firenze Fernando Atzori, il sardo medaglia d'oro alle Olimpiadi di Tokyo

Աղբյուրներ

• Ֆերնանդո Ատցորի – օլիմպիական վիճակագրությունը Sports-Reference.com կայքում (անգլ.)
• Ֆեռնանդո Ատցորի(անգլ.) — պրոֆեսիոնալ մենամարտերի վիճակագրություն BoxRec կայքում։

Վիքիպահեստն ունի նյութեր, որոնք վերաբերում են «Ֆեռնանդո Ատցորի» հոդվածին։