Ղուրնիա

Ղուրնիա
Ղուրնիա
	Ղուրնիա
	Γουρνιά
Երկիր	Յունաստան
Շրջան	Կրետէ
Հիմնադրուած է՝	Ք․Ա․1550-1450

Ղուրնիա (յուն․՝Γουρνιά), կը հնչուի Ղուրնիա՛․ Մինոասեան քաղաքակրթութեան պալատական համալիր եւ Ք․Ա․ 2-րդ հազարամեակի Կրետէին կարեւոր քաղաքներէն (Քնոսոսէն, Ֆեսթոսէն, Զաքրոսէն, Մալիայէն ետք)։ Կը գտնուի Կրետէին արեւելեան ծայրամասը՝ Երափեթրա քաղաքապետութիւն, Լասիթի մարզ։

Տեղեկութիւններ

Ղուրնիային հնաբանական պեղումները սկսած են Ի․ դարասկիզբին։ Յայտնաբերումները կը վկայեն թէ եղած է Մինոասեան քաղաքակրթութեան պալատ։ Հնադարեան պալատական համալիրը լաւ վիճակի մէջ պահպանուած ըլլալով, անոր տրուած է «Մինոասեան Կրետէին Բոմբէյը»։

Յայտնաբերումներ

Պալատական համալիրին աւերակներուն հետ միասին, յայտնաբերուած են նաեւ ծիսական իրեր, ինչպէս նաեւ անօթներ, հնոցներ եւ եփելու վայրեր։

Պատմութիւն

Առաջին անգամ բնակուած է Վաղ Մինոասեան Գ․ ժամանակաշրջանին՝ Ք․Ա․2300-ին։ Բնակիչներուն գլխաւոր զբաղումները եղած են ձկնորսութիւնը, հողագործութիւնը, անասնապահութիւնն եւ կաւագործութիւնը։

Պալատական համալիրը կառուցուած է Միջին Մինոասեան ժամանակաշրջանին։ Բնակավայրին հետ կործանուած է, ինչպէս բոլոր մնացեալ մինոասեան քաղաքները, մօտաւորապէս Ք․Ա․ 1450-ին։ Բնակավայրը վերջնականապէս կը լքուի Ք․Ա․1200-ին։