Աշնակ
| Գիւղ | |
|---|---|
| Աշնակ | |
 Աշնակ գիւղ | |
| Երկիր | Հայաստան, |
| Շրջան | Թալին, Արագածոտն |
| ԲԾՄ | 1420 մ |
| Պաշտօնական լեզու | հայերէն |
| Բնակչութիւն | 1031 մարդ (2011)[1] |
| Ժամային գօտի | UTC+4։00 |
| Պաշտօնական կայքէջ | archive.is/2015060303412… |
Աշնակ գիւղ․ (Թալին, Արագածոտն, Հայաստան)։ Կոչուած է նաեւ Աշնակալ կամ Էշնակ։ Կը գտնուի ծովի մակերեսէն 1420 մ․ բարձրութեան վրայ։
Տեղեկութիւններ
[Խմբագրել | Խմբագրել աղբիւրը]Աշնակ պատկանած է Կամսարական նախարարական ընտանիքին եւ աւելի ետք՝ Թ․ դարուն, երբ Կամսարականները կը տկարանան, Բագրատուներուն կը վաճառուի։ Սելճուքներուն արշաւանքներուն ընթացքին, գիւղաւանը կը կործանուի։
Խաղողագործութեան եւ գինեգործութեան կեդրոն
[Խմբագրել | Խմբագրել աղբիւրը]Աշնակը եղած է նաեւ խաղողագործութեան եւ գինեգործութեան կեդրոններէն մէկը։ Գիւղին հիւսիսային կողմէն 3-4 քմ դէպի հարաւ երկարող քարէ հին ցանկապատերով բաժնուած հողատարածքները այդ կը փաստեն։ Անոնց եզրերուն պահպանուած են հարիւրաւոր հնձաններու աւերակներ։ Անոնց մեծ մասն ունի քառանկիւն յատակագիծ։
Արշակունեաց ամառանոց
[Խմբագրել | Խմբագրել աղբիւրը]Աշնակ Ե․ դարուն եղած է մեծ բնակավայր եւ Արշակունի թագաւորներուն ամառանոցը։
Պատմամշակութային յուշարձաններ
[Խմբագրել | Խմբագրել աղբիւրը]1894-ին Ռուսական կայսերական հնաբանական ընկերութեան կողմէն Քարլ Դունբերգ (Կերչի հնաբանական թանգարանի տնօրէն) Աշնակի շրջանին մէջ կատարած է պեղումներ։ Անոր օգնած է Մեսրոպ վրդ․ Տէր Մովսէսեան։ Յայտնաբերուած իրերէն մաս մը այժմ կը պահուի Էրմիթաժի արեւելագիտական բաժնին մէջ։
Չորս ամրոցներ
[Խմբագրել | Խմբագրել աղբիւրը]
Գիւղի շրջակայքը գտնուող 4 ամրոցները կը հաստատեն անոր արքայական ձմեռանոց-զօրակայան ըլլալու փաստը։
- Առաջին ամրոցը կը գտնուի գիւղին կեդրոնը։ Անոր տարածքին մեծ մասը ծածկուած է քանդուած բնակելի տուներու աւերակներով (Ք․Ա․ 1-ին դար)։
- Երկրորդ ամրոցը (Ք․Ա․2րդ - Ք․Ա․1ին հազարամեակ) կը գտնուի գիւղէն 3 քլ․ հարաւ-արեւելք։ Պահպանուած են անոր պարիսպները։
- Երրորդ ամրոցը (վաղ միջնադար) կը գտնուի գիւղին արեւելեան մասին։ Անոր հիմնապատերը պահպանուած են։
Սուրբ Աստուածածին եկեղեցի - Չորրորդ ամրոցին (վաղ միջնադար) մինչեւ 1 մ․ բարձրութեամբ պատերը պահպանուած են։ Յայտնաբերումները կը վկայեն թէ Աշնակ Թ․ դարուն եղած է վարչական եւ տնտեսական կարեւոր կեդրոն։
Սուրբ Աստուածածին եկեղեցի
[Խմբագրել | Խմբագրել աղբիւրը]Սուրբ Աստուածածին եկեղեցին Ե․ դարուն կառուցուած է։ Յուշարձանը ունեցած է շինարարական երեք շրջան՝ Ե․ դար, Բագրատունեանց ժամանակաշրջան եւ 1988-ի Սպիտակի երկրաշարժէն ետք։
Սուրբ Գրիգոր Լուսաւորիչ մատուռ
[Խմբագրել | Խմբագրել աղբիւրը]Գիւղին մէջ կը գտնուի Ս․ Գրիգոր Լուսաւորիչ մատուռը։
Երկրորդ Համաշխարհային Պատերազմի զոհերու յուշարձան
[Խմբագրել | Խմբագրել աղբիւրը]Աշնակին մէջ կը գտնուի Երկրորդ Համաշխարհային Պատերազմին ընթացքին զոհուածներու յուշարձան։
Գէորգ Չաւուշի տուն-թանգարան
[Խմբագրել | Խմբագրել աղբիւրը]Գէորգ Չաւուշի անուան տուն-թանգարանը կը գտնուի Աշնակ գիւղին մէջ։