Զենոբ Գլակ

Զենոբ Գլակ
Ծնած է 300[1]
Ծննդավայր Կեսարիա, Կապադովկիա
Մահացած է 350[1]
Քաղաքացիութիւն  Մեծ Հայք
Մասնագիտութիւն հոգեւորական, պատմաբան
Վարած պաշտօններ Վանահայր

Զենոբ Գլակ նաեւ Զենոբ Գլակ Ասորի, Զենոբ Ասորի (300[1], Կեսարիա, Կապադովկիա - 350[1]), Դ. դարու ասորի եկեղեցական գործիչ եւ պատմիչ, Տարօնի եպիսկոպոս, Մշոյ Սուլթան Ս. Կարապետի վանքին վանահայրը եւ Ս. Գրիգոր Լուսաւորիչի աշակերտներէն: Գրած է «Պատմութիւն Տարօնոյ» գիրքին առաջին մասը:

Կենսագրութիւն

[Խմբագրել | Խմբագրել աղբիւրը]

Զենոբ Գլակ Կապադովկիոյ Կեսարիա քաղաքէն Մեծ Հայք եկած է Գրիգոր Լուսաւորիչին հետ[2], եղած է անոր աշակերտներէն մէկը[3], ձեռնադրուած է Մամիկոնեաններու նախարարութեան տիրոյթ Տարօնի եպիսկոպոս եւ նշանակուած՝ Մշոյ Սուլթան Ս. Կարապետի վանքին վանահայր, եւ իր անունով ալ հետագային վանքը կոչուած է Գլակայ վանք [2][3][4]։

Պատմութիւն Տարօնոյ

[Խմբագրել | Խմբագրել աղբիւրը]

Զենոբ Գլակ «Պատմութիւն Տարօնոյ» գիրքը գրած է Գրիգոր Լուսաւորիչի յանձնարարութեամբ, ասորերէն կամ յունարէն: Այդ պատմութիւնը Է. դարուն հայերէնի թարգմանած եւ իր պատմութեան կցած է Յովհան Մամիկոնեան: Այդ պատճառով ալ ուսումնասիրողները (Գ. Խալաթեան եւ ուրիշներ) Զենոբ Գլակը համարած են Է. դարու պատմիչ: Ան իր գործին մէջ կը պատմէ Հայաստանի մէջ քրիստոնէութեան տարածման, հեթանոսական մեհեաններու կործանման եւ քրիստոնէական եկեղեցիներու հիմնադրման մասին: Իբրեւ ականատես` Զենոբ Գլակ մանրամասն նկարագրած է Տարօնի քրմապետ Արձանին եւ անոր որդիին՝ Դեմետրին յամառ կռիւները Գրիգոր Լուսաւորիչին ու անոր սատարող ուժերուն դէմ[5]:

Ծանօթագրութիւններ

[Խմբագրել | Խմբագրել աղբիւրը]
  1. ↑ 1,0 1,1 1,2 1,3 1,4 Միջազգային նույնականացման վիրտուալ նիշք — [Dublin, Ohio]: OCLC, 2003.
  2. ↑ 2,0 2,1 «Քրիստոնեայ Հայաստան Հանրագիտարան», էջ 353
  3. ↑ 3,0 3,1 «Հայոց անձնանունների բառարան», Հրաչեայ Աճառեան, Հատոր 2, Ցուցակ 1, Էջ 205
  4. ↑ Պատմական Մեծ Դէմքեր
  5. ↑ Զենոբ Գլակ