Իւան Ղալամեան

Իւան Ղալամեան
Ծնած է 23 Յունուար 1903(1903-01-23)[1]
Ծննդավայր Թաւրիզ, Իրան[2]
Մահացած է 14 Ապրիլ 1981(1981-04-14)[1] (78 տարեկանին)
Մահուան վայր Նիւ Եորք, Նիւ Եորք, Ամերիկայի Միացեալ Նահանգներ[2]
Քաղաքացիութիւն  Իրան և  Ամերիկայի Միացեալ Նահանգներ
Ազգութիւն Հայ[3]
Ուսումնավայր Ռուսաստանի թատերական արուեստի համալսարան
Տեսակ դասական երաժշտութիւն
Մասնագիտութիւն ջութակահար և երաժշտութեան ուսուցիչ
Աշխատավայր Conservatoire Rachmaninoff?, Քերտիսի անվան երաժշտական ինստիտուտ? և Ճուլիարտ Վարժարան[3]
Անդամութիւն Երաժշտության թագավորական ակադեմիա?

Իւան Ղալամեան (23 Յունուար 1903(1903-01-23)[1], Թաւրիզ, Իրան[2] - 14 Ապրիլ 1981(1981-04-14)[1], Նիւ Եորք, Նիւ Եորք, Ամերիկայի Միացեալ Նահանգներ[2]), իրանահայ ջութակահար։

Կենսագրական գիծեր

[Խմբագրել | Խմբագրել աղբիւրը]

Ծնած է Թաւրիզ։ Ան մանուկ հասակին իր ծնողներուն հետ տեղափոխուած է Մոսկուա, ուր փոքր տարիքէն սկսած է ջութակ նուագել։

Աւարտելէ ետք ֆիլհարմոնիք ընկերութեան ուսումնարանը, ընդունուած է աշխատելու «Պոլշոյ» Մեծ Թատրոնի նուագախումբին հետ, նուագելով առաջին ջութակներուն խումբին մէջ։ 1924-ին Ֆրանսա մեկնած է, ուր շարունակած է ուսումը Փարիզի «Էքոլ Նորմալ տը Միւզիք» դպրոցին մէջ եւ աւարտելով այս դպրոցը սկսած է զբաղիլ մանկավարժութեամբ։

1939-ին Ղալամեան անցած է Ամերիկա, ուր եւ դասաւանդած է։ 1944-էն ետք փրոֆէսօրի պաշտօնով ջութակ դասաւանդած է Նիւ Եորքի Ճուլիարտ երաժշտական դպրոցին մէջ, ապա՝ նաեւ ֆիլատելֆիոյ Քուրթիսի անուան հիմնարկի մէջ։ 1957-ին շնորհուած է արուեստագիտութեան դոկտորի աստիճան։

Ղալամեանի անունը մեծ համբաւ ունի Ի. դարու ջութակահարներու համաշխարհային պատմութեան մէջ[4]։

Ղալամեանի հեղինակած գիրքերը

[Խմբագրել | Խմբագրել աղբիւրը]

Ղալաման հեղինակ է երկու հիմնարար մեթոտական գիրքերու՝ «Ջութակի նուագի եւ դասաւանդման սկզբունքները» եւ «Ժամանակակից ջութակի թեքնիքը»

  • Galamian I. Principles of Violin Playing and Teaching. Dover Publications, Inc., Mineola, New York 2013, Ivan Galamian, A Biographical Sketch, © by Stephanie Chase, 108 p.
  • Galamian I., Neumann F. Contemporary Violin Technique Volume 2, Double and Multiple Stops in Scale and Arpeggio Exercises. Boston: Galaxy Music Corporation, 1977, 41 p.
  • Galamian I., Neumann F. Contemporary Violin Technique Volume 1, Scales and Arpeggio Exercises with Bowing and Rhythm Patterns. New York: Schirmer, 1963, Part 1, 75 p, Part two, 40 p.

Ծանօթագրութիւններ

[Խմբագրել | Խմբագրել աղբիւրը]
  1. ↑ 1,0 1,1 1,2 1,3 1,4 Encyclopædia Britannica
  2. ↑ 2,0 2,1 2,2 2,3 2,4 2,5 Deutsche Nationalbibliothek Record #130239437 // Gemeinsame Normdatei — 2012—2016.
  3. ↑ 3,0 3,1 Հայկական սովետական հանրագիտարան / խմբ. Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 2000.
  4. ↑ « էջ մը հայ երաժշտութենէն`»։ www.archivioradiovaticana.va։ արտագրուած է՝ 2023-07-10 
Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։