Մուխա (ծննդեան եւ մահուան թուականները անյայտ), Մոլտովայի Հիւսիսը եւ Արեւմտեան Ուքրանիոյ Մոլտովական «Բոյարներ»ներուն, Լեհ եւ Ուքրանական «Շլիախտա»յի դէմ 1490-1492-ին գիւղացիական ապստամբութեան ղեկավարին մականունը (իսկական մականունը անյայտ է)։ 1490-ին, 9-10 հազար ապստամբներ Մուխայի գլխաւորութեամբ ուղղուեցան Գալիչ, Լվով, բայց Ռոգատին քաղաքին մօտ պարտութեան մատնուեցան։ 1491-ին ապստամբները Անտրէյ Պորուլեանի գլխաւորութեամբ (որոշ տուեալներով այդ անունով գործած է նաեւ Մուխան), հասան մինչեւ Գալիչ, բայց շուտով ջախջախուեցան, իսկ անոնց ղեկավարը գերի բռնուեցաւ եւ մահապատիժի ենթարկուեցաւ (1491)։ Յետագային (1492) հակաֆէոտալական շարժումը գլխաւորեց ուրիշ անձ մը, որ ինքն իրեն դարձեալ կոչեց Մուխա։
Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։ 
|
