Պոպ Աւեան | |
---|---|
Ծնած է | 26 Դեկտեմբեր 1937[1][1] |
Ծննդավայր | Նիւ Եորք, Նիւ Եորք, Ամերիկայի Միացեալ Նահանգներ[2] |
Մահացած է | 21 Յունուար 2021[1] (83 տարեկանին) |
Մահուան վայր | Ֆորթ Լոտըրտէյլ, Ֆլորիտա, Ամերիկայի Միացեալ Նահանգներ |
Քաղաքացիութիւն | Ամերիկայի Միացեալ Նահանգներ |
Մասնագիտութիւն | պարուսոյց, թատերական ռեժիսոր |
Ռոպերթ Աւետիսեան (26 Դեկտեմբեր 1937[1][1], Նիւ Եորք, Նիւ Եորք, Ամերիկայի Միացեալ Նահանգներ[2] - 21 Յունուար 2021[1], Ֆորթ Լոտըրտէյլ, Ֆլորիտա, Ամերիկայի Միացեալ Նահանգներ), ճանչցուած իբր Պոպ Աւեան, Ամերիկացի պարուսոյց եւ թատերական արտադրիչ ու բեմադրիչ[3]։
Ծնած Նիւ Եորքի մէջ հայ ընտանիքի մը[4], Աւեան անցուց իր վաղ ասպարէզը բաժնելով իր ժամանակը պարելով կարգ մը Պրոտուէյ թատերական ներկայացումներու մէջ (ինչպէս՝ West Side Story, Funny Girl, եւ Henry, Sweet Henry), ինչպէս նաեւ աշխատելով իբր արտադրման օգնական I Do! I Do! եւ Twigs-ի նման ծրագիրներու վրայ: Ան առաջին անգամ ծանօթացաւ Մայքըլ Պէնըթի երբ երկուքը ներկայ էին Եւրոպական West Side Story ներկայացման շրջագայման 1959 թուականին: Յաջորդող 20 տարիներուն, երկուքը միասնաբար աշխատեցան շատ մը ներկայացումներու վրայ, ինչպէս Promises, Promises, Coco, Company, Follies, Seesaw, God's Favorite, A Chorus Line, Ballroom, եւ Dreamgirls (Աւեանի առաջին ներկայացումը իբր գլխաւոր արտադրիչ): Յաւելեալ Պրոտուէյի ներկայացումներ որոնք ինքը պատրաստած է կը ներառեն՝ Putting It Together, Nowhere to Go But Up եւ 2006 թուականի տարբերակը A Chorus Line ներկայացման, որ ինք իսկ բեմադրեց:
Լոնտոնի Ուէսթ Էնտի մէջ, Աւեան բեմադրեց պարերը հետեւեալ ներկայացումներուն՝ Follies, Martin Guerre, The Witches of Eastwick, Miss Saigon, եւ Sunset Boulevard: Ան նաեւ բեմադրեց Hey, Mr. Producer! ներկայացումը, Քամէրըն Մաքինթոշի նուիրուած:
Աւեան ամուսնացած էր Փիթըր Փիլէսքիին հետ, եւ ունէր քոյր մը՝ Լորա Նապետեան:[5]
Աւեան մահացաւ սրտի կաթուածի մը պատճառաւ 21 Յունուար, 2021 թուականին:[3]