Փեթալյի

Կղզեխումբ
Փեթալյի
Πεταλιοί
Փեթալյի կղզեխումբը
Երկիր	Յունաստան, Էվոյիքոս ծոց

Փեթալյի, դիրքը

Փեթալյի (յուն․՝ Πεταλιοί)․ Էվոյիքոս ծոցի անբնակ կղզեխումբ, Յունաստան։

Ընդհանուր տեղեկութիւններ

Փեթալյի կղզեխումբը կը գտնուի Էվոյիքոս ծոցին հարաւային մասը։ Քարիստոս քաղաքապետութեան մաս կը կազմէ։ Տարածութիւնն է 22,5 քլ․²։ Մինչեւ Ի․ դարու վերջերը կղզեխումբին երկու մեծ կղզիները՝ Մեղալոնիսոս եւ Հերսոնիսի, կը բնակուէին։ Մնացեալ կղզիակներն են՝ Աւղօ, Լամպերուսա, Լուլուտի, Մաքրոնիսի, Փոնտիքոնիսօ, Փրասօ, Թրաղոնիսի եւ Ֆունտի։

1830-ին Յունաստանի կառավարութիւնը իբրեւ երախտագիտութիւն Ռուսիոյ ունեցած դրական ներդրումին յունական ապստամբութեան ընթացքին, Փեթալյի կղզեխումբը կը նուիրէ Ռուսիոյ ցար Նիքոլաոս Ա․-ին։ Անոր յաջորդը՝ ցար Ալեքսանտր Բ․, 1867-ին կղզեխումբը կը նուիրէ Օլկա Գոստանդինովա քրոջորդիին, երբ ան կ՛ ամուսանայ Յունաստանի Եորղոս Ա․ թագաւորին։ Վերջինս 1915-ին կղզին կը նուիրէ Էմպիրիքոս նաւատէրերու ընտանիքին։ Յաջորդող տարիներու ընթացքին, կղզեխումբի կղզիակներ մաս առ մաս կը ծախուին, ինչպէս օրինակ Փապլօ Փիքասոյին եւ Դաւիթ ընտանիքին։ Անոր ջուրերուն լողացած են աշխարհածանօթ անձնաւորութիւններ՝ Մարիա Քալաս, Ուինսթըն Չորչիլ, Ռուտոլֆ Նուրեյեֆ, Կրեթա Կարպօ, եւայլն։

Փեթալյի կղզեխումբը բաղկացնող կղզիակները

Կղզիի անուն	Տարածութիւն (քլ․²)	Բարձրագոյն կէտ	նկար
Մաքրոնիսի (Մաքրի)
Աւղօ
Լամպերուսա	00,332
Ֆունտի	00,128
Փրասօ
Թրաղոնիսի	00,268
Հերսոնիսի	03,833	186
Ποντικόνησο
Մեղալոնիսոս	17,2	370
Λουλούδι (Λουλούδα)

^{[1] [2] [3] [4] [5] [6] [7] [8]}

Ծանօթագրութիւններ

1. Փեթալյի, 2008(յունարէն)
2. «Դաւիթ ընտանիքը գնեց Փեթալյի կղզեխումբը, 13-1-2016(յունարէն)»։ արխիւացուած է բնօրինակէն-էն՝ 2022-02-01-ին։ արտագրուած է՝ 2022-04-17 
3. Էվիայի անծանօթ դրախտավայրը, 13-6-2021, Էլիսապէթ(յունարէն)
4. «Փեթալյի»։ արխիւացուած է բնօրինակէն-էն՝ 2022-09-28-ին։ արտագրուած է՝ 2022-04-17 
5. Փեթալյի․Էվիայի հմայիչ ծթվափները, 12-7-2020(յունարէն)
6. Էմպիրիքոս ընտանիքը կը կորսնցնէ Փեթալյի, 5-3-2020(յունարէն)
7. Փեթալյի․ սեփականատէր կը փոխեն՝ Փալոմա Փիքասոյէն՝ Դաւիթ ընտանիք, 12-10-2016, Մարիա Լեմոնիա(յունարէն)
8. Փեթալյի․ սեփականատիրութեան դատական որոշումին կը սպասուի(յունարէն)