| Emendamento de Bricker |
|---|
| instantia de: proposed constitutional amendment[*], amendment to the United States Constitution[*] |
|
|
Le Emendamento de Bricker es le nomine collective de un serie de cambios proponite al Constitution del Statos Unite de America que esseva considerate per le Senato del SUA durante le annos 1950. Iste cambios haberea limitate le extension e ratification de tractatos e accordos executive que le SUA facerea. Illos esseva nominate per John W. Bricker de Ohio, Republicano conservative, qui los proponeva.
Le isolationismo, le idea que le Statos Unite non debe participar in conflictos de altere paises e in le politica mundial, sempre ha essite un elemento del politica american, ma illo esseva specialmente forte durante le annos sequente le Prime Guerra Mundial. Le entrata american in le Secunde Guerra Mundial supprimeva le opiniones isolationistic, ma illos retornava durante le annos post le guerra como responsa al nove rolo international del SUA, specialmente al nove Nationes Unite e su organisationes international filial. Alcunos timeva le perdita del soveranitate american a iste organisationes transnational, a causa del rolo del Union Sovietic in le diffusion del communismo international e in le Guerra Frigide.
Iste articulo se basa in un traduction del equivalente in Wikipedia in Interlingue/Occidental.