Plano quinquennal

Francatura postal effigiante un plano de investimento quinquennal (de 1951 a 1955) in le Republica Popular Romanian.

Le plano quinquennal (in russo: пятилетка, pjatiletka, quinquennio) es un strategia de planification social que comprehende un periodo de quinque annos, cuje objectivo es coordinar e dirigir le progresso economic e politic de un stato o de un organisation. Le concepto es generalmente associate con systemas de planification centralisate, ubi le stato assume un rolo clave in determinar le direction del economia e le allocation de ressurces, como le regimes socialiste e/o communiste. Durante le quinquennio on identifica prioritates, definisce metas, e implementa politicas pro realisar un vision de crescentia collective a longe termino. Le prime implementation de planos quinquennal eveni a partir de 1928 in le Union Sovietic de Iosif Stalin.