Entikong
Entikong nya sebengkah pelilih menua (kecamatan) lalu mega sebuah kampung pentadbiran (desa) dalam pelilih menua nya ba Kabupaten Sanggau, Provinsi Kalimantan Barat, Indonesia. Iya nyadi palan garis entara menua besai entara Kalimantan Barat enggau negeri Sarawak. Palan pemeresa ba sepiak garis entara menua Malaysia nya dikumbai palan pemeresa imigresyen, kastam, kuarantin enggau pengelikun Tebedu.
Sejarah
[edit | edit bunsu]Pelilih Entikong ditumbuhka kena 17 Jun 1996, pengudah pelilih asal Sekayam dibagi ngagai dua pelilih mit iya nya Sekayam enggau Entikong, nitihka Peraturan Perintah Indonesia Lumur 39 taun 1996.
Geografi
[edit | edit bunsu]Pelilih Menua Entikong ke bepalan ba bukit ke nyadi garis entara menua Indonesia-Malaysia ba bagi menua utara Kabupaten Sanggau. Ba timur laut meraka garis entara menua iya nya Bagi Menua Serian Sarawak, timur selatan iya nya pelilih menua Sekayam, selatan pelilih menua Beduai, barat pelilih menua Air Besar di Kabupaten Landak enggau barat laut iya nya pelilih menua Jagoi Babang di Kabupaten Bengkayang.
Perengka pengangkut
[edit | edit bunsu]Entikong ngembuan jalai alun ti nyambung Pontianak, indu nengeri provinsi Kalimantan Barat 250 km ngagai barat daya, nengah jalai meraka garis entara menua tama ngagai Sarawak nuju Kuching, indu nengeri Sarawak. Kuching 100 km ke utara ari garis entara menua. Mayuh servis bas penyauh ti nyambung Pontianak enggau mengeri di Sarawak ngena jalai garis entara menua Entikong.
Garis entara menua
[edit | edit bunsu]Palan pemeresa garis entara menua Entikong (Pos Lintas Batas Negara) bisi ba selatan garis entara menua Malaysia-Indonesia ba kampung Entikong. Palan pemeresa ba sepiak Malaysia iya nya palan pemeresa Tebedu di Bagi Menua Serian, Sarawak.
Nya nyadi garis entara menua darat keterubah entara Indonesia enggau Malaysia dibuka kena 1 Oktober 1989.[1]
Palan pemeresa nya baru dikemanah enggau ungkus 152 bilion rupiah nyadi sebagi ari program ngangkatmanah palan pemeresa nengah garis entara menua enggau kandang endur garis entara menua di serata menua Indonesia ti dipunka Presiden Indonesia Joko Widodo. Maya nemuai ngagai Entikong, Jokowi kala ngenang pasal gaya iya kelebih agi enti dibandingka enggau gaya sereta perengka guna ke bisi ba palan pemeresa Malaysia di Tebedu.[2] Palan pemeresa baru ti bepalan ba tanah pemesai 8 hektar nya udah dipenyadika Jokowi kena 21 Disember 2016.[3][4]
Jam operasyen palan pemeresa nya entara pukul 5.00 pagi ngagai pukul 5.00 lemai (6.00 pagi ngagai 6.00 lemai Jam Standard Malaysia). Diberitaka nyentuk 1,000 iku mensia mayuh nengah garis entara menua di Entikong ninting hari.[5]
Peda mega
[edit | edit bunsu]Malin
[edit | edit bunsu]- ↑ "Pertama Kali, PLBN Entikong Gelar Upacara HUT RI ke-73 (For the first time, the Entikong border crossing hosts 73rd Indonesian Independence Day Celebrations)" (in Indonesia). Kompas. 2018-08-17. Retrieved 2019-07-12.
- ↑ "Border areas should be source of pride: Jokowi" (in Inggeris). Jakarta Post. 2016-03-23. Retrieved 2019-07-12.
- ↑ "President Jokowi Inaugurates New Entikong Border Post" (in Inggeris). Cabinet Secretariat Republic of Indonesia. 2016-12-21. Retrieved 2019-07-12.
- ↑ "Jokowi Resmikan PLBN Entikong (Jokowi Inaugurates Entikong Border Post)" (in Indonesia). Kompas. 2016-12-21. Retrieved 2019-07-12.
- ↑ "Pergerakan Pelintas Batas di PLBN Entikong Mencapai 700 hingga 1.000 Orang (Movements at the Entikong border crossing between 700 and 1,000 people)" (in Indonesia). Tribunnew.com. 2018-08-17. Retrieved 2019-07-12.