Milan Bandić
Milan Bandić esset un politico de Croatia. Il nascet li 22-im de novembre 1955 in li village Donji Mamići quel apartene al municipie Grude (hodie: Bosnia e Herzegovina) e morit li 28-im de februar 2021 in Zagreb. Milan Bandić esset desde li 15-im de may 2005 denov borgomastro de Zagreb, ma desde li 19-im de octobre 2014 Bandić es arestat pro li suspection de coruption. Li 28-im de marte 2015 il fundat li political partise Milan Bandić 365 - Partise de labore e solidaritá benque il es ancor in li prison.
Personal e professional vive
[modificar | redacter fonte]Milan Bandić nascet in li Herzegovina, ma translocat a Zagreb in li annu 1974. Il studiat political scientie al universitá de Zagreb. Pos su graduation il fat su obligatori militari servicie in li Yugoslav Popul Armé. Pos to il laborat por li gelate-firma Ledo.
Til annu 1996 il esset maritat con Vesna Bandić, ma li cuple ancor convive e have un comun filia Ana-Marija.
Political cariera
[modificar | redacter fonte]Milan Bandić esset membre del Liga del Comunistes de Croatia durant li témpor del Socialist Federativ Republica Yugoslavia. Il laborat in li municipe-comité del Liga del Comunistes de Croatia del municipie Pešćenica quam professional politcal laborero.
- 1990 Bandić devenit membre del reformat comunist partise Socialdemocratic Partise de Croatia.
- 1993 Il devenit partise-secretario del Socialdemocratic Partise de Croatia.
- 2000-2002 Bandić esset borgomastro de Zagreb inter li 5-im may 2000 e li 21-im januar 2002. Bandić devet abandonar li oficie del borgomastro pro que il hat causat un trafic-accidente in alkoholisat statu e provat subcomprar un policist.
- 2005 Bandić esset reelectet quam borgomastro li 15-im de may 2005 e restat in ti position til hodie.
- 2009 Bandić candidat quam índependent candidate por li oficie del presidente de Croatia. In li unesim rond li 27-im de decembre 2009 il recivet 14,83 percentes e qualificat quam candidate con li duesim max mult votes contra Ivo Josipović in li duesim rond. Pro ti candidatura anc contra li oficial candidate del Socialdemocratic Partise de Croatia Ivo Josipović il esset expulset ex li Socialdemocratic Partise de Croatia.
- 2010 Milan Bandić perdit li 10-im de januar 2010 in li duesim rond del election presidential contra li oficial candidate del Socialdemocratic Partise de Croatia Ivo Josipović con 39,74 percentes.
- 2014 li 19-im de octobre 2014 Bandić es arestat pro li suspection de coruption, ma resta borgomastro de Zagreb.
- 2015 Bandić fundat li 28-im de marte 2015 il fundat li political partise Milan Bandić 365 - Partise de labore e solidaritá benque il es ancor in li prison.
- 2021 Milan Bandić morit li 28-im de februar 2021 in Zagreb in li etá de 65 annus.