Li Union Mundal por Interlingua (in: Interlingua: Union Mundial pro Interlingua, anc UMI) es li organisation international del planlingue Interlingua. It esset fundat li 28-im de julí 1955 in Tours (Francia) durant li unesim conferentie international de Interlingua.
Por li fundation del Union Mundal por Interlingua Ric Berger ludet un important rol.
Desde li annu 2006 li organisation es oficialmen registrat in Francia.
Li direction del UMI es li Consilio Exective (Consilie executiv), quel es electet chascun quar annus. Li "Consilio Executive" have inter altri un presidente e un secretario general. In li annu 2013 li Consilio Executive havet quin membres. Li politica general del organisation es determinat del "Consilio General" (Consilie general). In li annu 2013 li "Consilio General" havet 14 membres. In li octobre 2022 li UMI changeat su statute e introductet un Consilie de Administration quel have inter quin e nin membres.
Li 2-im de novembre 2022 li Assemblé General electet quin six membres in li Consilie de Administration.
Li ex-presidente de UMI Alix Mahé-Potet (Francia) nu li sol membre in li Comission Electoral.
Li UMI publica li magazin Panorama de Interlingua e organisa li conferenties international de Interlingua.