Baybay Natuna
| Baybay Natuna | |
|---|---|
 Ti Baybay Natuna a mangpalikmut iti probinsia ti Is-isla Riau. | |
  Baybay Natuna | |
| Nagsasabtan | 1°N 107°E / 1°N 107°ENagsasabtan: 1°N 107°E / 1°N 107°E |
| Kita | Baybay |
| Patubo a nagan | Indones: Laut Natuna |
| Pagpagilian ti labneng | Indonesia |
Ti Baybay Natuna (Indones: Laut Natuna) ket ti maysa a dakkel nga ababaw a babay a mabirukan iti likmut ti Is-isla Natuna a gumay-at iti abagatan ti Purpuro Lingga ken Tambelan iti probinsia ti Is-isla Riau, iti ad-adayo nga abagatan ti Is-isla Bangka Belitung, Indonesia.[1] Kaaduan iti baybay ket mabirukan iti kaunegan ti danum a teritorio ti Indonesia, ken no maipapan iti heolohia daytoy ket parte ti Samang Sunda. Daytoy a baybay ket beddenganna ti Baybay Abagatan Tsina iti amianan ken amianan a daya, ti Lingsat Karimata iti abagatan a daya, ken ti Lingsat ti Singapur iti laud.[2][3]
Iti dati, daytoy a parte ti baybay ket naikeddeng a kas parte ti Baybay Abagatan a Tsina. Nupay kasta, idi 1986 ti Gunglo ti Internasional a Hidrograpiko (IHO) ket opsila a binigbigna ti Baybay Natuna, a gumay-at iti abagatan manipud iti Is-isla ti Natuna ken Anambas aginggana iti Is-isla Belitung.[4][1]
Sakup
[urnosen | urnosen ti taudan]Dagiti kawar ti is-isla Anambas ken Natuna ket nagpartuat iti arko a mangikapet iti akin-abagatan a daya nga ungto iti peninsula ti Malayo aginggana iti akinlaud nga ungto ti Borneo. Daytoy ket agpartuat itiakin-amianan a pagbeddengan ti Baybay Natuna. Bayat nga iti abagatan, ti abagatan a daya nga aplaya ti Sumatra, ti Is-isla Lingga,Is-isla Bangka ken Belitung ket mangpartuat iti akin-abagatan a pagbeddengan ken ti sabanganna iti Lingsat Karimata ken Baybay Java.
Heograpia
[urnosen | urnosen ti taudan]Kas met iti Baybay Abagatan a Tsina, ti Baybay Natuna ket pingir a parte ti Pasipiko. Aglaon ti Baybay Natuna kadagiti nadumaduma a purpuro a mairaman dagiti sumaganad:
- Is-isla Natuna iti Rehensia ti Natuna
- Purpuro ti Kalatakan a Natuna iti Rehensia ti Natuna
- Purpuro ti Abagatan a Natuna iti Rehensia ti Natuna
- Purpuro Anambas iti Rehensia ti Is-isla Anambas
- Purpuro Lingga iti Rehensia ti Lingga
- Purpuro Tambelan iti Rehensia ti Bintan
- Purpuro Riau
Amin dagitoy a purpuro ket inadministro iti kaunegan ti probinsia ti Is-isla Riau.
Amianan a Baybay Natuna
[urnosen | urnosen ti taudan]
Idi Hulio 2017, baniliwan ti nagan ti Indonesia dagiti akin-amianan a sakup iti bukodna a sona ti eksklusibo nga ekonomiko iti Baybay Abagatan a Tsina a kas ti "Baybay Amianan a Natuna", a mabirukan iti amianan ti Is-isla Natuna ti Indonesia, a mangbeddeng iti akin-abagatan a sona ti ekslusibo nga ekonomiko ti Bietnam.[5] Mabirukan ti Amianan a Baybay Natuna iti pagbaetan ti Is-isla Natuna ken Rawis Cà Mau iti akin-abagatan nga ungto ti Delta ti Mekong iti Bietnam.
Dagiti nagibasaran
[urnosen | urnosen ti taudan]- ^ a b "Limits of Ocean and Seas" (PDF). Gunglo ti Internasional a Hidrograpiko. p. 108-109. Naiyarkibo manipud iti kasisigud (PDF) idi 2018-04-30. Naala idi 2018-09-25.
- ^ Natuna Sea and Sarawak Basin
- ^ "Natuna Sea". The Diplomat.
- ^ "Indonesia Renames Its Portion of the S. China Sea". The Maritime Executive. 14 Hulio 2017.
- ^ Tom Allard; Bernadette Christina Munthe (14 Hulio 2017). "Asserting sovereignty, Indonesia renames part of South China Sea". Reuters.
