Cochlospermum fraseri
| Cochlospermum fraseri | |
|---|---|
| |
LC (TPWCA)
| |
Taksonomia 
| |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Eudicotidae |
| Klado: | Rosids |
| Urnos: | Malvales |
| Pamilia: | Bixaceae |
| Henero: | Cochlospermum |
| Sebbangan: | C. fraseri
|
| Dua a nagan | |
| Cochlospermum fraseri | |
| |
| Datos ti kaadda manipud iti AVH | |
| Kapada a nagan[1] | |
| |
Ti Cochlospermum fraseri ket ti kayo iti pamilia ti Bixaceae kadagiti kadawyan a nagan iti Ingles iti cotton tree, kapok bush, and kapok tree.[2] Daytoy ket patneng iti amianan akinlaud nga Australia (iti Akinlaud nga Australia[3] aken ti Akin-amianan a Teritorio[4]).
Taksonomia
[urnosen | urnosen ti taudan]Impalawag daytoy a sebbangan babaen ni Pranses a botaniko Jules Émile Planchon idi 1847 manipud iti Isla Melville iti amianan a pantar ti Australia.[5] Adda dagiti sua a mabigbigan a subsebbangan: ti subsebbangan ti fraseri, kangrunaan a mabirukan manipud iti Katherine aginggana iti Isla Melville, ket addaan kadagiti nalamuyot a bulong ken 2 mm a katiddog a braktea, ken ti subsebbangan ti heteronemum, manipud iti Katherine iti laud aginggana iti Karayan Ord, ket addaan kadagiti napino a dutdot a bulong ken 40–58 mm a katiddog a braktea.[4]
Deskripsion
[urnosen | urnosen ti taudan]Ti Cochlospermum fraseri ket ti maysa a matnag-bulong[3] a kayo wenno bassit a mula a mabalin nga agtubo iti katayag aginggana iti 7 m.[4] Daytoy ket agsabong manipud iti Abril aginggana iti Oktubre[4] (Marso aginggana iti Agosto[3]), dagiti inploressensia ket terminal iti panikula.[4] Ti sabong ket asimetriko, agraman kadagiti lima a sepalo kadagiti dua a balikuskos, ken dagiti dua nga akinruar a sepalo ket basbassit ngem dagiti tallo nga akin-uneg.[6] Daytoy ket addaan kadagiti adu a bilang dagiti estambre.[4] Agparang dagiti sabong no ti kayo ket awanen dagiti bulong.[7] Daytoy ket agbunga manipud iti Hunio aginggana iti Marso, ken dagiti bunga ket natarikayo a kapsula nga agraman kadagiti 3 aginggana iti 5 a balbula.[4] Ti bukel ket palikmutan babaen ti nalamuyot, kasla kapas a linabag,[8] a makaited iti kadawyan a naganna iti kayo ti kapok.
Pannakaiwarwaras ken habitat
[urnosen | urnosen ti taudan]Mabirukan daytoy kadagiti biorehion ti Tengnga a Kimberley, Dampierland, Gulf Fall and Uplands, Akin-amianan a Kimberley, Ord Victoria Plain, Pine Creek, Victoria Bonaparte iti Akin-amianan a Teritorio.,[4] ken dagiti biorehion ti Tengnga a Kimberley, Dampierland, Great Sandy Desert, Akin-amianan a Kimberley, Ord Victoria Plain, Victoria Bonaparte iti Akinlaud a Australia.[3]
Ti Cochlospermum fraseri ket agtubo iti nawaya a kakaykayuan ti eucalyptus kadagiti nadumaduma a kita ti daga, mairaman dagiti darat, dagiti nabisel a daga, ken dagiti nakaro a nasekka a daga.[4]
Dagiti usar
[urnosen | urnosen ti taudan]Dagiti indehenio a tattao iti akin-amianan nga Australia ket kankanenda dagiti sabong, naata wenno maluto, ken dagiti ramut ti ubing a mulmula.[7] Usarenda pay dagiti kapas manipud iti bukel akas dekorasion iti bagi.
Daytoy ket maysa a "kalendario" a mul ati tattao a Jawoyn: mangibaga ti panagsabongna no agit-itlog dagiti buaya ti nasadiwa a danum, no agbunga panawenen ti panagurnongda.[8]
Dagiti ladawan
[urnosen | urnosen ti taudan]
Dagiti nagibasaran
[urnosen | urnosen ti taudan]- ^ The Plant List: A Working List of All Plant Species, naala idi 3 Abril 2016
- ^ Atlas of Living Australia, naiyarkibo manipud iti kasisigud idi 2016-04-18, naala idi 2020-04-27
- ^ a b c d FloraBase, naala idi 3 Abril 2016
- ^ a b c d e f g h i 2018. NTflora factsheet: Cochlospermum fraseri. Naala idi 27 Mayo 2018.
- ^ Planchon, Jules Émile (1847). "Sur la nouvelle famille des Cochlospermées". London Journal of Botany (iti Pranses). 6: 307.
- ^ Kerrigan, R.A. & Dixon, D.J. 2011. NTflora 'Flora of the Darwin Region, Vol 1, Bixaceae Naala idi 27 Mayo 2018.
- ^ a b Brock, John (2001) [1988]. Native plants of northern Australia. Frenchs Forest, New South Wales: New Holland Press. p. 124. ISBN 978-1-876334-67-3.
- ^ a b Moore, P. 2005. A Guide to Plants of Inland Australia (p. 376), Reed New Holland, Sydney Australia, ISBN 9781876334864
Dagiti akinruar a silpo
[urnosen | urnosen ti taudan]
Dagiti midia a mainaig iti Cochlospermum fraseri iti Wikimedia Commons