Dagiti pagsasao ti Malaysia
Dagiti indihenio a pagsasao ti Malaysia ket tagikua dagiti pamilia ti Mon-Khmer ken Malayo-Polinesio. Ti nailian, wenno opisial, a pagsasao ket Malayo ken isu ti patneng a dila iti kaaduan a grupo ti etniko ti Malayo. Dagiti nangruna a grupo ti etniko iti kaunegan ti Malaysia ket buklen dagiti Malayo, Insik ken dagiti Indiano, ken adda met dagiti adu a grupo ti etniko a mangirepresenta kadagiti basbassit a bilang, nga iti tunggal maysa ket addaan iti bukodna a pagsasao. Dagiti kadakkelan a patneng a pagsasao a naisasao idiay Daya a Malaysia ket dagiti pagsasao ti Iban, Dusuniko, ken ti Kadazan. Adu a maawatan ti Ingles kadagiti industria ti serbisio ken kammasapulan a suheto iti umuna ken sekondario a pagadalan. Daytoy pay ti nangruna a pagsasao a naisasao kadagiti kaaduan a pribado a kolehio ken dagiti unibersidad. Ti Ingles ket mabalin a maiyuna iti Malayo kadagiti kadagiti dadduma nga opisial a konteksto a kas ited babaen ti Tignay ti Nailian a Pagsasao, a naipangpangruna kadagiti estado ti Sabah ken Sarawak, nga idiay ket mabalin nga opisial a pagobraan a pagsasao.
Ti Malaysia ket addaan kadagiti agsasao kadagiti 137 a sibibiag a pagsasao,[1] ken 41 kadagitoy ket mabirukan iti Peninsula ti Malaysia.[2]
Dagiti nagibasaran
[urnosen | urnosen ti taudan]- ^ "Ethnologue report for Malaysia". Ethnologue.com. Naala idi 18 Oktubre 2010.
- ^ "Ethnologue report for Malaysia (Peninsular)". Ethnologue.com. Naala idi 18 Oktubre 2010.
 | Daytoy nga artikulo a mainaig iti pagsasao ket pungol. Makatulongka iti Wikipedia babaen ti panagnayon iti daytoy. |