Pagsasao a Nung (Tai)

Saan nga iyallilaw iti Pagsasao a Nung (Sino-Tibetano).

Nùng
Patubo iti	Bietnam
Etnisidad	Nung
Patubo a mangisasao	968,800 (senso idi 2009)[1]
Pamilia	Kra–Dai Tai Tengnga a Tai Nùng
Kodkodigo ti pagsasao
ISO 639-3	nut
Glottolog	nung1283

Ti pagsasao a Nùng ket ti pagsasao a Kra–Dai a kaaduan a naisasao kadagiti probinsia ti Cao Bằng ken Lạng Sơn iti Bietnam. Daytoy ket ammo pay a kas Bu-Nong, Tangkig a Nung, Nong, Tai Nung, Tay, ken Tày Nùng. Ti Nung ket ti isu met laeng a nagan a naited kadagiti nadumaduma a sasao a Tai iti akin-amianan a Bietnam nga insasao babaen dagiti tattao a naidasig a kas Nùng babaen ti gobierno ti Bietnam.

Kadagiti senso idi 1999, daytoy ket addaan iti agarup a 856,000 nga agsasao. Daytoy ket addaan iti agarup a 968,800 nga agsasao kadagiti senso idi 2009.

Dagiti karuay

Aglaon ti Nung kadagiti nadumaduma a karuay, adda kadagitoy ket nailista dita baba.^[2][3]

• Ti Nùng Phạn Slinh (Nohng Fạn Slihng) ken naisasao iti akindaya a Probinsia ti Lạng Sơn. Daytoy ket insasao babaen ti agarup a 100,000 a tattao (Freiberger 1976a). Ti Freiberger (1976a) ket naibatay iti Nùng Phạn Slinh kas insasao babaen dagiti refugee manipud iti Probinsia ti Bắc Giang nga immakar idiay Probinsia ti Lâm Đồng idi 1954 (ammo idi a kas Probinsia ti Tuyên Đức, a buklen ti Đà Lạt, Distrito ti Đơn Dương, Distrito ti Đức Trọng, Distrito ti Lạc Dương^[4]). Ireporta pay ni Freiberger (1976) a dagiti refugee a Nùng Phạn Slinh iti Probinsia ti Biên Hòa ken Probinsia ti Long Khánh, a dagiti dati nga administratibo a pannakabingbingay iti Abagatan a Bietnam.
• Ti Nùng Cháo ket naisasao iti likmut ti Siudad ti Lạng Sơn. Daytoy ket kapada ti Lungchow ni William J. Gedney.
• Ti Nùng Inh ket naisasao idia akinlaud a Probinsia ti Lạng Sơn. Daytoy ket kapada ti Akinlaud a Nung ni William J. Gedney iti Mường Khương, Probinsia ti Lào Cai.
• Ti Nùng An ket naisasao iti ken iti likmut ti Quảng Uyên, Distrito ti Quảng Hòa, Cao Bằng. Kas kapada dagiti agsasao iti Long'an (隆安) ti Guangxi, daytoy ket addaan iti laok dagitilanga ti Akin-amianan ken Tengnga a Tai.
• Ti Nùng Giang ket naisasao idiay Distrito ti Hà Quảng, Cao Bằng. Naisasao pay iti ballasiw ti pagbeddengan iti Pingmeng (平孟镇), Kondado ti Jingxi, Guangxi, nga idiay ket ammo a kas Yang Zhuang.

Ti Nùng Vên (En), ti maysa pagsasao a dati a saan a mailasin manipud kadagiti kaarruba a dialekto ti Tengnga a Tai (Nùng), ket naduktalan a kas pagsasao a Kra babaen da Hoàng Văn Ma ken Jerold A. Edmondson idi 1998. Dagiti mangisasao ket naidasigda a kas Nùng babaen ti gobierno ti Bietnam.

Dagiti nagibasaran

1. Nùng iti Ethnologue (Maika-18 nga ed., 2015)
2. Edmondson, Jerold A., Solnit, David B. (eds). 1997. Comparative Kadai: the Tai branch. Summer Institute of Linguistics and the University of Texas at Arlington Publications in Linguistics 124. Dallas: Summer Institute of Linguistics and the University of Texas at Arlington.
3. "Archive copy". Naiyarkibo manipud iti kasisigud idi 2012-02-07. Naala idi 2018-10-09.
4. "Archive copy". Naiyarkibo manipud iti kasisigud idi 2020-02-19. Naala idi 2018-10-09.

• Freiberger, Nancy; Vy Thị Bé (1976a). Sẹc mạhn Slứ Nohng Fạn Slihng: Ngữ vựng Nùng Phạn Slinh (Nung Fan Slihng Vocabulary). Series 64 E72. Summer Institute of Linguistics (Viện Chuyên Khảo Ngữ Học).
• Freiberger, Nancy (1976b). Thòi củ cưhn Nohng Fạn Slihng: Phong tục tập quán của người Nùng Phạn Slinh (Culture and Folklore of the Nung Fan Slihng). Series 64 E16. Summer Institute of Linguistics (Viện Chuyên Khảo Ngữ Học), Mainland Southeast Asia Branch.
• Vy Thị Bé; Janice E. Saul; Nancy Freiberger Wilson (1982). Nung Fan Slihng – English Dictionary. Manila: Summer Institute of Linguistics (Viện Chuyên Khảo Ngữ Học).

Kitaen pay

• Pagsasao a Nong Zhuang