| Asuri | |
|---|---|
| Patubo iti | India |
| Etnisidad | Asur |
Patubo a mangisasao | 7,000 (2007)[1] |
Austroasiatiko
| |
| Kodkodigo ti pagsasao | |
| ISO 639-3 | asr |
| Glottolog | asur1254 |
| ELP | Asuri |
Ti pagsasao nga Asur wenno Asuri ket ti maysa a pagsasao nga Austroasiatiko nga insasao babaen dagiti tattao nga Asur, a parte ti sanga a Munda.[2] Ti Asuri ket addaan kadagiti adu a binulod a balikas iti Dravidiano gapu iti pannakaiyasidegna iti Kurukh.[3]
Kaaduan kadagiti agsasao iti Asuri ket agtataengda idiay distrito ti Gulma ti Chota Nagpur. Iti pay maipatinayon, adda pay dagiti bassit a grupo ti agsasao iti Asuri idiay Chhattisgarh, Laud a Bengal, ken Odisha.[4]
Ibagbaga ti Ethnologue a ti Birjia ket maysa a dialekto ti Asuri, ngem adda pay maysa a kabagian a pagsasao iti Birjia; daytoy ket saan a nalawag no dagitoy ket mangibagbaga iti isu met laeng a banag. Nupay kasta, ni Anderson (2008:195), a naibatay iti Prasad (1961:314), ket isingasingna a ti Birjia (Binjhia) ket mabalin a maysa a pagsasao nga Indo-Aryano, uray no ti Birjia ket etniko a subgrupo ti tribu ti Asuri, a maikuyog iti maitutop nga Asur ken ti Agariya.
Saan a naidasig ti Majhwar, ngem gapu iti pakabirukan ken dagiti ebidensia, daytoy ket mabalin a maysa a dialekto ti Asuri. No kasta, dagiti 35,000 a mangisasao (naireporta idi 1995, manipud iti maysa a grupo ti etniko iti 175,000) ket mangaramid daytoy iti kaaduan a porma iti Asuri.
Naikeddeng ti Asuri a kas naisagmak a pagsasao.[5] Ti maysa a nagruna a rason iti pakaidumaanna akas naisagmak a pagsasao ket gapu ti kaawan iti ania man a naisurat a porma ti pagsasao. Daytoy ket adda laeng a kas naisasao a pagsasao.[6] Adda dagiti 31 a dagup dagiti ponema iti Asuri, a buklen dagiti dua pulo ket innem a "segmental" ken lima a "supra-segmental" ponema.[7] Of the former, there are twenty-one consonants and five vowels.[8]
Ilista ti Ethnologue dagiti sumaganad a distrito ken dagiti estado a nakaisasaoan ti Asuri.