Rhodolaena coriacea | |
---|---|
Taksonomia | |
Pagarian: | Plantae |
Klado: | Tracheophytes |
Klado: | Angiospermae |
Klado: | Eudicotidae |
Klado: | Rosids |
Urnos: | Malvales |
Pamilia: | Sarcolaenaceae |
Henero: | Rhodolaena |
Sebbangan: | R. coriacea
|
Dua a nagan | |
Rhodolaena coriacea |
Ti Rhodolaena coriacea ket ti kayo iti pamilia ti Sarcolaenaceae. Daytoy ket endemiko iti Madagascar. Ti espesipiko nga epiteta iti coriacea ket manipud iti Latin a ti kayatna a sawen ket "nalalat", a mangibagbaga kadagiti bulong.
Agtubo ti Rhodolaena coriacea kas maysa a kayo manipud iti 5 aginggana iti 25 metro (20 iti 80 ft) iti katayag. Dagiti dakkel a nalalat a bulongna ket eliptiko iti sukog ken agrukod aginggana iti 14.5 sentimetro (6 in) iti kaatiddog.[3] Dagiti inploressensia ket addaan iti maysa wenno dua a sabong iti atiddog a pedunkulo. Dagiti saggaysa a sabong ket dakkel nga addaan kadagiti lima a sepalo ken dagiti lima a purpura a petalo, nga agrukod aginggana iti 5 cm (2 in) iti kaatiddog. Dagiti bunga ket kalalainganna ti kadakkel ken natarikayo, nga addaan iti nalasag nga involucre. Ti ket naibagbaga a kankanen dagiti lemur, a mangpalaka daytoy iti pannakaiwarasna.[4]
Mabirukan laeng ti Rhodolaena coriacea kadagiti akindaya a rehion ti Sava, Vatovavy-Fitovinany, Alaotra-Mangoro ken Analanjirofo.[2] Ti habitatna ket dagiti aplaya a kankanayon a berde a bakir manipud iti 20 aginggana iti 1,700 metro (100 iti 5,600 ft) iti kangato.[4]
Maipangta ti Rhodolaena coriacea babaen ti panaggundaway iti kayona ken dagiti pangta manipud iti populasion dagiti lemur. Ti sumaganad a pannakaipabassit ti populasion ti kayo gapu ti pannakaawan iti habitat ket maipadto iti 50% to 80%, ngem adda met dagiti sumagmamano a populasion a naikeddeng a natalged kadagiti nasalakniban a lugar. Dagiti pangta manipud kadagiti lemur ket makaapekto met iti panagpaadu ti kayo gapu iti papelda a mangiwaras kadagiti bukel.[4]
Ti kayona ket maus-usar iti konstruksio. Ti nakaro a panagpukan kadagitikayo ket pangta iti daytoy ken dagiti sabali a sebbangan ti kayo. Gapu ti panagbalbaliw dagiti tabas ti agrikultura, ti nakaro a panagpukan dagiti kayo ket nakaro iti ruar dagiti nasalakniban a lugar.[1]