Rhodolaena humblotii | |
---|---|
Taksonomia | |
Pagarian: | Plantae |
Klado: | Tracheophytes |
Klado: | Angiospermae |
Klado: | Eudicotidae |
Klado: | Rosids |
Urnos: | Malvales |
Pamilia: | Sarcolaenaceae |
Henero: | Rhodolaena |
Sebbangan: | R. humblotii
|
Dua a nagan | |
Rhodolaena humblotii |
Ti Rhodolaena humblotii ket ti mula iti pamilia ti Sarcolaenaceae. Daytoy ket endemiko iti Madagascar.
Agtubo ti Rhodolaena humblotii kas bassit a mula wenno bassit aginggana iti kalalainganna iti kadakkel a kayo. Dagiti ungkay ket addaan kadagiti napuskol a dutdot. Dagiti bulong ket bassit ken eliptiko iti sukog. Dagiti inploressensia ket addaan kadagiti dua a sabong iti ababa a pendukulo. Dagiti saggaysa a sabong ket dakkel nga addaan kadagiti lima a sepalo ken dagiti lina a derosas-nalabbasit a petalo, nga agrukod aginggana iti 5 sentimetro (2 in) iti kaatiddog. Dagiti bunga ket kalalainganna iti kadakkel ken natarikayo.[3]
Mabirukan laeng ti Rhodolaena humblotii kadagiti akindaya a rehion ti Vatovavy-Fitovinany, Alaotra-Mangoro, Analanjirofo ken Atsinanana.[2] Ti habitatna ket dagiti kankanayon a berde ken nadam-eg a bakir manipud iti 20 metro (100 ft) aginggana iti 1,200 m (4,000 ft) iti kangato.[3]
Maipangta ti Rhodolaena humblotii babaen ti panaggundaway iti kayona. Ti kayona ket maus-usar iti konstruksion. Ti masakbayan a pannakaipabassit ti populasion ti kayo gapu ti pannakaawan iti habitat ket maipadto iti 50% to 80%, ngem adda met dagiti subpopulasion kadagiti nasalakniban a lugar a naikeddeng a natalinaay.[1][3]