"7 Seconds" (en Ido: "sep sekundi") esas kansono de 1994 kantita da Youssou N'Dour e Neneh Cherry. La kansono kompozesis da N'Dour, Cherry, Cameron McVey e Jonathan Sharp.
Ol editesis kom disketo ye 16ma mayo 1994. Ol esis tre sucesoza, ed atingis numero un en la rangi en multa landi. Ol anke ganis la premio di "maxim bona kansono" che la MTV Europe Music Awards di 1994. La kansono esas trilingua, nam N'Dour kantas en tri lingui: Franca, Angla e la west-afrikana linguo Wolof. Omna instrumenti pleesis ed aranjesis dal sueda muziko-produktisto Christian Falk.
La titulo dil kansono koncernas l'unesma instanti dil vivo di infanto, dum ke lu ne savas pri la problemi e violento en la mondo. Segun Cherry:
"7 Seconds parolas pri l'unesma sep pozitiva sekundi en la vivo di jus-naskinta infanto, qua ne ja savas pri la problemi e violento en nia mondo."
La video-flimo por "7 Seconds" cinematografesis per "nigra e blanka" e direktesis da Stéphane Sednaoui.