Amikumu (Esperanto por «esez kun amiki») esas plur-sistemal' aplikajo por smartfoni (Android ed iOS) per qua on povas trovar e kontaktigar proxima linguoparolanti, exemple altra Idisti. L'aplikajo funcionas per du manieri. Onu povas trovar proxima linguoparolanti per listo o per mapo.[1][2] L'aplikajo publikigesis ye aprilo 2017.[3]
L'Android-aplikajo esas programifata per Java, l'iOS-aplikajo per Swift e la servilo per Ruby on Rails.[1]
Amikumu apertis pekuniokolekto ye Kickstarter ye la 18ma di oktobro 2016 dal Esperantisti Chuck Smith e Richard Delamore. Plu kam 3000 euroi esis kolektita ye la komencanta 10 hori pos la komenco di la pekuniokolekto. La skopo di la pekuniokolekto esas 8500 euroi.[3] La skopo esis atingita pos 27 hori.[4] La kampanio duros til la 16ma di novembro 2016.[3] L'Ido-Fonduro donacis 12 000 Suediana krona-i ad Amikumu.[5]
La bazala funcioni dil aplikajo esas gratuita. Onu povas divenar orala membro por aquirar plusa funcioni.[3]
Ta artiklo esas klada. Se tu konocas la temo dil artiklo, tu povas helpar ni plugrandiganta ol. |