Gyokuro (玉露、ぎょくろ、 gyokuro o "roso juvelala") esas subtila verda teo de Japonia. Olua aromo esas dolca, delikata e kelke herbatra. La nomo Gyokuro relatas la pala verda koloro di la infuzuro.
Kelka tempo ante la rekolto, la te-planti esas kovrita per kurteni por produktar kelka ombro. Pro to la rapideso di kresko dil te-folii plulentigeskas, kafeino augmentas e la folii divenas poke plu obskura kam ta dil maxim multa verda tei. Gyokuro esas konsiderata kom la maxim alta klaso di teo disponebla en Japonia ed ol esas sat chera e ne tre facile disponebla. La majoritato di ca premiala teo esas kultivata en Uji (Japonia).
Pro sua subtileso Gyokuro infuzesas ye basa temperaturo di cirkume 60°C dum 60 sekundi.
Matcha (抹茶、まっちゃ）, qua esas uzata en la Japoniana te-ceremonio (chanoyu), esas produktata per muelar Gyokuro aden tre delikata pulvero. Pose ol esas mixita kun aquo per quirlilo.