Tradukuro di la Biblo da Joseph Smith

Tradukuro di la Biblo publikigita dal Mormoni.

La Tradukuro di la Biblo da Joseph Smith anke nomizita l'inspirata Versiono di la Biblo, esis tradukuro revizita di la Biblo facita da Joseph Smith, Jr., fondinto dil Movado di Lasta-Dia Santi. Smith judikis ca tradukuro "fako de lua laboro" kom profeto. Smith mortigesis ante ke lu judikis la tradukuro kompleta, tamen la maxim multa laboro facesis preske un yardeko ante.

La bazo di lua tradukuro di la Biblo esis la nomizita King James Version, kun kelka revizi e suplementi. Ol judikesas kom sakra texto, ed esas parto de la kanono di la Komunitato di Kristo, de la Riorganizita Eklezio di Iesu Kristo di Lasta-Dia Santi, ed altra eklezii de la Movado di Lasta-Dia Santi. Parti ek la tradukuro da Joseph Smith ank inkluzesis en la pagino-noti e suplementi de Mormona edituro di la King James Version, tamen Mormona Eklezio oficale kanonizis nur kelka extrakturi qui aparas en lua Perlo di Granda Preco.

	Sakra libri por Mormonismo:
Biblo · Tradukuro di la Biblo da Joseph Smith · Libro di Mormon · Doktrino e Konvencioni · Perlo di Granda Preco