Eplasnigill

Eplasnigill
Pomacea bridgesii í fiskabúri
Ástand stofns
Ekki í útrýmingarhættu (IUCN) [1]
Vísindaleg flokkun
Ríki: Dýraríki (Animalia) Fylking: Lindýr (Mollusca) Flokkur: Sniglar (Gastropoda) Yfirætt: Ampullarioidea Ætt: Eplasniglar (Ampullariidae) Ættkvísl: Pomacea Undirættkvísl: Pomacea Tegund: P. bridgesii
Tvínefni
Pomacea bridgesii (Reeve, 1856)
Samheiti
Ampullaria bridgesii Reeve, 1856 Pomacea bridgesi (Reeve, 1856) Pomacea bridgesii bridgesii Ampullarius australis

Sjá einnig: Pomacea diffusa, áður skráður sem Pomacea bridgesii.^[2]

Eplasnigill (fræðiheiti: Pomacea bridgesii^[3]) er suðuramerísk tegund af ferskvatnssniglum með tálkn og skeljaloku.

Flokkun

Pomacea diffusa var áður talin undirtegund af Pomacea bridgesii, og hafði nafnið Pomacea bridgesii diffusa, meðan Pomacea bridgesii var skráð sem Pomacea bridgesii bridgesii. Erfðagreining hefur hinsvegar sýnt að um er að ræða tvær aðskildar tegundir.

Gamla flokkunin

• Pomacea bridgesii bridgesii (Reeve, 1856)
• Pomacea bridgesii diffusa (Blume, 1957)

Líffræði

Eplasniglar eru með frekar þróuð augu á enda augnstilka. Þeir klekjast með bæði lungu og tálkn. Einnig eru þeir með rör til að anda að sér lofti.^[4] Þeir fara oft á yfirborðið til að anda.^[5] Þeir hafa einnig sérhæfða loku fyrir opið sem ver þá á þurrkatímabilum.

Skelin getur orðið 65 mm há eða hærri sem er allnokkuð meira en hjá Pomacea diffusa sem hefur 40-50 mm breiða og 45-64 mm há skel.

Útbreiðsla

Upphafleg útbreiðsla tegundarinnar er í Bólivíu, Brasilíu, Paragvæ og Perú. Fjöldi tilkynninga um tegundina sem ágengan landnema á í langflestum tilvikum við skylda tegund: Pomacea diffusa.

Afkvæmi

Flestir eplasniglar verpa ofan við vatnsyfirborð, og geta fjölgað sér kynlaust. Eggin klekjast eftir 2 til 4 vikur. Þeir geta verpt um 200 til 600 eggum í einni lotu, en eggin eru ekki endilega öll frjóvguð (og klekjast þá ekki út). Eggin eru 2.2 til 3.5 mm á þvermál. Þegar þau klekjast þá falla ungarnir í vatnið og geta þeir stundum verið étnir af fiskum ef þau eru saman í búri.

Í fiskabúrum

Þessi tegund er oft höfð sem gæludýr í búrum, vegna fjölbreyttra lita á skel, lítillar ágengni við lifandi plöntur (kjósa helst þörunga), og hversu auðræktaðir þeir eru. Hins vegar geta þeir þurft viðbótarfæðu t.d. til að fá nóg kalk fyrir skelina.

Tilvísnanir

1. Pastorino, G. & Darrigan, G. (2011). „Pomacea bridgesii“. The IUCN Red List of Threatened Species. IUCN. 2011: e.T189088A8678453. doi:10.2305/IUCN.UK.2011-2.RLTS.T189088A8678453.en. Sótt 15. janúar 2018.
2. Cowie R. H., Hayes K. A., Thiengo S. C. (2006). What are apple snails? Confused taxonomy and some preliminary resolution. In Global Advances in the Ecology and Management of Golden Apple Snails. Edited by Joshi R. C., Sebastian L. S. Muñoz, Nueva Ecija: Philippine Rice Research Institute; 3-23.
3. Reeve, L. A. (agosto de 1856). Conchologica Iconica, X, plate 3.
4. Babay, A. (1875). Note sur la respiration des ampullaries. Journal of Conchology. XXIII:298-305.
5. Estebenet, A. L. &, Martín, P. R. (2002). Pomacea canaliculata (Gastropoda: Ampullariidae): life-history traits and their plasticity. Biocell. 26(1):83-89.

Tenglar

• http://www.applesnail.net

  Þessi líffræðigrein er stubbur. Þú getur hjálpað til með því að bæta við greinina.