Lundey (Skjálfanda)

Lundey á Skjálfanda.

Lundey er óbyggð eyja á Skjálfanda rétt hjá Húsavík. Eyjan er um 300 metra löng og 150 metra breið með bröttum klettabeltum allt í kring. Hæsti punktur eyjunnar er 34 metra yfir sjávarmáli. Eyjan dregur nafn sitt af því að þar er stór lundabyggð á sumrin.

Viti var fyrst reistur þar árið 1955, en nýr hringlaga turn úr trefjaplasti reistur með aðstoð þyrlu árið 1978. Ljóseinkenni vitans er Fl W 5s (hvítt blikkljós á 5 sekúndna fresti).