Mýrarbolti, einnig kallað mýrarfótbolti (Enska: Swamp football), er útfærsla af fótbolta sem spilaður er í mýrum eða drullusvaði.[1] Íþróttin er upprunnin í Finnlandi þar sem hún var upphaflega notuð sem æfing fyrir íþróttamenn og hermenn vegna þess styrks sem þarf til að hlaupa í mýri. Mýrarfótbolti er sérstaklega vinsæll í Kainuu-héraði.
Fyrsta skipulagða meistaramótið var finnska meistaramótið sem haldið var 1998.[2]
Auk Finnlands er mýrarbolti leikinn víðsvegar um heiminn, til dæmis í Þýskalandi, Rússlandi, Skotlandi og Indlandi.[2] Á Íslandi var haldið árlegt mýrarboltamót á Ísafirði um 15 ára skeið, lengst af í tengslum við verslunarmannahelgina.[3]